அப்பா

by **M.M.SENTHIL** Tue Jun 19, 2018 9:59 am

என் அப்பா,
சில நேரம் - நான்
முகம் பார்க்கும் கண்ணாடியாய்,
பாட புத்தகத்தை தூக்கிவரும் சேவகனாய்,
மாசக் கடைசியில்
நான் கேட்கும் பொருளுக்காய்
வட்டிக்கு வாங்கும் கடன்காரனாய்,
தப்பு செய்துவிட்டு வீடு வந்தால்
கண்கள் சிவக்கும் கோபக்காரனாய்,
பொட்டபுள்ளக்கு எதுக்கு இத்தனை செல்லம் என்று
அம்மாவிடம் திட்டுவாங்கும் அப்பாவியாய்,
பத்தாவதில் என் மகள் தோற்றுவிட்டாள் எனும்போது
படிப்பு மட்டும் வாழ்க்கை இல்லை
என எனை தேற்றும் நண்பனாய்,
ஜெயித்து விட்டால்
மகள் வென்று விட்டாள் எனும் சந்தோச செய்தியை
ஊருக்கே சொல்லும் தபால்காரனாய்,
இருக்கும் இடத்தை அடகு வைத்து
கல்யாணம் செய்து வைக்கையில்
அனைத்தும் இழந்த அனாதையாய்,
எனக்கே ஒரு குழந்தை வரும் போது
அதை கொஞ்சும் குழந்தையாய்,
இறக்கும் தருவாயில் என் கை பிடித்து-உனக்கு ஏதேனும் குறை வைக்கலியே என கண்களால் பேசும்போது தெய்வமாய்,
அப்பா......
நான் பூமியைக் கண்டதென்னவோ என் அன்னையால்
பூமியில் காலூன்றி நிற்பது உங்களால்!
வரமொன்று வேண்டும்
நான் உங்களுக்கு தகப்பனாய் பிறக்க

by **T.N.Balasubramanian** Tue Jun 19, 2018 4:58 pm

MM Senthil kumar wrote:அப்பா......
நான் பூமியைக் கண்டதென்னவோ என் அன்னையால்
பூமியில் காலூன்றி நிற்பது உங்களால்!
வரமொன்று வேண்டும்
நான் உங்களுக்கு தகப்பனாய் பிறக்க

ரமணியன்

by **M.M.SENTHIL** Thu Jun 21, 2018 11:42 pm

T.N.Balasubramanian wrote:
MM Senthil kumar wrote:அப்பா......
நான் பூமியைக் கண்டதென்னவோ என் அன்னையால்
பூமியில் காலூன்றி நிற்பது உங்களால்!
வரமொன்று வேண்டும்
நான் உங்களுக்கு தகப்பனாய் பிறக்க

ரமணியன்

நன்றி ஐயா

ஒவ்வொரு வரியும் அப்பா பெண்
பாசத்தை கொட்டி தீர்க்கிறது.
ஒரு பெண் குழந்தைக்காக அப்பா
பண்ணும் தியாகத்தை போற்றியே
தீர வேண்டும்.

உங்களிடம் ஒரு வேண்டுகோள் எங்கேனும்
உங்கள் வரிகளை உபயோகிக்க நேர்ந்தால்
எனக்கு அந்த உரிமை தரவேண்டும்.