பெண்ணின் பெருந்துயர்!

**ayyasamy ram** · **ayyasamy ram** Sun Jul 08, 2018 7:18 am

உறக்கத்தில் ஆழ்ந்திருந்த
யசோதரையை தவிக்க விட்டு
நள்ளிரவில் ஓடி
ஞானம் பெற்றான் புத்தன்!
-
எவரோ சொன்ன அவச்சொல்லுக்காய்
சீதையை நெருப்பில் இறக்கி
தன்னை
துாய்மைப்படுத்திக் கொண்டான் ராமன்!
-
இந்திரனின் பொய் கூவலுக்கு ஏமாந்து
நடு இரவில் குளிக்கப்போன கவுதம முனி
அகலிகையை கல்லாய் சபித்து
கவுரவம் காத்துக் கொண்டான்!
-
தனித்து இயங்கி
தன்னை விடவும்
உயர்ந்து விடக் கூடாதென்ற
உள்ளரசியலில் தான்
உமைக்கு இடபாகம் கொடுத்திருக்க வேண்டும்
சிவன்!
-
கஸ்துாரிபாயின்
தியாகமும் உழைப்புமின்றி
தேசத்தின் தந்தையாய்
உயர்ந்திருக்க முடியாது காந்தியால்!
-
சரித்திரம் புராணம் எதுவானாலும்
ஆணின் அத்தனை உயர்வுகளுக்கும்
பின்புலமாக இருந்திருக்கிறாள் பெண்
பெண்ணின் அத்தனைப்
பெருந்துயரங்களுக்கும்
காரணமாக இருந்திருக்கிறான், ஆண்!
-
----------------------------
எம்.சித்ராதேவி, சென்னை
நன்றி-வாரமலர்

**Dr.S.Soundarapandian** · **Dr.S.Soundarapandian** Thu Jul 12, 2018 10:00 pm

குழலோன் · குழலோன் Fri Jul 13, 2018 10:01 am

சித்தார்த்தன் பிரியாதிருந்திருந்தால் உலகுக்குப் புத்தன் கிடைத்திருக்க மாட்டான்.
கஸ்தூரி ஒத்துழைத்திருந்திருந்தால் உலகில் ஒரு மகாத்மா உருவாகியிருக்க மாட்டான்.
மற்றவை எல்லாம் புராணம்; அறிவுக்கு ஒவ்வாதவை!
'பெண்ணின் பெருந்தக்க யாவுள' என்னும் வள்ளுவன் வாக்குப் பொய்ப்பதில்லை!

Sponsored content · Sponsored content

பெண்ணின் பெருந்துயர்!

பெண்ணின் பெருந்துயர்!

Re: பெண்ணின் பெருந்துயர்!

Re: பெண்ணின் பெருந்துயர்!

Re: பெண்ணின் பெருந்துயர்!

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக