`தூசு தட்டப்படுகிறதா நில உச்ச வரம்பு சட்டம்?' - அதிர்ச்சியில் உறைந்திருக்கும் பெரு விவசாயிகள்

நில உச்ச வரம்பு சட்டத்தை தீவிரமாக நடைமுறைப்படுத்தத் தமிழக அரசு முடிவெடுத்துள்ளது. இதற்கான கணக்கெடுப்பு பணிகள் தற்பொழுது தொடங்கப்பட்டுள்ளது. இதனால் 30 ஏக்கருக்கு மேல் நிலம் வைத்திருக்கும் பெரு விவசாயிகள் அதிர்ச்சியில் உறைந்திருக்கிறார்கள்.



இந்தியாவில் 60 ஆண்டுகளுக்கு முன்பு நில உடைமையாளர்கள், மிராசுதார்கள், ஜமீன்தார்களிடம் நூற்றுக்கணக்கான ஏக்கர் நிலம் இருந்தன. ஒரு தனி குடும்பத்திடம் அதிகளவில் நிலங்கள் குவிந்திருப்பதை கட்டுப்படுத்த 1958-ம் ஆண்டு இந்திய அரசு நில உச்ச வரம்பு சட்டத்தை கொண்டு வந்தது. இந்தச் சட்டத்தின் படி ஒரு தனிநபர் அதிகபட்சம் 15 ஏக்கர் தான் நிலம் வைத்திருக்க வேண்டும். அவரது குடும்ப உறுப்பினர்கள் பெயரில் 15 ஏக்கர் நிலம் இருக்கலாம். அந்த வகையில் ஒரு குடும்பத்திடம் அதிகபட்சம் 30 ஏக்கருக்கு மேல் நிலம் இருக்கக்கூடாது என வரையறுக்கப்பட்டது.
அந்தச் சட்டம் அமல்படுத்தப்பட்டபோது நூற்றுக்கணக்கான ஏக்கர் நிலம் வைத்திருந்த மிராசுதார்கள், ஜமீன்கள் தங்களது நிலங்களை மருத்துவமனைகள், கல்லூரிகள் உகோயில்கள் உள்ளிட்ட பொது பயன்பாட்டிற்கு எழுதி வைத்தனர். இன்னும் பலர் அறக்கட்டளைகளை உருவாக்கி அதன் பேரில் தங்களது நிலங்களை பாதுகாத்துக் கொண்டார்கள். அதன்பிறகு இந்தியாவில் நில உச்ச வரம்பு சட்டம் கண்டுகொள்ளப்படாமலே இருந்தது. இதனால் தமிழ்நாடு உள்ளிட்ட பல்வேறு மாநிலங்களில் உள்ள வசதி படைத்தவர்கள் தங்களது பெயரிலும் தங்களது குடும்பத்தினரின் பெயரிலும் ஏராளமான நிலங்களை வாங்கிக் குவித்தார்கள். இந்த நிலையில்தான் தமிழக அரசு நில உச்ச வரம்பு சட்டத்தை நடைமுறைப்படுத்தத் தீவிரம் காட்டத் தொடங்கியுள்ளது.
கும்பகோணம் மற்றும் இதன் சுற்றுவட்டார பகுதிகளில் கிராம நிர்வாக அலுவலர்களிடம் உள்ள பதிவேடுகள் மூலம் நிலங்களின் அளவைக் கணக்கிடும் பணி தற்பொழுது தொடங்கப்பட்டுள்ளது. ஒரு குடும்பத்திடம் 30 ஏக்கருக்கு மேல் நிலம் இருந்தால், அதனை அரசு கையகப்படுத்தும். அறக்கட்டளை பெயரில் இருந்தால், அதன் செயல்பாடுகள், மக்கள் சேவை பயன்பாடுகள் தீவிரமாக ஆய்வு செய்யப்படும். இதனால் அறக்கட்டளை என்ற பெயரிலும் நிலங்களைத் தக்க வைத்துக்கொள்ள முடியாது. இதனால் இப்பகுதிகளில் உள்ள பெரு விவசாயிகள் கவலை அடைந்துள்ளார்கள்.
நன்றி
விகடன்

கூடுதல் நிலங்கள் கைவசம் வைத்திருப்பதே அரசியல்வாதிகள் தான் பினாமி பெயரில். அவர்கள் எவ்வாறு இந்த பழைய சட்டத்தை தூசு தட்டி எடுக்க விடுவார்கள் ? அவர்களுக்குகல்லவா அது வினையாக முடியும் .

anikuttan wrote:கூடுதல் நிலங்கள் கைவசம் வைத்திருப்பதே  அரசியல்வாதிகள் தான் பினாமி பெயரில். அவர்கள் எவ்வாறு இந்த பழைய சட்டத்தை தூசு தட்டி எடுக்க விடுவார்கள் ? அவர்களுக்குகல்லவா அது வினையாக முடியும் .

இது நூறு சதவீதம் உண்மை
இது நடக்காது ஒன்று
நன்றி