சிங்கப்பூரில் ஜூன் 12 ஆம் தேதி வடகொரிய அதிபரை சந்திக்கிறேன்: டொனால்டு டிரம்ப் டுவிட்

**ayyasamy ram** · **ayyasamy ram** Fri May 11, 2018 12:53 am

வாஷிங்டன்,

அமெரிக்கா, வடகொரியா இடையே பல ஆண்டுகளாக பகை
நீடித்து வந்தது. இதனால் வடகொரியா, தென்கொரியா
இடையேயான மோதல் போக்கை, அமெரிக்கா தனக்கு சாதகமாக
பயன்படுத்தி வந்தது.

கொரிய தீபகற்பத்தில் அமெரிக்க போர்க்கப்பலை நிறுத்துவது,
தென்கொரியாவுடன் இணைந்து கூட்டு போர்ப் பயிற்சி
ஆகியவற்றை அமெரிக்கா மேற்கொண்டது.

வடகொரிய அதிபர் கிம் ஜாங் உன் - அமெரிக்க அதிபர் இடையே
கடும் வார்த்தை போர் நீடித்தது.

இதற்கிடையில் அமெரிக்க அதிபர் டிரம்பை சந்திக்க விரும்புவதாக,
அங்கு சென்ற தென்கொரிய தூதரக குழுவிடம் வடகொரிய
அதிபர் கிம் ஜாங் உன் தெரிவித்துள்ளார்.

அதனை டிரம்பும் ஏற்பதாக செய்திகள் வெளியாகின. இந்த
சூழலில் கடந்த ஏப்ரல் 27ல் வடகொரிய அதிபர் கிம் ஜாங் உன்,
தென்கொரிய அதிபர் மூன் ஜேவை சந்தித்து பேசினார்.

இதனால் கொரிய தீபகற்பத்தில் அமைதி நிலவ தொடங்கியுள்ளது.
இந்நிலையில் டிரம்ப், கிம் ஜாங் உன் சந்திப்பிற்கான இடம்
தேர்வு நடைபெற்று வந்தது.

கடந்த 4ஆம் தேதி செய்தியாளர்களிடம் பேசிய டிரம்ப், தேதி
மற்றும் இடம் முடிவு செய்யப்பட்டு விட்டதாக குறிப்பிட்டார்.

இந்த நிலையில், இன்று டொனால்டு டிரம்ப் வெளியிட்டுள்ள
டுவிட் பதிவில், ஜூன் 12 ஆம் தேதி கிம்மை சந்திக்க
போவதாக தெரிவித்து உள்ளார். இது குறித்து டொனால்டு
டிரம்ப் வெளியிட்டுள்ள டுவிட் பதிவில், “ ஜூன் 12-ம் தேதி
சிங்கப்பூரில் கிம் ஜாங் அன்னை சந்திக்க உள்ளேன்.
உலக அமைதிக்கு நாங்கள் எடுத்துக்கொள்ளும் முயற்சியின்
சிறப்பு மிக்க தருணம்” என்று தெரிவித்து உள்ளார்.
-
--------------------------------
தினத்தந்தி

**பழ.முத்துராமலிங்கம்** · 27/09/2015

நல்லதை வரவேற்போம்

:நல்வரவு:

சிங்கப்பூரில் ஜூன் 12 ஆம் தேதி வடகொரிய அதிபரை சந்திக்கிறேன்: டொனால்டு டிரம்ப் டுவிட்

சிங்கப்பூரில் ஜூன் 12 ஆம் தேதி வடகொரிய அதிபரை சந்திக்கிறேன்: டொனால்டு டிரம்ப் டுவிட்

Re: சிங்கப்பூரில் ஜூன் 12 ஆம் தேதி வடகொரிய அதிபரை சந்திக்கிறேன்: டொனால்டு டிரம்ப் டுவிட்

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக