மஞ்சூரில் நாட்டிலேயே முதல் முறையாக நீர் மின்னுற்பத்தி குறித்த அருங்காட்சியகம்: மாணவர்கள் பார்வையிட அழைப்பு

**பழ.முத்துராமலிங்கம்** · 27/09/2015

நாட்டிலேயே முதன்முறையாக, நீலகிரி மாவட்டம், மஞ்சூரில் நீர் மின்னுற்பத்தி நிலையங்கள் குறித்த வரலாற்று அருங்காட்சியகம் அமைக்கப்பட்டுள்ளது.
தென்னகத்தின் தண்ணீர்த் தொட்டி என்று அழைக்கப்பட்ட நீலகிரி மாவட்டத்தில் ஆங்கிலேயர் வருகையின்போது முதல்முறையாக சிறிய அளவில் நீர் மின்னுற்பத்தியைத் துவக்கினர். இங்கு உற்பத்தி செய்யப்பட்ட மின்சாரம், தமிழகத்தின் ஈரோடு, கோவை, சென்னை உள்ளிட்ட பகுதிகளுக்கு மட்டுமல்லாது, அப்போதைய திருவிதாங்கூர் மாகாணம் (தற்போதைய கேரள மாநிலம்), கர்நாடக மாநிலத்தின் மைசூரு, உடுப்பி உள்ளிட்ட பகுதிகள் வரை மின் விநியோகம் செய்யப்பட்டது.
சுதந்திரம் பெற்ற பிறகு, நீலகிரியில் உற்பத்தியாகும் ஆறுகளின் குறுக்கே பல கோடி மதிப்பில் பல அணைகளைக் கட்ட முதன்முதலாக முன்னாள் முதல்வர் காமராஜர் ஏற்பாடு செய்தார்.

பைக்காரா, அவலாஞ்சி, மேல் பவானி, கெத்தை, குந்தா, சிங்காரா உள்ளிட்ட இடங்களில் கனடா, ரஷிய நாட்டுத் தொழில்நுட்பங்களைப் பயன்படுத்தி மிகப் பெரும் நீர் மின்நிலையத் திட்டங்களுக்கு அவர் அடித்தளமிட்டார். போதிய இயந்திர வசதியோ, நவீன கருவிகளோ இல்லாத அச்சூழலிலேயே, மலைக்க வைக்கக்கூடிய மாபெரும் திட்டங்களை, 10 ஆயிரத்துக்கும் மேற்பட்ட தொழிலாளர்கள் சுமார் மூன்றரை ஆண்டுகளில் நிறைவேற்றினர்.
நன்றி
தினமணி

**பழ.முத்துராமலிங்கம்** · 27/09/2015

இத்திட்டங்களால், நீலகிரி மாவட்டத்தில் உள்ள நீர் மின்னுற்பத்தி நிலையங்கள் மூலமாக தமிழகத்துக்குத் தேவையான 833.60 மெ.வா. மின்சாரம், மிகக் குறைந்த செலவில் உற்பத்தி செய்யப்பட்டு விநியோகிக்கப்படுகிறது.
இந்நிலையில், ஆங்கிலேயர் காலம் முதல் பல்வேறு பரிணாமங்களில் படிப்படியாக வளர்ச்சியடைந்த நீர் மின்நிலையச் செயல்பாடுகளையும், உற்பத்தி விவரத்தையும் பொதுமக்கள், தொழில்நுட்ப மாணவர்கள் தெரிந்து கொள்ளும் வகையில் அருங்காட்சியகம் அமைக்க தமிழ்நாடு மின்சார வாரியம் திட்டமிட்டது.
அதன்படி, நீலகிரி மாவட்டம், உதகையில் இருந்து சுமார் 30 கி.மீ. தொலைவில் உள்ள குந்தாவில் உள்ள மின் வாரிய அலுவலக வளாகத்தில் நீர் மின்னுற்பத்தி மற்றும் செயல்பாடு குறித்த வரலாற்று அருங்காட்சியகம் அண்மையில் திறக்கப்பட்டது.
இங்கு, நீலகிரி மாவட்டத்திலுள்ள அனைத்து நீர் மின்னுற்பத்தி நிலையங்களின் அடிக்கல் நாட்டு விழா, கட்டுமானப் பணிகள், அன்றைய தலைவர்கள் மேற்கொண்ட ஆய்வுகள் உள்ளிட்டவை அடங்கிய வரலாற்றுப் புகைப்படத் தொகுப்புகளும், 600-க்கும் மேற்பட்ட மின்னுற்பத்தி- பகிர்மானத்துக்குப் பயன்படுத்தப்பட்டு வந்த கருவிகள், உதிரி பாகங்களும் காட்சிப்படுத்தப்பட்டுள்ளன.

**பழ.முத்துராமலிங்கம்** · 27/09/2015

இந்த அருங்காட்சியகம், 20 ஆம் நூற்றாண்டின் இரண்டாம் பாதிவரை நீலகிரி மாவட்டத்தின் மின்னுற்பத்தி பங்களிப்பை விளக்கும் வகையில் அமைந்துள்ளது.
இந்த அருங்காட்சியகத்தைப் பார்வையிடுவதன் மூலம் மாணவர்களும் ஆய்வாளர்களும் முந்தைய அணை கட்டும் முறை , பராமரிப்பு உள்ளிட்டவற்றைத் தெரிந்து கொள்ளலாம். சிங்காரா முதல் கெத்தை வரை உள்ள நீர் மின்னுற்பத்தி நிலையங்களில் பயன்பாட்டில் இல்லாத பொருள்களை சேகரித்து அருங்காட்சியகத்தில் காட்சிப்படுத்தியுள்ளனர்.

மஞ்சூரில் நாட்டிலேயே முதல் முறையாக நீர் மின்னுற்பத்தி குறித்த அருங்காட்சியகம்: மாணவர்கள் பார்வையிட அழைப்பு Bf41b610

Sponsored content · Sponsored content

மஞ்சூரில் நாட்டிலேயே முதல் முறையாக நீர் மின்னுற்பத்தி குறித்த அருங்காட்சியகம்: மாணவர்கள் பார்வையிட அழைப்பு

மஞ்சூரில் நாட்டிலேயே முதல் முறையாக நீர் மின்னுற்பத்தி குறித்த அருங்காட்சியகம்: மாணவர்கள் பார்வையிட அழைப்பு

Re: மஞ்சூரில் நாட்டிலேயே முதல் முறையாக நீர் மின்னுற்பத்தி குறித்த அருங்காட்சியகம்: மாணவர்கள் பார்வையிட அழைப்பு

Re: மஞ்சூரில் நாட்டிலேயே முதல் முறையாக நீர் மின்னுற்பத்தி குறித்த அருங்காட்சியகம்: மாணவர்கள் பார்வையிட அழைப்பு

Re: மஞ்சூரில் நாட்டிலேயே முதல் முறையாக நீர் மின்னுற்பத்தி குறித்த அருங்காட்சியகம்: மாணவர்கள் பார்வையிட அழைப்பு

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக