அமில மழைப் பொழிவிற்கான காரணங்கள்

அமில மழைப் பொழிவிற்கான காரணங்கள்
அமில மழைப்பொழிவிற்கான காரணங்களை இயற்கை மூலங்கள் மற்றும் மனிதனால் உருவாக்கப்பட்டவை என இரு வகைகளாகப் பிரிக்கலாம்.
இயற்கை மூலங்கள்
எரிமலை வெடிப்பே இயற்கையில் அமில மழைப் பொழிவிற்கு முக்கிய காரணமாகும். எரிமலை வெடிப்பின்போது அமில மழைப்பொழிவிற்கு காரணமான மாசுபடுத்திகள் அதிகளவு வெளியிடப்படுகிறது.
இம்மாசுபடுத்திகள் மழையாகவோ, பனியாகவோ, பனிபுகையாவோ அமில மழைப்பொழிவினை ஏற்படுத்துகின்றன.
மின்னல் மற்றும் காட்டுத்தீ மூலம் தாவரங்கள் அழிப்பு மற்றும் உயிரியல் செயல்முறைகளை அழித்தல் ஆகியவையும் அமில மழைப் பொழிவிற்கான இயற்கை மூலங்கள் ஆகும்.
மின்னல்கள் ஏற்படும்போது நைட்ரஜன் ஆக்ஸைடுகள் இயற்கையில் அதிகளவு உருவாகி அமில மழையைத் தோற்றுவிக்கின்றன.

செயற்கை மூலங்கள்
தொழிற்சாலைகள், அனல்மின் நிலையங்கள், வாகனங்கள் ஆகியவையே அமில மழைக்குக் காரணமான கந்த-டை-ஆக்ஸைடு, நைட்ரஜன் ஆக்ஜைடுகளை அதிக அளவு வெளியேற்றுகின்றன.
நிலக்கரி எரிப்பினால் மின்சாரம் தயார் செய்யப்படும் அனல்மின் நிலையங்களில் இருந்துதான் அதிகளவு அமில மழைக்கு காரணமான காற்று மாசுபடுத்திகள் வெளியிடப்படுகின்றன.
தொழிற்சாலைகளும், வாகனங்களும் அமில மழைக்கான மாசுபடுத்திகளை தினந்தோறும் காற்றில் கலக்கின்றன.
கந்த-டை-ஆக்ஸைடு, நைட்ரஜன் ஆக்ஜைடுகள் காற்றில் உள்ள ஈரப்பதத்துடன் இணைந்து கந்தக அமிலம், நைட்ரிக் அமிலம், அமோனியம் நைட்ரேட் போன்ற அமிலக் கூறுகளை உண்டாக்குகின்றன.
உலர்ந்த காலநிலையில் கந்த-டை-ஆக்ஸைடு, நைட்ரஜன் ஆக்ஜைடுகள் அமிலப் படிவங்களாக நிலப்பரப்பில் சேகரமாகின்றன.
இந்த அமிலப் படிவங்கள் மழை நீரில் கரைந்து நிலத்தின் மேல் மற்றும் உட்பரப்புகளை பாதிப்பதோடு, கடல்நீரினையும் பாதிக்கின்றன.

அமில மழைப் பொழிவின் விளைவுகள்
அமில மழைப்பொழிவு உயிரினங்கள், காடுகள், ஆறு, குளம், கடல் உள்ளிட்ட நீர்பரப்புக்கள், நிலப்பரப்பு மற்றும் சுற்றுச்சூழல் ஆகியவற்றை பெரிதும் பாதிப்படையச் செய்கிறது.

நீர்நிலைகள் மற்றும் நீர்வாழ் உயிரினங்களில் ஏற்படும் பாதிப்பு
அமில மழைப்பொழிவானது நேரடியாகவோ அல்லது காடுகள், வயல்வெளிகள், சாலைகள் ஆகியவற்றில் விழுந்து ஆறு குளம், கண்மாய், கடல் ஆகியவற்றில் சேகரமாகிறது.
இவ்வாறு சேகரமாகும் மழைப்பொழிவால் நீர்நிலைகளின் பி.எச் மதிப்பு குறையத் தொடங்குகிறது. குறைந்த பி.எச் மதிப்பையும், அதிகளவு அலுமினியத்தையும் அமில நீர் கொண்டுள்ளது.
இதனால் நீர்வாழ் உயிரினங்களில் பெரும் பாதிப்பை இம்மழைப் பொழிவு ஏற்படுத்துகிறது.
நீர் வாழ் விலங்குகள் மற்றும் தாவரங்கள் உயிர் வாழ நீரின் பி.எச் மதிப்பு 4.8 கீழ் செல்லக் கூடாது.
நீரின் பி.எச் மதிப்பு குறையும்போது மீன் முட்டைகள் பொரிப்பதில்லை. மேலும் மீன்களும் உயிரோடு இருப்பதில்லை.
இதனால் நீர்நிலைகளின் உயிர்சூழ்நிலையில் பெரும் பாதிப்பு உண்டாகிறது.

பாரதிசந்திரன்
திருநின்றவூர்

தங்கள் பதிவு சுற்றுச்சூழல் பற்றிய
விரிவான தகவல்கள் அருமை.
உங்களை ஈகரைக்கு அன்புடன்
வரவேற்கிறோம்.
உங்கள் அறிமுகம் அவசியம்.