நீட் தோல்வியால் இன்னொரு மாணவர் தற்கொலை!

நீட் தேர்வு தோல்வியினால், 8-வது மாடியில் இருந்து குதித்து டெல்லி மாணவர் ஒருவர் தற்கொலை செய்துகொண்டார்.


இந்த ஆண்டின் மருத்துவப் படிப்புக்கான நீட் நுழைவுத் தேர்வு, கடந்த மே 6-ம் தேதி நாடு முழுவதும் நடைபெற்றது. நீட் தேர்வு முடிவுகள் நேற்று வெளியானது. இதில், இந்தியா முழுவதும் தேர்வு எழுதிய 13,26,725 பேரில் 7,14,598 பேர் கவுன்சலிங்குக்குத் தகுதிபெற்றுள்ளதாக சி.பி.எஸ்.இ அறிவித்துள்ளது. ராஜஸ்தான் முதல் இடமும், டெல்லி இரண்டாவது இடமும், ஹரியானா மூன்றாம் இடமும் பிடித்துள்ளது. டெல்லியில் மட்டும் 73 சதவிகிதம் பேர் தேர்ச்சி அடைந்துள்ளனர்.
இந்நிலையில், டெல்லி டவாக்கா பகுதியில் வசித்துவரும் 19 வயது மாணவர் ஒருவர், தன் குடியிருப்பின் 8-வது மாடியில் இருந்து குதித்து தற்கொலை செய்துகொண்டார். தகவலறிந்து சம்பவ இடத்துக்கு வந்த காவல்துறையினர் நடத்திய விசாரணையில், மாணவரின் அறையில் ஒரு கடிதம் கிடைத்துள்ளது. அதில், ‘இன்று வெளியான தேர்வு முடிவுகளில் நான் தோல்வி அடைந்துவிட்டேன். ஆனால், இதை மறைத்து என் பெற்றோர்களிடம் பொய்கூறிவிட்டேன்’ என எழுதியிருந்ததாகவும், மேலும், அவரது அறையில் உள்ள ஃபேனில் துப்பட்டா ஒன்று கட்டித் தொங்கிக் கொண்டிருந்ததாகவும் காவல்துறை அதிகாரிகள் தெரிவித்துள்ளனர்.
தற்கொலை செய்துகொண்ட மாணவர் 2016-ம் ஆண்டு பன்னிரண்டாம் வகுப்பு முடித்தவர். இவர் கடந்த இரண்டு வருடங்களாக நீட் தேர்வு எழுதியுள்ளார். இந்த வருடம் வெளியான நீட் தேர்விலும் தோல்வி அடைந்ததால் மனமுடைந்து தற்கொலை செய்துகொண்டுள்ளதாகவும் தெரிவித்துள்ளனர்.
நன்றி
விகடன்

நீட் தேர்வில் தோல்வியால் மாணவி பிரதீபா தற்கொலை!




நீட் தேர்வில் தோல்வியடைந்ததால் விழுப்புரத்தைச் சேர்ந்த மாணவி பிரதீபா என்பவர் தற்கொலை செய்துகொண்டார். இந்தச் சம்பவம் பெரும் அதிர்ச்சியை ஏற்படுதியுள்ளது.
2018-ம் ஆண்டின் மருத்துவப் படிப்பின் நுழைவுத்தேர்வான நீட் தேர்வு முடிவுகள் இன்று வெளியானது. அதில், இந்தியா முழுவதும் தேர்வு எழுதிய 13,26,725 பேரில் 7,14,598 பேர் கவுன்சலிங்குக்குத் தகுதி பெற்றுள்ளதாக சி.பி.எஸ்.இ அறிவித்துள்ளது. தமிழக மாணவர்கள் 1,14,602 பேர் தேர்வு எழுதினர். அவர்களில் 45,336 பேர் தேர்ச்சி பெற்றுள்ளனர். இந்தநிலையில், நீட் தேர்வில் தோல்வியடைந்த காரணத்தால் விழுப்புரத்தைச் சேர்ந்த கூலித் தொழிலாளியின் மகள் பிரதீபா என்ற என்பவர் தற்கொலை செய்துகொண்டுள்ளார்.
கூலித் தொழிலாளியின் மகளான அவர் 12 வகுப்பில் 1,125 மதிப்பெண்கள் எடுத்தவர். நேற்று, வந்த நீட் தேர்வு முடிவில் அவர் 39 சதவீத மதிப்பெண்கள் மட்டுமே பெற முடிந்தது. அந்த விரக்தியில் அவர் நேற்று தற்கொலை செய்துகொண்டார். இந்தச் சம்பவம் பெரும் அதிர்ச்சியை ஏற்படுத்தியுள்ளது. அவர், கடந்த ஆண்டு நீட் தேர்வில் 155 சதவீத மதிப்பெண்கள் எடுத்திருந்தார். அந்த மதிப்பெண்ணைக் கொண்டு தனியார் மருத்துவமனையில்தான் சேருவதற்கான வாய்ப்பு இருந்த நிலையில், பணம் இல்லாத காரணத்தால் அப்போது மருத்துவத்தில் சேரவில்லை. ஏற்கெனவே, நீட் தேர்வில் தோல்வியடைந்த காரணத்தினால் அரியலூரைச் சேர்ந்த அனிதா என்ற மாணவி தற்கொலை செய்துகொண்டது தமிழகம் முழுவதும் பெரும் அதிர்வலையை ஏற்படுத்தியிருந்தது. இந்தநிலையில் தற்போது விழுப்புரத்தைச் சேர்ந்த மாணவி பிரதீபா தற்கொலை செய்து கொண்டது பெரும் சோகத்தை ஏற்படுத்தியுள்ளது.
நன்றி
விகடன்

