நலிவடைகிறது கம்பீர நடை போட்ட ஜவுளித்துறை: ரவிக்குமார், கோவை, திருப்பூர் மாவட்ட குறுந்தொழில் முனைவோர் சங்க (காட்மா) தலைவர்

**பழ.முத்துராமலிங்கம்** · 27/09/2015

தென்னிந்தியாவின் மான்செஸ்டர் என்ற பெருமை கொண்ட கோவை மாவட்டத்தில், 50 ஆயிரம் லேத் ஒர்க்க்ஷாப்கள், 5 ஆயிரம் சிஎன்சி மெஷின் ஒர்க்க்ஷாப்கள், 560 பவுண்டரி ஆலைகள், 3 ஆயிரம் பம்புசெட் நிறுவனங்கள், 1,200க்கும் மேற்பட்ட கிரைண்டர் தொழிற்சாலைகள், 640 ஆட்டோமொபைல் நிறுவனங்கள், 1,500க்கும் மேற்பட்ட டெக்ஸ்டைல் ஆலைகள், 3 ஆயிரத்துக்கும் மேற்பட்ட நகை பட்டறைகள் என எண்ணற்ற தொழில் நிறுவனங்கள் உள்ளன. தொழில்துறையில் முன்னணியில் உள்ள மாவட்டம் என்பதால், வெளிமாவட்டம் மற்றும் வெளிமாநிலங்களில் இருந்து வேலை தேடி வருவோர் எண்ணிக்கை நாளுக்கு நாள் அதிகரிக்கிறது. கடந்த 7 ஆண்டுகளாக நிலவிவந்த மின்வெட்டு, கோவை தொழில்துறையை தலைகீழாக புரட்டி போட்டுவிட்டது.

கடந்த 3 ஆண்டுகளுக்கு முன்பு வரை நாள் ஒன்றுக்கு 8 மணி நேரம் முதல் 10 மணி நேரம் வரை மின்வெட்டு இருந்தது. தற்போது மின்வெட்டு ஓரளவு குறைந்துவிட்டாலும், கோவை மண்டல தொழில்துறை அடியோடு முடங்கிப்போனது. ஏற்கனவே நசிந்துபோன தொழில்துறை மீண்டும் பழைய நிலைக்கு திரும்பவில்லை. கைநழுவி போன ஜாப்ஆர்டர் மீண்டும் கிடைக்கவில்லை. தொழில்துறையில் மந்த நிலை ஏற்பட்டுள்ளது. குறிப்பாக, குறு, சிறு மற்றும் நடுத்தர தொழில் நிறுவனங்களில் நாள் ஒன்றுக்கு 15 கோடி முதல் 25 கோடி வரை உற்பத்தி இழப்பு ஏற்படுகிறது. பம்புசெட் துறையில் நாள் ஒன்றுக்கு 50 கோடி முதல் 60 கோடி வரை வர்த்தகம் நடந்தது. ஆனால், தற்போது, 5 கோடி முதல் 10 கோடி வரை மட்டுமே வர்த்தகம் நடக்கிறது. ஜவுளி, நகை, கிரைண்டர் என எல்லா துறைகளிலுமே 40 முதல் 60 சதவீதம் வரை உற்பத்தி இழப்பு ஏற்பட்டுள்ளது.
நன்றி
தினகரன்

**பழ.முத்துராமலிங்கம்** · 27/09/2015

நாட்டின் மொத்த ஜவுளி வர்த்தகத்தில், மூன்றில் ஒரு பங்காக விளங்குகிறது. ஆண்டுக்கு 75 ஆயிரம் கோடி அளவுக்கு அந்நிய செலவாணி ஈட்டித்தருகிறது. கம்பீரமாக நடைபோட்டு வந்த ஜவுளித்துறை கடந்த 10 ஆண்டாக நலிவடைந்து வருகிறது. மின்வெட்டால் ஏற்பட்ட உற்பத்தி இழப்பு காரணமாக கோவையில் உள்ள பல்வேறு பஞ்சாலைகள், ராஜபாளையம், திண்டுக்கல் பகுதிகளுக்கு இடம் பெயர்ந்துவிட்டன. தமிழ்நாடு மின்உற்பத்தி மற்றும் பகிர்மான கழகத்தின் பெரிய நுகர்வோராக ஜவுளித்துறை உள்ளது. அதாவது, மின்வாரியத்துக்கு 45 சதவீத வருவாய் ஜவுளித்துறையிடம் இருந்துதான் கிடைக்கிறது. ஆனால், மின்வெட்டால் பல ஜவுளி ஆலைகளை மூடும் நிலை ஏற்பட்டுள்ளது.

சிறு குறு, மற்றும் நடுத்தர தொழிற்கூடங்கள் மூலம், டெக்ஸ்டைல், பம்ப்செட், மோட்டார், வெட்கிரைண்டர், ஆட்டோமொபைல், மத்திய அரசின் ரயில்வே, ராணுவம் உள்ளிட்ட பல்வேறு துறைகளுக்கு தேவையான உதிரிபாகம் தயாரித்து கொடுக்கப்படுகிறது. இவையெல்லாம் வதைபடுவதுடன், தற்போது முடங்கிப்போய்விட்டது. தொழிலாளர்கள் இடம்பெயர்ந்து விட்டனர்.லேத் மெஷின், மில்லிங் மெஷின், பிஆர்ஓ மில்லிங், கிரைண்டிங், டிரிலிங் மெஷின், சிஎன்சி மெஷின் உள்ளிட்ட பல்வேறு வகை இயந்திரங்களை இயக்க முடியவில்லை. முன்பு 3 ஷிப்ட் இயக்கிய ஆலைகளில் தற்போது ஒரு ஷிப்ட் கூட (8 மணி நேரம்) இயக்க முடியவில்லை. அந்த அளவுக்கு ஜாப் ஆர்டர் இழப்பு ஏற்பட்டுள்ளது.

முன்பு, சுமார் 25-30 பேர் பணிபுரிந்த ஒரு லேத் ஒர்க்‌ஷாப்பில் தற்போது 4-5 பேர் மட்டுமே பணிபுரிகின்றனர். ஜாப் ஆர்டர் இழப்பு, மின்வெட்டு, மூலப்பொருள் விலை உயர்வு, வங்கி கடன் நெருக்கடி, ஜிஎஸ்டி வரி ஆகியவற்றுக்கு மத்திய, மாநில அரசுகள் தீர்வு கண்டால் மட்டுமே கோவை தொழில்துறை பழைய நிலைக்கு திரும்பும்.

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக