கனவென்ற ஒரு கிராமத்து பயணம்!

sandhiya m · sandhiya m Sat Jul 21, 2018 10:13 pm

தென்றல் என்ற தோழியை
துணையென்று அழைத்து கிராமத்து
மண்ணில் கால் பதிக்கும்
அழகிய மங்கை இவளோ!

அவள் அணிதிருந்த தாவணியில்
பல காளைகளின் நெஞ்சம்
அவளின் காலடியில் விழுக
அதை கண்டு கொள்ளாமல்
செல்லும் விழியலகி தானோ..?

குயிலின் இசையோடு இணைந்து
இசைபாடி வயல்வெளியில்
பறந்து செல்லும் சுதந்திர பறவை
இவளாக இருப்பாளோ..?

மங்கையின் விழிகள் இரண்டு
கவிபாடும் என்றாலும் அதிலும்
ஒரு எல்லை இருக்கும்!
மனதால் அவளும் ஒரு குழந்தை
என்ற நிலையில் இருப்பாளோ..

அவளின் வீட்டுகள் அனைத்தும்
குயில்களின் கூடுகளே
மயிலிடம் நடனம் பயின்றாள்
அவளின் எண்ணங்கள்
அனைத்தும் அழகிய வெள்ளங்கள்!

அவளொரு காற்று அவளை
கையில் பிடிக்கவே முடியாது!
அவளை உணரலாமே தவிர
கண்களால் பார்க்க முடியாது!

கனவும் அழகிய மங்கை தான்!
அவள் அழைத்துச் செல்லும்
பயணங்கள் ஆயிரம்!
கனவென்ற அழகிய பயணத்தில்
கண்களை இழந்தேன் பெண்ணே!

இன்று அவளோடு ஒரு
சுகமான கனவு பயணம்!
இதோ இந்த கிராமத்து மண்ணில்
என்னோடு பயணிக்க நீயும் வா
கனவென்ற சுகமான பயணத்தில்
நாம் கைகோர்த்து செல்வோம்!

சந்தியா ஸ்ரீ

SK · SK Mon Jul 23, 2018 12:39 pm

கவிதை மிகவும் அருமை அந்த கிராமத்து குயிலை நானு பார்க்க ஆசை படுகிறேன்

நீண்ண்ட நாட்களுக்கு பிறகு உங்க பதிவு இங்கு வருகிறது தொடர்ந்து இணைந்திருங்கள்

இந்த பதிவைத் துவங்கியவர் நன்றி கூறியுள்ளார் SK

sandhiya m · sandhiya m Mon Jul 23, 2018 9:40 pm

SK wrote:கவிதை மிகவும் அருமை அந்த கிராமத்து குயிலை நானு பார்க்க ஆசை படுகிறேன்

நீண்ண்ட நாட்களுக்கு பிறகு உங்க பதிவு இங்கு வருகிறது தொடர்ந்து இணைந்திருங்கள்

ரொம்ப நன்றி தோழரே.. நானும் வரலாம் என்றுதான் நினைக்கிறேன்.. ஆனால் அதற்கு நேரம் அதிகம் கிடைப்பதில்லை.