குஜராத்தில் பெண் கைதிகள் சானிட்டரி நாப்கின் தயாரிப்பு

**ayyasamy ram** · **ayyasamy ram** Tue May 15, 2018 3:06 am

அகமதாபாத்:
குஜராத் மாநிலத்தில் சிறையில் சுகாதாரத்தை மேம்படுத்தும்
வகையில் பெண் கைதிகளுக்கு இலவசமாக சானிட்டரி
நாப்கின் வழங்க திட்டமிடப்பட்டுள்ளது.

குஜராத்தில் உள்ள சபர்மதி சிறையில் ஏராளமான பெண்
கைதிகள் அடைக்கப்பட்டுள்ளனர். பெண் கைதிகள்,
மாதவிடாய் காலத்தில் சுகாதாரமாக இருக்கும் வகையில்,
நாப்கின் பயன்படுத்துவதை ஊக்குவிக்கும் வகையிலும்
பல்வேறு நடவடிக்கைகள் மேற்கொள்ளப்பட்டு வருகின்றது.

இதன் ஒரு பகுதியாக, மாநிலம் முழுவதும் சிறையில்
இருக்கும் பெண் கைதிகள் பயன்படுத்தும் வகையில்
இலவச நாப்கின் வழங்குவதற்கு சிறை நிர்வாகம்
திட்டமிட்டுள்ளது.

இதற்காக சிறையிலேயே சானிட்டரி நாப்கின் தயாரிக்கும்
பணி கடந்த 11ம் தேதி தொடங்கப்பட்டுள்ளது. தன்னார்வ
தொண்டு நிறுவனம் ஒன்று இதற்கான பிரிவை
தொடங்கியுள்ளது. நவஜீவன் டிரஸ்ட், கர்மா பவுண்டேஷன்
மற்றும் சிறை நிர்வாகம் சேர்ந்து சானிட்டரி நாப்கின்
தயாரிக்ககும் பணிக்கான ஏற்பாடுகளை செய்து
கொடுத்துள்ளன.

இதன் மூலம் பெண் சிறை கைதிகளுக்கு வருமானம்
கிடைப்பதோடு, அவர்கள் சிறையில் இருந்து விடுதலை
பெற்று வெளியே வந்தாலும் சுயமாக சம்பாதிப்பதற்கான
வழியும் உருவாக்கி தரப்படுகின்றது.

சபர்மதி சிறையில் தயாரிக்கப்படும் நாப்கின்கள் மாநிலம்
முழுவதும் சிறையில் உள்ள பெண் கைதிகளுக்கு
இலவசமாக வழங்கப்படும். அதே நேரத்தில் மீதமுள்ள
நாப்கின்களை அரசு நிறுவனங்களில் மானிய விலைக்கு
விற்பனை செய்வதற்கும் திட்டமிடப்பட்டுள்ளது.

தயாரிப்பு பணியை அதிகரிப்பதற்கான நடவடிக்கைகளும்
மேற்கொள்ளப்பட்டு வருகின்றது.
-
----------------------------
தினகரன்

குஜராத்தில் பெண் கைதிகள் சானிட்டரி நாப்கின் தயாரிப்பு

குஜராத்தில் பெண் கைதிகள் சானிட்டரி நாப்கின் தயாரிப்பு

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக