நீங்கள் பகிரும் செல்ஃபியால் உங்கள் சொத்தையே எழுதி வாங்கிக் கொள்ளலாம் உஷார்!

by **ayyasamy ram** Fri Jun 29, 2018 4:36 pm

செல்ஃபி எடுத்து அதனை சமூக தளத்தில் பரவவிடும் போது,
அதனை சமூக விரோதிகள் எப்படியெல்லாம் தவறாகப்
பயன்படுத்தலாம் என்பது குறித்து:-

அதாவது, வெற்றியைக் குறிக்கும் வகையில் இளைஞர்கள்
அடிக்கடி இரண்டு விரல்களை v போல காட்டி செல்ஃபி
எடுத்து பகிர்ந்து கொள்கிறார்கள். சிலர், இந்த புகைப்
படங்களை எடுத்து, அதில் நமது விரல்களில் காணப்படும்
ரேகைகளை துல்லியமாகக் காட்டும் தொழில்நுட்ப
உதவியுடன் பதிவு செய்து, செயற்கை முறையில் நமது கை
ரேகையை தயாரித்துவிடலாம் என்கிறார்கள் நிபுணர்கள்.

ஒரு வேளை நமது ஆள்காட்டி விரலின் ரேகையை சமூக
விரோதிகள் செயற்கையாகத் தயாரித்து விட்டால்,
அதனைக் கொண்டு நமது முழு விவரத்தையும் கண்டு
பிடிக்கவும், தவறாகப் பயன்படுத்தவும் வாய்ப்பு உள்ளது.

சரி அதில் எப்படி சொத்தையே எழுதி வாங்க முடியும் என்று
கேட்கிறீர்களா? ஒரு வேளை தம்ஸ்-அப் போல் விரல்களை
மடக்கி கட்டை விரலை உயர்த்தும் செல்ஃபியில் உங்கள்
கட்டை விரல் ரேகையை சமூக விரோதிகள் அல்லது
உங்களது விரோதிகள் எடுத்து போலி கைரேகை
தயாரிக்கும் பட்சத்தில் உங்கள் சொத்தையே அவர்கள்
பெயருக்கு மாற்றி விடலாமே.

இது நிஜமா என்றால், வளர்ந்திருக்கும் நவீன தொழில்நுட்பம்
ஆம் என்றுதான் சொல்கிறது.

இதில் இருந்து தப்பிக்க வழியில்லையா? இருக்கிறது
ஆனால் இல்லை. அதாவது விரல் ரேகைகள் புகைப்படங்களில்
தெரியாமல் இருக்கும் வகையிலான மாற்று தொழில்
நுட்பத்தை உருவாக்கி வருகிறார்கள்.

இதனை கை விரல்களில் ஒட்டிக் கொண்டால் போதும்.
இன்னும் இரண்டு அல்லது 3 ஆண்டுகளில் இது சந்தைக்கு
வரும் என்று எதிர்பார்க்கப்படுகிறது.

சரி அதுவரை? செல்ஃபி எடுக்காமல் இருக்கலாம் அல்லது
செல்ஃபி எடுக்கும் போது உஷாராக எடுக்கலாம்.
-
---------------------------------
தினமணி