அமைதியான நாடுகள் பட்டியல்: இந்தியா முன்னேற்றம்

**சிவா** · **சிவா** Fri 8 Jun 2018 - 2:11

லண்டன்: சர்வதேச அளவில், அமைதியான நாடுகள் குறித்த பட்டியலில், கடந்த ஆண்டை விட 4 இடங்கள் முன்னேறி 137 வது இடத்தை இந்தியா பிடித்துள்ளது. பல்வேறு அமைப்புகள் மூலம் நடவடிக்கை எடுத்து குற்ற செயல்களை குறைத்துள்ளதால், இந்தியா கடந்த ஆண்டை விட முன்னேற்றம் பெற்றுள்ளது.

தொடர்ந்து முதலிடம்

இது தொடர்பாக ஆய்வு நடத்திய ஆஸ்திரேலியாவை சேர்ந்த அமைப்பு ஒன்று பட்டியல் வெளியிட்டுள்ளது. இதில், 2008 முதல் ஐஸ்லாந்து தொடர்ந்து முதலிடத்தில் உள்ளது. அடுத்த இடங்களில், நியூசிலாந்து, போர்ச்சுகல், ஆஸ்திரியா மற்றும் டென்மார்க் ஆகிய நாடுகள் உள்ளன. கடைசி இடத்தில் சிரியா உள்ளது. இதற்கு முன், ஆப்கன், ஈராக், தெற்கு சூடான் மற்றும் ஏமன் ஆகிய நாடுகள் உள்ளன.

காஷ்மீர் பிரச்சனை

கடந்த ஆண்டு 141 வது இடத்தில் இருந்த இந்தியா 137 வது இடத்திற்கு முன்னேறியுள்ளது. விசாரணை அமைப்புகளின் நடவடிக்கை காரணமாக, கொடூர குற்றங்கள் குறைந்து வருவதால், இந்தியா முன்னேற்றம் அடைந்துள்ளது.

அதேநேரத்தில், காஷ்மீர் பிரச்னை, இந்தியா மற்றும் பாகிஸ்தான் இடையே பதற்றத்தை ஏற்படுத்தியுள்ளது. இரு தரப்பிலும் உயிரிழப்பு ஏற்படுவதாக அந்த அமைப்பு வெளியிட்ட பட்டியலில் தெரிவிக்கப்பட்டுள்ளது.

**T.N.Balasubramanian** · **T.N.Balasubramanian** Fri 8 Jun 2018 - 11:22

இந்தியர்கள் அமைதியானவர்கள்.
நட்பு---- ஜாதி, மதம்,இனம் இவைகளை தாண்டி நல்லமுறையில் வளர்ந்து வருகிறது.
இருப்பினும் சில அரசியல் தலைகள் ,சில அமைப்புகள் தங்கள் வளர்ச்சிக்காக
மக்களை பயன்படுத்துகின்றனர். மக்களும் அவர்கள் தரும் பணத்திற்காக,
ஆமாம் சாமிகளாக மாறி அட்டூழியங்கள் செய்கின்றனர்.
எந்தன் பார்வையில் தனி ஒரு மனிதன் அமைதியானவனே, அரசியல் தலையீடு
இல்லாதவரை.

ரமணியன்