மீண்டும் பா.ஜ., ஆட்சி: கருத்துகணிப்பில் தகவல்

**ayyasamy ram** · **ayyasamy ram** Sat May 26, 2018 4:25 pm

புதுடில்லி:
பா.ஜ., தலைமையிலான தேசிய ஜனநாயக கூட்டணி அரசு
274 தொகுதிகளில் வெற்றி பெற்று மீண்டும் ஆட்சியமைக்கும்
என இந்தியா டுடே டிவி சேனல் கருத்து கணிப்பில்
கூறப்பட்டுள்ளது.

274 இடங்களில்

இது தொடர்பாக இந்தியா டுடேவுக்காக சிஎஸ்டிஎஸ் -
லோகனிடி மூட் என்ற அமைப்பு நடத்திய கருத்து கணிப்பில்
கூறப்பட்டுள்ளதாவது: கடந்த 2014 லோக்சபா தேர்தலில்
323 தொகுதிகளில் வெற்றி பெற்ற தேசிய ஜனநாயக கூட்டணி,
இப்போது தேர்தல் நடந்தால் 274 இடங்களை பெற வாய்ப்பு
உள்ளது.

இதனால் மீண்டும் ஆட்சி அமைக்கும் வாய்ப்பு ஏற்படலாம்.
அதேபோல், 2014ல் 60 இடங்களில் வெற்றி பெற்றிருந்த ஐக்கிய
முற்போக்கு கூட்டணி 164 இடங்களில் வெற்றி பெற வாய்ப்பு
உள்ளது. மற்ற கட்சிகள் 105 இடங்களில் வெற்றி பெற வாய்ப்பு
உள்ளது.

சரிவு

கடந்த 2014ல் 36 சதவீதமாக இருந்த பாஜ ஓட்டு சதவீதமும்,
37 சதவீதமாக அதிகரித்துள்ளது. காங்கிரசின் ஓட்டு சதவீதமும்
25 சதவீதத்திலிருந்து 31 சதவீதமாக அதிகரித்துள்ளது.

மேலும் உ.பி., மத்திய பிரதேசம், ராஜஸ்தான் ஆகிய மாநிலங்களில்
தேசிய ஜனநாயக கூட்டணியின் வாக்கு சதவீதம் சரிந்துள்ளது.
இங்கு காங்கிரஸ் கட்சிக்கு அதிக ஓட்டுகள் கிடைக்க வாய்ப்பு
உள்ளது.

பீஹார், குஜராத்தில் தேசிய ஜனநாயக கூட்டணிக்கு வாக்கு
சதவீதம் அதிகரித்துள்ளது. இவ்வாறு அந்த கருத்து கணிப்பில்
தெரிவிக்கப்பட்டுள்ளது.
-
---------------------------
தினமலர்

SK · SK Tue May 29, 2018 9:22 am

பா.ஜ.க வெற்றி EVM ஐ நம்பி தான் இருக்கிறது

**krishnaamma** · **krishnaamma** Tue May 29, 2018 10:25 am

//பா.ஜ., தலைமையிலான தேசிய ஜனநாயக கூட்டணி அரசு
274 தொகுதிகளில் வெற்றி பெற்று மீண்டும் ஆட்சியமைக்கும்
என இந்தியா டுடே டிவி சேனல் கருத்து கணிப்பில்
கூறப்பட்டுள்ளது.//

சூப்பருங்க