12 நீதிபதிகள் மட்டுமே சொத்து விபரம் பதிவு

by **ayyasamy ram** Mon Jul 02, 2018 10:39 am

புதுடில்லி:
சுப்ரீம் கோர்ட் நீதிபதிகளில் 23 பேரில் 12 பேர் மட்டுமே
தங்களது சொத்து விபரங்களை இணைய தளத்தில் பதிவு
செய்துள்ளனர்.

சுப்ரீம் கோர்ட்டின் அதிகாரபூர்வ இணையதளத்தில் இது
குறித்து வெளியிட்டிருப்பதாவது:

சுப்ரீம் கோர்ட்டின் நீதிபதிகளின் எண்ணிக்கையில் தற்போது
23பேர் வரை உள்ளனர். இவர்களில் 12 பேர் மட்டுமே தங்களது
சொத்து விபரங்களை தாக்கல் செய்துள்ளனர்.

இவர்களில் 2 பேர் தங்களிடம் சொந்தமாக கார் எதுவும்
இல்லை என தெரிவித்துள்ளனர்.

கடந்த1997-ம் ஆண்டில் மே மாதம் சுப்ரீம் கோர்ட்டின்
நீதிபதிகள் தங்களது சொத்து விபரங்களை வெளிப்படுத்த
வேண்டும் எனவும் அவை தலைமை நீதிபதியிடம் தெரிவிக்க
வேண்டும் அந்த அறிக்கைகள் ரகசியமாக வைத்திருக்கப்படும்
என தெரிவிக்கப்பட்டிருந்தது.

2007-ம் ஆண்டில் தகவல் அறியும் உரிமை சட்டத்தின் கீழ்
சொத்து விபரங்களை வெளியிடுமாறு கேட்டு டில்லி
உயர்நீதிமன்றத்தை அணுகினர். இந்த மனுவுக்கு சுப்ரீம்
கோர்ட் எதிர்ப்பு தெரிவித்தது.

இருப்பினும் 2009ம் ஆண்டு ஆகஸ்ட் 26-ம் தேதி சுப்ரீம் கோர்ட்
நீதிபதி கே.ஜி.,பாலகிருஷ்ணன் நீதிபதிகள் சொத்துவிபரங்கள்
தெரிவிக்கவேண்டும். பொது மக்களுக்கு அவை
தெரிவிக்கப்படும் என கூறி இருந்தது.

தற்போது வெளியிடப்பட்டுள்ள தகவலின் படி சுப்ரீம் கோர்ட்டின்
தலைமை நீதிபதிகள் உட்பட பிற நீதிபதிகள் 11 பேர் மட்டுமே
சொத்துவிபரங்களை இணைய தளத்தில் வெளியிட்டுள்ளனர்.
-
--------------------------------
தினமணி