மன தைரியம் இல்லாதவர்கள் மருத்துவ துறைக்கு வருவதற்கு
தகுதி அற்றவர்கள். மருத்துவம் எப்போதுமே வெற்றி அடையாது.
சில பல தோல்விகள் சந்திக்கவேண்டிய அவசியம் உண்டு.
வெற்றி எடுத்தவுடனே சிலருக்குத்தான் கிடைக்கும்
எல்லா துறையிலும் வெற்றி தோல்வி உண்டு.
விடா முயற்சி வெற்றியையே அளிக்கும்.

இறந்தவர்கள்  குடும்பத்திற்கு ஆழ்ந்த வருத்தத்தை தெரிவிக்கின்ற
அதே சமயத்தில் மாணவ மாணவிகளுக்கு ஒரு வேண்டுகோள்.
உங்கள் திறமை உங்களுக்கே தெரியும்.அதற்கு தக்கபடி உங்களை
தயார் செய்துகொள்ளுங்கள்.

வெற்றி பெறவேண்டும் என்ற வெறி இருந்தால் நிச்சயம்
வெற்றி பெறுவீர்.

ரமணியன்

T.N.Balasubramanian wrote:மன தைரியம் இல்லாதவர்கள் மருத்துவ துறைக்கு வருவதற்கு
தகுதி அற்றவர்கள். மருத்துவம் எப்போதுமே வெற்றி அடையாது.
சில பல தோல்விகள் சந்திக்கவேண்டிய அவசியம் உண்டு.
வெற்றி எடுத்தவுடனே சிலருக்குத்தான் கிடைக்கும்
எல்லா துறையிலும் வெற்றி தோல்வி உண்டு.
விடா முயற்சி வெற்றியையே அளிக்கும்.

இறந்தவர்கள்  குடும்பத்திற்கு ஆழ்ந்த வருத்தத்தை தெரிவிக்கின்ற
அதே சமயத்தில் மாணவ மாணவிகளுக்கு ஒரு வேண்டுகோள்.
உங்கள் திறமை உங்களுக்கே தெரியும்.அதற்கு தக்கபடி உங்களை
தயார் செய்துகொள்ளுங்கள்.

வெற்றி பெறவேண்டும் என்ற வெறி இருந்தால் நிச்சயம்
வெற்றி பெறுவீர்.

ரமணியன்

நீங்கள் கூறியது நூறு சதவீதம் உண்மை
தோல்வியை கண்டு துவண்டு விடக்கூடாது.
இந்த முறை முடியவில்லையா அடுத்த முறை
முயற்க்கலாம். அது விடுத்து தற்கொலை ஒரு தீர்வு அன்று.
படிக்க முன்னேற பல வழிகள் உள்ளது.
ஒரு உயிரை மாய்த்து கொள்ளவது கோழைத்தனம்.
என் ஆழ்ந்த அனுதாபங்கள் குடும்பத்தாருக்கு.