வாழ்க்கையை மேம்படுத்தக்கூடிய ஒரு கதை!

**ayyasamy ram** · **ayyasamy ram** Mon Jan 02, 2023 4:33 pm

ஆற்றங்கரைக்குத் தன் மனைவியை அழைத்துப்
போயிருந்தார் கணவர்…

அவளிடம் ஒரு பையைக் கொடுத்தார்.
*பெரிய பெரிய கற்களைக்* காண்பித்தார்.
இந்தப் பையை அந்தக் *கற்களால்* நிரப்பு என்றார்.
மனைவி நிரப்பி எடுத்து வந்தாள்.
இதற்கு மேல் நிரப்ப முடியாது என்றாள்.

கணவர் கீழே கிடந்த *கூழாங்கற்களில்* சிலவற்றை எடுத்தார்.
அதே பையில் போட்டுக் குலுக்கினார்.
அவை பெரிய கற்களுக்கு நடுவில் இருந்த இடைவெளிகளில்
உள்ளே இறங்கின.

ஒரு கட்டத்தில் மேற்கொண்டு கூழாங்கற்களைப் போட இடம்
இல்லை.
இப்போதாவது நிரம்பிவிட்டதாக ஒப்புக் கொள்வீர்களா ?
” கேட்டாள் மனைவி.

கணவர் அங்கேயிருந்த *மணலை* அள்ளிப் பையில் போட்டார்.
பையை மேலும் குலுக்கினார்.
*கற்கள், கூழாங்கற்கள்* இவற்றுக்கு இடையில் இருந்த
இடைவெளிகளில் *மணல்* இறங்கியது.

இதே பையை முதலில் மணலால் நிரப்பியிருந்தால்,
பெரிய கற்களுக்கு இடம் இருந்திருக்குமா ?
என்று *கணவர்* கேட்டபோது இருந்திருக்காது என்று ஒப்புக்
கொண்டாள் *மனைவி.*

வாழ்க்கையை மேம்படுத்தக்கூடிய

1). *அன்பு,கருணை,*
*உடல்நலம்,மனநலம்,* போன்ற உன்னதமான விஷயங்கள்,
*பெரிய கற்கள் போன்றவை.*

2). *வேலை,வீடு,கார்,* போன்ற செல்வங்கள் *கூழாங்கற்களுக்குச்
சமமானவை.*

3). *கேளிக்கை,வீண் அரட்டை* போன்ற அற்ப விஷயங்கள் இந்த
*மணல் போன்றவை.*

*முதலில் பெரிய விஷயங்களுக்கு வாழ்க்கையில் இடம் கொடுங்கள்*
அதன் பின்னும் சின்ன சின்ன விஷயங்களுக்கு இடம் இருக்கும்.
ஆனால்,
உங்கள் வாழ்க்கையை அற்பமான விஷயங்களுக்காகச் செலவழித்து
விட்டால்,

முக்கியமான விஷயங்களுக்கு இடம் இருக்காது.
*நல்லதே நினைப்போம் நல்லதே நடக்கும்*
*நல்லதையே செய்வோம் நல்லோராய் வாழ்வோம்*

-
படித்ததில் பிடித்தது

**T.N.Balasubramanian** · **T.N.Balasubramanian** Mon Jan 02, 2023 5:34 pm

நடைமுறையில் செயல் படுத்திய கணவனின் சாமர்த்தியம் அருமை.

இந்த பதிவைத் துவங்கியவர் நன்றி கூறியுள்ளார் T.N.Balasubramanian

வாழ்க்கையை மேம்படுத்தக்கூடிய ஒரு கதை!

வாழ்க்கையை மேம்படுத்தக்கூடிய ஒரு கதை!

Re: வாழ்க்கையை மேம்படுத்தக்கூடிய ஒரு கதை!

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக