குதிரையில் வேலைக்கு சென்ற கம்ப்யூட்டர் இன்ஜினியர்

பெங்களூரு :
கர்நாடக தலைநகர் பெங்களூரில், போக்குவரத்து நெரிசலால்
மனம் வெறுத்துப்போன, கம்ப்யூட்டர் இன்ஜினியர் ஒருவர்,
குதிரையில் அலுவலகம் சென்றது, பரபரப்பை ஏற்படுத்தி
உள்ளது.

கர்நாடகாவில், முதல்வர், குமாரசாமி தலைமையில், ம.ஜ.த., -
காங்., கூட்டணி ஆட்சி நடக்கிறது. இம்மாநில தலைநகர்,
பெங்களூரில், உள்ள தகவல் தொழில்நுட்ப நிறுவனத்தில்,
கம்ப்யூட்டர் இன்ஜினியர், ரூபேஷ் குமார் வர்மா பணியாற்றி
வருகிறார்.

பெங்களூரு நகர போக்கு வரத்து நெரிசலால் வெறுத்துப்
போன, ரூபேஷ் குமார், வேலையை விட்டு, சொந்த நிறுவனம்
துவக்க முடிவு செய்துள்ளார்.

இதையடுத்து, வேலை நாளின் கடைசி நாளில், பெங்களூரு
நகர போக்குவரத்து நெரிசலுக்கு எதிர்ப்பு தெரிவிக்கும்
வகையில், குதிரையில் அலுவலகம் செல்ல முடிவு செய்தார்.

இதையடுத்து, நேற்று குதிரையில் ஏறி, அலுவலகத்துக்கு
பயணம் சென்ற ரூபேஷ் குமாரை, பலர் மொபைல் போனில்
படம் பிடித்து, சமூக வலைதளங்களில் பதிவேற்றினர்.
சிறிது நேரத்தில், ஏராளமானோர் அதை பகிர்ந்ததால்,
பரபரப்பு ஏற்பட்டது.

இதுதொடர்பாக, ரூபேஷ் குமார் கூறியதாவது:

நடுத்தர குடும்பத்தை சேர்ந்த நான், பெங்களூரில் எட்டு
ஆண்டுகளாக வேலை செய்து வருகிறேன். இந்நகர
சாலைகள் நெரிசல் மிக்கதாக உள்ளன. காற்று மாசடைந்து,
சுவாசிக்க ஏற்றதாக இல்லை.

இதற்கு எதிர்ப்பு தெரிவிக்கும் வகையில், கடைசி நாள்,
அலுவலகத்துக்கு குதிரையில் சென்றேன். போக்குவரத்து
அதிகமாக இருப்பதால் தான், குதிரை ஏற்றம் கற்றேன்.

எனக்கு, நம் நாட்டின் மீது அக்கறை உள்ளது.
ஏராளமான கம்ப்யூட்டர் இன்ஜினியர்கள், வெளிநாட்டு
நிறுவனங்களுக்கு பணிபுரிந்து, அவற்றை மேலும் வசதி
படைத்தவையாக மாற்றுகின்றனர்.

ஒரே மாதிரி கருத்துடையவர்கள், நிபுணர்கள் ஒன்று சேர்ந்து,
புதிய நிறுவனத்தை துவக்க முன் வர வேண்டும்.
இனி, பன்னாட்டு நிறுவனங்களுக்கு நான் வேலை செய்ய
மாட்டேன். சுய தொழில் துவங்கி, பலருக்கு வேலை தருவேன்.
இவ்வாறு அவர் கூறினார்.
-
--------------------------------
தினமலர்

\

அந்த காலத்து ZORRO என்ற ஹீரோ மாதிரி
முகத்தில் முகமூடி அணிந்து இருந்தால்
செமையாக இருந்திருக்கும்



ரமணியன்