ஜூன் 30 முதல் ஒரே இணையதளத்தில் மொபைல் கட்டண விவரம் வெளியிட டிராய் உத்தரவு

**ayyasamy ram** · **ayyasamy ram** Sat May 26, 2018 3:50 pm

புதுடெல்லி:
அனைத்து மொபைல் நிறுவனங்களும் கட்டண விவரங்களை
பொது இணையதளத்தில் ஜூன் 30ம் தேதி முதல் வெளியிட
வேண்டும் என டிராய் உத்தரவிட்டுள்ளது.

மொபைல் நிறுவனங்களின் கட்டண விவரங்கள் அந்தந்த
இணையதளத்தில் வெளியிடப்படுகின்றன. இவை ஒரே
இணையதளத்தில் இருந்தால்தான் வாடிக்கையாளர்கள்
கட்டண விவரங்களை ஒப்பிட்டு பார்க்க முடியும் என
தொலைத்தொடர்பு ஒழுங்குமுறை ஆணையம் (டிராய்)
ஏற்கெனவே தெரிவித்திருந்தது.

சந்தாதாரர்கள் கட்டண விவரங்களை ஒப்பிட்டு பார்க்க
www.tariff.trai.gov.in என்ற இணையதள பக்கத்தை
உருவாக்கியுள்ளது.

பரிசோதனை முயற்சியாக தொடங்கப்பட்டுள்ள இந்த
இணையதளத்தில் டெல்லி தொலைத்தொடர்பு வட்டத்தில்
உள்ள மொபைல் நிறுவனங்களின் கட்டண விவரங்கள்,
தரைவழி தொலைபேசி சேவை அளிக்கும் பிஎஸ்என்எல்
உள்ளிட்ட நிறுவனங்களின் கட்டண விவரங்களை
வாடிக்கையாளர்கள் தெரிந்து கொள்ளலாம்.

படிப்படியாக நாடு முழுவதும் அனைத்து நிறுவனங்களின்
கட்டண விவரங்கள் தொலைத்தொடர்பு வட்டம் வாரியாக
வெளியிடப்படும் என டிராய் ஏற்கெனவே அறிவித்திருந்தது.

ஆனால் தொலைத்தொடர்பு நிறுவனங்கள் இதற்கு
ஆட்சேபசம் தெரிவித்திருந்தன.

இந்நிலையில், அடுத்த மாதம் 30ம் தேதியில் இருந்து
அனைத்து தொலைத்தொடர்பு நிறுவனங்களும் தங்கள்
கட்டண விவரங்கள், பேக்கேஜ் என அனைத்தையும்
சமர்ப்பிக்க வேண்டும் என டிராய் உத்தரவிட்டுள்ளது.

வாடிக்கையாளர் நலன் கருதி இந்த நடவடிக்கை
எடுக்கப்பட்டுள்ளது. தொலைபேசி சந்தாதாரர்கள் பிற
நிறுவனங்களின் கட்டண விவரங்களுடன் ஒப்பிட்டுப்
பார்த்து சிறந்த பேக்கேஜை தேர்வு செய்ய இது வசதியாக
இருக்கும். அதோடு, தங்களுக்கு பொருத்தமான
நிறுவனத்துக்கு மாறிக்கொள்ளவும்,
கட்டணத்தில் சமநிலை ஏற்படுத்தவும் இது உதவும் என
டிராய் வட்டாரங்கள் தெரிவிக்கின்றன.
–
————————————–
தினகரன்

ஜூன் 30 முதல் ஒரே இணையதளத்தில் மொபைல் கட்டண விவரம் வெளியிட டிராய் உத்தரவு

ஜூன் 30 முதல் ஒரே இணையதளத்தில் மொபைல் கட்டண விவரம் வெளியிட டிராய் உத்தரவு

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக