இந்தியா - சீனா இடையே ஹாட்லைன் வசதி?

**ayyasamy ram** · **ayyasamy ram** Thu 3 May 2018 - 9:49

பெய்ஜிங்:
இந்தியா மற்றும் சீனா ராணுவ தலைமையகம் இடையே ஹாட்லைன்
அமைக்க இரு நாடுகளும் ஒப்பு கொண்டுள்ளதாக தகவல்
வெளியாகியுள்ளது.

கடந்த ஏப்ரல் 27, 28 ஆகிய நாட்களில் பிரதமர் மோடி சீனா சென்று
அந்நாட்டு அதிபர் ஜி ஜிங்பிங்கை சந்தித்து பேசினார். இதில்,
பல முக்கிய முடிவுகள் எடுக்கப்பட்டன.

இந்நிலையில், இந்தியா மற்றும் சீனா ராணுவ தலைமை
அலுவலகங்களை இணைக்கும் வகையில் ஹாட்லைன் வசதியை
ஏற்படுத்த இரு தலைவர்களும் ஒப்புக்கொண்டதாக சீன பத்திரிகை
செய்தி வெளியிட்டுள்ளது.

இது இரு நாடுகளுக்கு இடையே, நம்பிக்கையை ஏற்படுத்தும்
நடவடிக்கையில் முக்கியமான ஒன்றாக பார்க்கப்படுகிறது.

இதன் மூலம், 3488 கி.மீ., தூரம் கொண்ட எல்லையில் ரோந்து பணியின்
போது பதற்றத்தை தணிக்க உதவும் என எதிர்பார்க்கப்படுகிறது.
இரு நாடுகளுக்கு இடையே ஹாட் லைன் வசதி ஏற்படுத்த வேண்டும்
என நீண்டநாட்களாக ஆலோசனை நடத்தப்பட்டு வந்தது.
-
---------------------------------
தினமலர்

_________________