கர்நாடக சட்டப்பேரவை - செய்திகள் - தொடர் பதிவு

by **ayyasamy ram** Sat May 19, 2018 11:57 am

பெங்களூரு:
கர்நாடக சட்டப்பேரவையில் எம்.எல்.ஏ.க்கள் பதவியேற்பு
நடைபெற்று வருகிறது.

இந்நிலையில் காங்கிரஸ் எம்.எல்.ஏ.க்கள் அனந்த் சிங்,
பிரதாப் கவுடா பதவியேற்க பேரவைக்கு வரவில்லை.
-
--------------------------
தினகரன்

by **ayyasamy ram** Sat May 19, 2018 11:58 am

டெல்லி:
போப்பையா நியமனத்தை எதிர்த்த காங்கிரஸ் மனு தள்ளுபடி
செய்து உச்சநீதிமன்றம் உத்தரவிட்டுள்ளது.

கர்நாடக இடைக்கால சபாநாயகராக போப்பையா செயல்பட
அனுமதி வழங்கியுள்ளது. ஏற்கனவே உத்தரவிட்டபடி மாலை
4 மணிக்கு நம்பிக்கை வாக்கெடுப்பு நடத்தலாம்.
-
--------------------------

by **ayyasamy ram** Sat May 19, 2018 11:59 am

பெங்களூரு:
பெரும் பரபரப்புக்கு மத்தியில் கர்நாடக சட்டப்பேரவை
கூட்டம் தொடங்கியது. இந்தக் கூட்டத்தில் கர்நாடக
தேர்தலில் வெற்றி பெற்றவர்கள் சட்டமன்ற உறுப்பினர்களாக
பதவியேற்கின்றனர்.

பதவியேற்புக்கு பின்னர் மாலை 4 மணிக்கு நம்பிக்கை
வாக்கெடுப்பு நடைபெறுகிறது.
-
---------------------------

by **ayyasamy ram** Sat May 19, 2018 12:00 pm

எங்களுக்குள் எந்த கருத்து வேறுபாடும் இல்லை : குமாரசாமி
-
பெங்களூர் :

காங்கிரஸ் மதசார்பற்ற ஜனதா தள எம்.எல்.ஏக்கள் ஒற்றுமையுடன்
இருக்கிறோம் என்று குமாரசாமி தெரிவித்துள்ளார். அதையடுத்து
எங்களுக்குள் எந்த கருத்து வேறுபாடும் இல்லை என்றும்
மதசார்பற்ற ஜனதா தள மாநில தலைவர் குமாரசாமி தெரிவித்துள்ளார்.

மேலும் நம்பிக்கை வாக்கெடுப்பு காங்கிரஸ் - மஜத கூட்டணிக்கு
சாதகமாகத்தான் உள்ளது என்றும் அவர் கூறினார்.

-------------

by **ayyasamy ram** Sat May 19, 2018 12:02 pm

எம்.எல்.ஏ. வாக பதவியேற்ற ஸ்ரீராமலு, எடியூரப்பா
ஆகிய இருவரும் எம்.பி. பதவியில் இருந்து ராஜினாமா

பெங்களூரு : கர்நாடக சட்டப்பேரவையில் எம்.எல்.ஏவாக
பதவியேற்ற ஸ்ரீராமலு, எடியூரப்பா ஆகிய இருவரும்
மக்களவை உறுப்பினர் பதவியில் இருந்து ராஜினாமா
செய்தனர்.

அவர்களது ராஜினாமா கடிதத்தை சபாநாயகர்
ஏற்றுக்கொண்டார்.
-
-----------------------------------------------
தினகரன்

by **ayyasamy ram** Sat May 19, 2018 12:04 pm

கர்நாடகா சட்டசபையை சுற்றி 144 தடை

பெங்களூரு :
சுப்ரீம் கோர்ட் உத்தரவின்படி கர்நாடக சட்டசபையில் இன்று
மாலை 4 மணிக்கு முதல்வர் எடியூரப்பா அரசு மீது நம்பிக்கை
ஓட்டெடுப்பு நடத்தப்பட உள்ளது.

