அன்னையர் தினம்: கிரண் பேடி வாழ்த்து

**ayyasamy ram** · **ayyasamy ram** Sun May 13, 2018 6:22 am

அன்னையர் தினத்தையொட்டி, புதுவை மாநில துணைநிலை
ஆளுநர் கிரண் பேடி வாழ்த்து தெரிவித்தார்.

இதுகுறித்து சனிக்கிழமை அவர் வெளியிட்ட செய்திக் குறிப்பு:

உலக முழுவதும் அன்னையர் தினம் ஞாயிற்றுக்கிழமை
(மே 13) கொண்டாடப்பட உள்ளது. மாதா, பிதா, குரு, தெய்வம்
என்கிற புகழ் மிக்க பழமொழி அன்னையை அனைவருக்கும்
மேலானவராகக் காட்டுகிறது.

அன்னையர் தினம் என்பது அன்பையும், பாசப்பிணைப்பையும்
கொண்டாடும் நாளாகும். அது தாய்மை உணர்வை, தாயன்பை,
கருணையை, தோழமையை மனிதத் தன்மையைக் கொண்டாடும்
தினமாகும்.

மனித சமுதாயத்தின் முன்னேற்றத்துக்காகவும், மனித இனத்தைப்
பாதுகாக்கவும் அன்னையர் தினக் கொண்டாட்டம் மிக மிக
அவசியமானதாகும். அன்னைக்கு நாம் செய்ய வேண்டிய
கடமைகளை உண்மையில் நிறைவேற்றுவதன் மூலமே அவர்களுக்கு
நாம் மரியாதையைச் செலுத்த முடியும்.

உண்மையில் எல்லா நாள்களுமே அன்னையர் தினமாக
கொண்டாடப்பட வேண்டும். ஏனெனில், இடைவிடாமல் தனது
குழந்தைகளின் நலனுக்காகவும், குடும்பத்தின் நலனுக்காவும்
உள்ளேயும் வெளியேயும் தன் கடமைகைளை சிறப்புற ஆற்றுபவர்
தாய்தான்.

எல்லா குழந்தைகளுமே அன்னையை மட்டுமல்லாமல்,
பெற்றோர் தமக்கு செய்யும் தியாகத்துக்காகவும் நன்றி உணர்வுடன்
நடந்து கொள்ள வேண்டும்.

இந்த நன்னாளில் ஒவ்வொரு தாய்க்கும் என் நன்றியைத்
தெரிவித்துக் கொள்கிறேன். ஒவ்வொரு குழந்தைக்கும் கிடைக்கும்
மிகப் பெரிய அஸ்திவாரம் தாய்தான் எனத் தெரிவித்துக் கொள்கிறேன்
என ஆளுநர் கிரண் பேடி தெரிவித்துள்ளார்.
-
--------------------------------
தினமணி

**ayyasamy ram** · **ayyasamy ram** Sun May 13, 2018 7:14 am

உலக அன்னையர் தின வாழ்த்து-2018
--
அன்னையர் தினம்: கிரண் பேடி வாழ்த்து Dkn_Daily_News_May_2018__6321026086808

-
இந்த அன்னையர் தினச் சிறப்பிதழில் கட்டுரையாளர்கள்,
புகைப்படக் கலைஞர்கள், பேட்டி தந்தவர்களின் பெயர்களுடன்
அவர்களின் அம்மா பெயரும் படமும் இடம் பெற்றுள்ளன.

ஒவ்வொரு மனிதனின் உயிரணுக்கள் எல்லாம் உச்சரிக்கும்
சொல் அம்மா. ஆணோ, பெண்ணோ அவர்களை அனைத்துமாக
ஆக்கி வைப்பவர் அன்னை.

தன்னலம் கருதாத உள்ளத்திற்கு உதாரணம்தான் தாய்.
அந்த அன்னையை மதித்து, அரவணைக்க வேண்டியது ஒவ்வொரு
மகனின், மகளின் கடமை.

உலகில் இன்று வணிக காரணங்களுக்காக ஆண்டு முழுவதும்
ஏதாவது ஒரு தினத்தை கொண்டாடிக் கொண்டே இருக்கின்றனர்.

சில பலன் உள்ளவை என்றாலும், பல வெற்று பரபரப்புக்கும்,
வணிக வருவாய்க்கும் மட்டுமே வழி வகுக்கின்றன. ஒவ்வொரு
ஆண்டும் மே மாதம் 2வது ஞாயிற்றுக்கிழமை கொண்டாடப்படும்
அன்னையர் தினமும் அப்படி ஒன்றுதான் என்பதை
மறுப்பதற்கில்லை.

அன்பு, பரிவு, பற்று, தாராளம், ஈகை என நல்ல குணங்களின்
அடையாளமான தாயை போற்ற ஒருநாள் மட்டுமல்ல ஏழெட்டு
பிறப்புகள் எடுத்தாலும் போதாது. அதனால் இந்த அன்னையர்
தினத்தில் அம்மாவை உணர்வோம், ஒவ்வொரு நாளும்
கொண்டாடுவோம்.
-
---------------------------
தினகரன்

**ayyasamy ram** · **ayyasamy ram** Sun May 13, 2018 7:20 am

அன்னையர் தினம்: கிரண் பேடி வாழ்த்து Dkn_Daily_News_May_2018__7605816125870

-
“மேற்கத்திய நாடுகளில் பெண் என்பவள் தோழியாக,
மனைவியாக பார்க்கப்படுகிறாள். ஆனால், கிழக்கிய
நாடுகளில், குறிப்பாக இந்தியாவில் மட்டும் பெண்
என்பவள் தாயாக பார்க்கப்படுகிறாள்.

இந்தியாவில் யாசகம் கேட்பவர்கள் யாரும், சகோதரி,
எனக்கு யாசகமிடுங்கள் என்று கூறுவதில்லை,
தாயே யாசகமிடுங்கள் என்று கூறியே கேட்கிறார்கள்.
ஆக இந்தியாவில் பெண் என்பவள் தாயாக தரிசனம் தரும்
தெய்வம்.

அவள் தனது முழு வாழ்க்கையையும், தாய்மைக்கே
அர்பணிக்கிறாள்”

இது சிகாகோ மாநாட்டில் சுவாமி விவேகானந்தர் இந்திய
கலாச்சாரத்தில் பெண்ணின் நிலைப்பற்றி பெருமையாகப்
பேசியது.
-
------------------------------------

Sponsored content · Sponsored content

அன்னையர் தினம்: கிரண் பேடி வாழ்த்து

அன்னையர் தினம்: கிரண் பேடி வாழ்த்து

Re: அன்னையர் தினம்: கிரண் பேடி வாழ்த்து

Re: அன்னையர் தினம்: கிரண் பேடி வாழ்த்து

Re: அன்னையர் தினம்: கிரண் பேடி வாழ்த்து

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக