நலங்கு மாவு !

**krishnaamma** · **krishnaamma** Thu Apr 26, 2018 11:59 am

'இது, மூலிகை பொடி; பாசிப்பயறு, சந்தனம், வெட்டிவேர், விளாமிச்சை வேர், கார்போகரிசி, கிச்சிலிக் கிழங்கு என எல்லாம் கலந்தது. இவற்றை தனித்தனியாக உலர்த்தி, பொடி செய்து, கலந்து வைத்துக் கொள்ளலாம் ; இதற்கு பெயர் நலங்கு மாவு.

இதனுடன், கஸ்துாரி மஞ்சள் துாளையும் சேர்த்துக்கலாம். இதை பூசி குளிச்சா, நாள் முழுவதும் உடலில் மணம் வீசும். இந்தக் கலவையில், அவரவர் விருப்பத்திற்கேற்ப உலர்ந்த பன்னீர் ரோஜா இதழ்கள், வேப்பிலை, ஆவாரம்பூ, வெந்தயம், ஏலரிசி மற்றும் அகிற்கட்டை அகியவற்றையும் சேர்த்துக்கலாம்...' .

கிச்சிலிக்கிழங்கு - வாசனை தரக்கூடியது; தோல் புண் ஆற்றும்.

கோரைக் கிழங்கு - சொறி சிரங்கு, வியர்வை நாற்றம் போக்கும்;

பாசிப்பயறு - குளிர்ச்சி;

வெட்டி வேர் - பித்தம் தணிக்கும்; கொப்புளம், வேனல் கட்டியை நீக்கும்.

சந்தனம் - கிருமி நாசினி, வாசனை.

கார்போகரிசி - தோல் நோய், படர் தாமரையை நீக்கும்.

இப்பொடி குளியல், கொசு கடியிலிருந்து தப்பிக்க உதவும்.

இயந்திர உலகில் நாம் சோம்பேறிகளாக, சோப்புக்கு மாறி விட்டோம். சற்று நிதானமாக, பொறுமையாக நேரம் ஒதுக்கி இந்த குளியல் பொடியை தயார் செய்து பயன்படுத்த பழகினால், ஆரோக்கியமாக, 'மணம்' நிறைவாக உலா வரலாம். இது எங்கள் பாட்டி அம்மா சொன்ன போடி.....நீங்களும் உபயோகித்துத்தான் பாருங்களேன்....

என்ன... மூலிகை குளியல் பொடி தயாரிக்க கிளம்பிட்டீங்களா? புன்னகை

அன்புடன் ,
கிருஷ்ணாம்மா புன்னகை

SK · SK Thu Apr 26, 2018 1:34 pm

என் அம்மா செய்து கொடுப்பார்கள் வெயில் காலம் என்றால் இது தான் குளியலுக்கு

**krishnaamma** · **krishnaamma** Wed May 30, 2018 1:37 pm

SK wrote:

என் அம்மா செய்து கொடுப்பார்கள் வெயில் காலம் என்றால் இது தான் குளியலுக்கு

ம்ம்... முன்பெல்லாம் மாவுமிஷினில் சீயக்காய்க்கு என்று தனியாக மிஷின் இருக்கும், அதில் தான் அரைத்து வருவோம்..ஹும்....இப்போது அப்படிப்பட்ட மாவுமிஷினை தேடி கண்டு பிடிக்க வேண்டி இருக்கிறது....மேலும் , இப்பொழுது நிறைய வீடுகளில் இதையெல்லாம் காண முடிவதில்லை செந்தில் சோகம்