பினாமி பெயரில் நிலம், வீடுகள் குவிப்பதை கண்டறிய ரூ10 லட்சத்துக்கும் மேல் சொத்து விற்பனை விவரம் கேட்கிறது வருமான வரித்துறை : 31ம் தேதிக்குள் ஒப்படைக்க பதிவுத் துறைக்கு உத்தரவு

சென்னை : ரூ.10 லட்சத்திற்கு மேல் உள்ள சொத்து பதிவை வருமானவரித்துறையிடம் 31ம் தேதிக்குள் ஒப்படைக்க வேண்டும் என்று சார்பதிவாளர்களுக்கு உத்தரவிடப்பட்டுள்ளது. அன்றைய தினத்திற்குள் ஒப்படைக்கா விட்டால் ஒரு நாளைக்கு ஆயிரம் அபராதம் என மிரட்டல் விடுத்திருப்பது சார்பதிவாளர்கள் மத்தியில் அதிர்ச்சியை ஏற்படுத்தியுள்ளது. தமிழகம் முழுவதும் 575 சார்பதிவு அலுவலகங்கள் உள்ளன. இதன் மூலம் வீடு விளை நிலம் உள்ளிட்ட சொத்து பரிமாற்றங்கள் பதிவு செய்யப்படுகிறது. ஒவ்வொரு ஆண்டும் சராசரியாக 25 லட்சம் ஆவணங்கள் வரை பதிவு செய்யப்படுகிறது. இதில், ரூ.10 லட்சத்துக்கும் மேல் சொத்து மதிப்பு இருந்தால், அது தொடர்பான விவரங்கள் வருமான வரித்துறையினர் சார்பதிவு அலுவலகத்தில பெற்று கொள்ள வேண்டும்.

ஆனால் தொழிலதிபர்கள் வீடு, நிலங்களை பினாமி பெயரிலும், லட்சக்கணக்கில் வரி கட்டாமல் சொத்து வாங்கி குவிப்பதும் தெரிய வந்தது. இதையடுத்து தற்போது ரூ.10 லட்சத்திற்கும் மேல் சொத்து பதிவு இருந்தால் அந்த விவரங்களை இணையதளம் மூலம் சார்பதிவாளர்களே அப்டேட் ெசய்யவும் அறிவுறுத்தியது. குறிப்பாக, பத்திரம் வாங்கியவர், விற்றவர்களின் பெயர், முகவரி, சொத்து அமைந்துள்ள பகுதி, மதிப்பு உள்ளிட்ட அனைத்து விவரங்களையும் அனுப்ப வேண்டும் என்று தெரிவித்துள்ளது. இந்த நிலையில், வரும் 31ம் தேதிக்குள் ரூ. 10 லட்சத்துக்கும் மேல் பதிவான ஆவணங்களை ஒப்படைக்குமாறு வருமான வரித்துறை சார்பதிவாளர்களுக்கு உத்தரவிட்டுள்ளது.

அதன்பேரில் 10 லட்சத்திற்கு மேல் பதிவான ஆவணங்களை அனுப்பி வைக்கும் பணியில் ஈடுபட்டுள்ளனர். ஆனால், வருமான வரித்துறை இணையதளத்தில் தொழில் நுட்ப பிரச்னை இருப்பதால் அனுப்பி வைப்பதில் சிக்கல் ஏற்பட்டுள்ளது. இருப்பினும் பத்திரத்தை அனுப்பி வைக்காவிட்டால் ஒரு நாளைக்கு ஆயிரம் அபராதம் விதிக்கப்படும் என்று தெரிவிக்கப்பட்டுள்ளது. இதனால், பதிவுப்பணிகளை கூட மேற்ெகாள்ளாமல் சார்பதிவாளர்கள் ஆவணங்களை அனுப்பி வைக்கும் பணியில் ஈடுபட்டு வருகின்றனர். இதனால், பத்திரம் பதிவு செய்ய வரும் பொதுமக்கள் ஏமாற்றத்துடன் திரும்பி சென்றனர்.

   நன்றி
   தினகரன்