இதற்காக ஐதராபாத்தில் தங்க வைக்கப்பட்டிருந்த காங்கிரஸ்
மற்றும் மதசார்பற்ற ஜனதா தளம் கட்சி எம்எல்ஏ.,க்கள்
பெங்களூரு அழைத்து வரப்பட்டுள்ளனர்.

முதலில் ஆளும்கட்சி எம்எல்ஏ.,க்களும், பின்னர் மற்ற கட்சிகளின்
எம்எல்ஏ.,க்களும் பதவியேற்க உள்ளனர்.சபாநாயகருக்கு எதிரான
வழக்கு விசாரணை, நம்பிக்கை ஓட்டெடுப்பு, எம்எல்ஏ.,க்கள்
பதவியேற்பு என அடுத்தடுத்த நிகழ்வுகள் காரணமாக கர்நாடக
சட்டசபை அமைந்துள்ள விதான்சவுதா பகுதியை சுற்றி 1 கி.மீ.,க்கு
144 தடை உத்தரவு பிறப்பிக்கப்பட்டுள்ளது.
-
-----------------------
தினமலர்

இது எதுவும் நடக்க கூடும் என்பதை காட்டுகிறது.
தமிழகத்திலும் இதேபோல் தான்
பல நாடகங்கள் அசிங்கம் நடந்தேறியது.
பதவி வெறி பிடித்த அசிங்க கூட்டம்.

by **ayyasamy ram** Sat May 19, 2018 3:54 pm

தேடப்பட்ட எம்எல்ஏ மீட்பு
-
பெங்களூரு;
கர்நாடகாவில் எடியூரப்பா இன்று நம்பிக்கை ஓட்டெடுப்பு
கோரவுள்ள நிலையில் கடத்தப்பட்டதாக கூறப்படும்
2 காங்., எம்.எல்.ஏ.,க்களில் ஒருவர் ஓட்டலில் இருந்தது தெரிய
வந்துள்ளது. மற்றொரு நபர் குறித்த தகவல் இல்லை.

சுப்ரீம் கோர்ட் உத்தரவுப்படி இன்று நம்பிக்கை ஓட்டெடுப்பு
நடக்கவுள்ளது. காலையில் எம்.எல்.ஏ.,க்கள் பதவியேற்பு முடிந்தது.
மீண்டும் அவை 3.30 மணிக்கு கூடுகிறது.

இதற்கிடையில் இன்று மதியம் எடியூரப்பா பேரம் பேசியதாக
காங்., தரப்பில் மற்றொரு ஆடியே வெளியிடப்பட்டுள்ளது.

இதில் எடியூரப்பாவே நேரடியாக ஒரு காங்., எம்.எல்.ஏ.,விடம் ,
அமைச்சர் பதவி தருவதாகவும், 15 கோடி முதல் தவணையாக
தருவதாகவும், மேலும் 2 பேரை தனக்கு ஆதரவு அளிக்க
வலியுறுத்தி பேரம் பேசியுள்ளதாக கூறப்படுகிறது.

இதற்கிடையில் ரெட்டி சகோதரர்களால் காங்., எம்.எல்.ஏ.,க்கள்
ஆனந்த்சிங், பிரதாப் பாட்டீல் ஆகியோர் கடத்தி வைக்கப்
பட்டுள்ளதாக புகார் எழுந்துள்ளது. பெங்களூருவில் உள்ள ஒரு
ஓட்டலில் இருவரும் அடைத்து வைக்கப்பட்டுள்ளதாகவும்
கூறப்படுகிறது.

இதனையடுத்து போலீஸ் படையினர் அந்த ஓட்டலில் தேடும்
பணியில் ஈடுபட்டனர்.

இந்நிலையில், ஆனந்த் சிங் ஓட்டலில் இருந்தது கண்டு
பிடிக்கப்பட்டது. அவர் ஓட்டலில் இருந்து வெளியே வந்தார்.
நம்பிக்கை ஓட்டெடுப்பு நடக்கவுள்ள நிலையில் பல்வேறு
பரபரப்பு காட்சிகள் அரங்கேறி வருகிறது.
-
---------------------------------
தினமலர்