கழிப்பறை சுவர்களில் காந்தி, மோடி படம் கூடாது'

**ayyasamy ram** · **ayyasamy ram** Fri Jun 08, 2018 8:26 am

-
புதுடில்லி :
'கழிப்பறைகள் மற்றும் குப்பை தொட்டிகளில், மகாத்மா காந்தி
மற்றும் பிரதமர் நரேந்திர மோடியின் படங்களை வரையக்
கூடாது' என, ரயில்வே வாரியம் உத்தரவிட்டுள்ளது.

நாடு முழுவதும், துாய்மை இந்தியா பிரசாரத்தின் கீழ், மக்களை
ஊக்குவிப்பதற்காக, ரயில்வேக்கு சொந்தமான கழிப்பறை
சுவர்கள் மற்றும் குப்பை தொட்டிகளில், காந்தியின் படம்
மற்றும் அவர் பயன்படுத்திய கண்ணாடி, ராட்டை, கைத்தடி
மற்றும் கடிகாரம் போன்ற பொருட்கள் சித்திரமாக
வரையப்பட்டன.

இதற்கு எதிர்ப்பு தெரிவித்து, சத்தீஸ்கர் உயர்நீதி மன்றத்தில்,
பொது நல மனு தாக்கல் செய்யப்பட்டது. கடந்த ஆண்டு,
இதுகுறித்த வழிமுறைகளை, அனைத்து மாநில அரசுகளுக்கும்,
மத்திய அரசு அனுப்பியது.

இதற்கிடையே, கழிப்பறை சுவர்கள் மற்றும் குப்பை
தொட்டிகளில், காந்தி மற்றும் அவர் பயன்படுத்திய பொருட்கள்,
பிரதமர் மோடியின் படங்களை வரையக்கூடாது என, அனைத்து
ரயில்வே மண்டல அதிகாரிகளுக்கும், ரயில்வே வாரியம்
உத்தரவிட்டுள்ளது.

மேலும், ஏற்கனவே வரையப்பட்ட சித்திரங்களை அழிக்கும்படி
அறிவுறுத்தியதையடுத்து கழிப்பறை சுவர்கள் மற்றும் குப்பை
தொட்டிகளில் வரையப்பட்ட, காந்தி, மோடி படங்களை
அழிக்கும் பணியில், ரயில்வே ஊழியர்கள் ஈடுபட்டுள்ளனர்.
-
----------------------------------
தினமலர்

SK · SK Fri Jun 08, 2018 10:01 am

ஆம் மோடி படத்தை வரைந்து குப்பை தொட்டிகளை கேவலப்படுத்த வேண்டாம்

**krishnaamma** · **krishnaamma** Fri Jun 08, 2018 12:43 pm

//கழிப்பறை சுவர்கள் மற்றும் குப்பை
தொட்டிகளில், காந்தி மற்றும் அவர் பயன்படுத்திய பொருட்கள்,
பிரதமர் மோடியின் படங்களை வரையக்கூடாது என, அனைத்து
ரயில்வே மண்டல அதிகாரிகளுக்கும், ரயில்வே வாரியம்
உத்தரவிட்டுள்ளது.//

நல்ல உத்தரவு ! ..............வரவேற்கிறேன் ! ..... கழிப்பறை சுவர்களில் காந்தி, மோடி படம் கூடாது' 3838410834

கழிப்பறை சுவர்களில் காந்தி, மோடி படம் கூடாது' 3838410834

anikuttan · anikuttan Sun Jun 10, 2018 7:45 am

இவர்கள் மகானான காந்தியடிகளுடன் மோடியை ஏன் சேர்த்து பேசுகிறார்கள் இது தான் புரியாத புதிராக உள்ளது . காந்தியடிகள் எங்கே இந்த மோடி எங்கே ? அப்போ மன்மோகன் சிங்கின் படத்தை வரையலாமா ?

சிவனாசான் · சிவனாசான் Tue Jun 12, 2018 8:35 pm

கோல்கேட் பவுடர் டப்பா விளம்பரத்திற்கு தெய்வப் புலவர்
அய்யன் திருவள்ளுவரையே பயன்படுத்துகிறார்கள் என்றால்
பாருங்களேன். வர வர மனிதனுக்கு பமே பெரிதென மதிக்க
மட்டுமே தெரிய வைத்துவிட்னர் அரசியல் செய்வோர் >>>

**ரா.ரமேஷ்குமார்** · 23/01/2011

anikuttan wrote:இவர்கள் மகானான காந்தியடிகளுடன் மோடியை ஏன் சேர்த்து பேசுகிறார்கள் இது தான் புரியாத புதிராக உள்ளது . காந்தியடிகள் எங்கே இந்த மோடி எங்கே ? அப்போ மன்மோகன் சிங்கின் படத்தை வரையலாமா ?

மோடி தற்போது இந்திய திருநாட்டின் பிரதமர் அதனால் தான் நண்பரே ... சிரி