ஆழி'யை பாதுகாப்போம்; இன்று உலக பெருங்கடல் தினம்

**ayyasamy ram** · **ayyasamy ram** Fri Jun 08, 2018 8:20 am

-
கடல் மற்றும் கடல்சார் உயிரினங்களை பாதுகாப்பது பற்றி
விழிப்புணர்வு ஏற்படுத்தும் விதமாக ஜூன் 8ம் தேதி,
உலக பெருங்கடல் தினம் கடைபிடிக்கப்படுகிறது.

'பிளாஸ்டிக் மாசுவை தடுத்தல் மற்றும் கடல் துாய்மைக்கான
தீர்வுகளை உருவாக்குதல்' என்பது இந்தாண்டு மையக்கருத்து.

பூமி ஒரு பங்கு நிலம், மூன்று பங்கு தண்ணீரால்
சூழப்பட்டுள்ளது. பூமியின் மொத்த தண்ணீரில், 97 சதவீதம்
கடல் நீராக உள்ளது. இதனால் வானில் இருந்து பூமியை பார்க்கும்
போது, ஊதா நிறத்திலேயே காணப்படும்.

பல வழிகளிலும் பயன் தரும் கடல்களின் நிலை, பெரும்
பிரச்னைகளை சந்திக்கிறது.

10 கோடி :

உலகின் சரக்கு போக்குவரத்து கடலில் தான் அதிகம் நடக்கிறது.
உலகில் 10 கோடி பேர் தினமும், உணவு, வருமானத்துக்கு கடலை
நம்பியே உள்ளனர். 52 சதவீத மீனவர்களுக்கு கடல் தான் வாழ்க்கை.
20 சதவீதம் பேர் ஓரளவிற்கும், 19 சதவீதம் பேர் மறைமுகமாகவும்
கடல் மூலம் பயன் பெற்று வருகின்றனர்.

சில இடங்களில் கடலில் இருந்து குடிநீர் சுத்திகரிக்கப்படுகிறது.
கடலில் பல அரிய வகை உயிரினங்கள் வாழ்கின்றன.
பவளப்பாறைகள், பனிப்பாறைகள் ஆகியவையும் கடலில்
உள்ளன.

பிளாஸ்டிக் மாசு :

இன்று நாம் ஒருமுறை பயன்படுத்தி விட்டு துாக்கி எறியும்
பிளாஸ்டிக், பாலிதீன் போன்றவை கடலில் கலக்கிறது. மேலும்
கடலில் கலக்கும் எண்ணெய் கசிவு, தொழிற்சாலை மற்றும்
குடியிருப்புகளில் இருந்து வெளியேறும் கழிவுநீர் ஆகியவை
கடலில் கலந்து, அதன் ஆரோக்கியத்துக்கு தீங்கு
விளைவிக்கின்றன.

இதனால் கடல்வாழ் உயிரினங்களுக்கும் அழிவு ஏற்படுகிறது.
நிலத்தில் மரம் அழிந்தால் எப்படி பாதிப்பு ஏற்படுகிறதோ,
அதுபோலத்தான் கடலில் பவளப்பாறைகள் அழிவதால் பாதிப்பு
ஏற்படுகிறது.
-
-------------------------------------
தினமலர்

ஆழி'யை பாதுகாப்போம்; இன்று உலக பெருங்கடல் தினம்

ஆழி'யை பாதுகாப்போம்; இன்று உலக பெருங்கடல் தினம்

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக