கமல் தலைமையில் புது அணி உருவாகுமா..?

by **ayyasamy ram** Sat May 19, 2018 9:54 am

காவிரியில், தமிழகத்துக்கான குரல்' என்ற தலைப்பில்,
மக்கள் நீதி மையத்தின் சார்பில் இன்று(மே 19) சென்னை,
பெரியமேட்டில் உள்ள ஓட்டலில், ஆலோசனைக் கூட்டம்
நடைபெற உள்ளது.

'கூட்டத்திற்கு, இந்திய கம்யூனிஸ்ட் கட்சி மூத்த தலைவர்
நல்லகண்ணு தலைமை வகிப்பார்' என, கமல் அறிவித்தார்.
மேலும், தி.மு.க., செயல் தலைவர் ஸ்டாலினை நேரில் ச
ந்தித்து, கூட்டத்திற்கு வரும்படி, கமல் அழைப்பு விடுத்தார்.

நடிகர் ரஜினி, தே.மு.தி.க., தலைவர் விஜயகாந்த்,
த.மா.கா., தலைவர் வாசன் உள்ளிட்ட தலைவர்களுக்கும்,
தொலைபேசியில் அழைப்பு விடுத்திருந்தார்.

ஆனால், 'இந்தக் கூட்டத்தில், நல்லகண்ணு பங்கேற்க
வாய்ப்பில்லை' என, இந்திய கம்யூனிஸ்ட் கட்சி அறிவித்து
விட்டது. மார்க்சிஸ்ட் கட்சியும், 'நாங்கள் பங்கேற்க
மாட்டோம்' என்றது.

ஸ்டாலின் கூறுகையில், ''தி.மு.க., உள்ளிட்ட, ஒன்பது
கட்சிகளும் பங்கேற்க வேண்டாம் என முடிவு
எடுத்துள்ளோம்,'' என்றார்.

எனவே, இன்று நடக்கவுள்ள கூட்டத்தில், விவசாய
சங்கங்களின் பிரதிநிதிகளும், சில சிறிய கட்சிகளின்
தலைவர்களும் மட்டுமே பங்கேற்க வாய்ப்பு உள்ளது.

இதனால், இன்றைய கூட்டத்திற்கு வரும் கட்சிகளுடன்
இணைந்து, புது கூட்டணி உருவாக்க நினைத்த, கமல்
எண்ணம் நிறைவேறுமா என்ற கேள்வி எழுந்துள்ளது.
-
------------------------

- நமது நிருபர் -
தினமலர்