தமிழகத்தில் 25 மாவட்டங்களுக்கு காத்திருக்கும் ஆபத்து!

**பழ.முத்துராமலிங்கம்** · 27/09/2015

நீரின்றி அமையாது உலகு'' தமிழகத்தில் நிறைய ஆறுகள் இருந்தாலும் கடந்த 3 ஆண்டுகளாக தண்ணீர் ஓடவில்லை, மாறாக லாரிகள் தான் ஓடிக்கொண்டு இருக்கிறது. மணல் கொள்ளை என்பது அனைவருக்கும் தெரிந்தே நடைபெற்று வரும் வேளையில், தற்போது ஒரு அதிர்ச்சி தரும் செய்தி வெளியாகியுள்ளது.
நிலத்தடி நீர் மட்டம் குறித்து, மாநில நில மற்றும் நீர் வள ஆதார விவர குறிப்பு மையம் மூலம் ஒவ்வொரு மாதமும் ஆய்வு செய்து வருகிறது. இதற்காக ஒவ்வொரு மாவட்டத்திலும் பல்வேறு பகுதிகளில் அமைக்கப்பட்டுள்ள திறந்தவெளி கிணறுகள் மற்றும் 1,480 ஆழ்துளை கிணறுகளில் நிலத்தடி நீர் மட்டம் ஆய்வு செய்யப்பட்டது.
அந்த ஆய்வின் முடிவில், திருவள்ளூர், காஞ்சிபுரம், திருவண்ணாமலை, வேலூர், தர்மபுரி, கடலூர், திருவாரூர், கரூர், அரியலூர், நாமக்கல், திருப்பூர், நீலகிரி, சிவகங்கை, கன்னியாகுமரி, திருச்சி, ராமநாதபுரம், விழுப்புரம், பெரம்பலூர், சேலம், ஈரோடு, திண்டுக்கல், மதுரை, தேனி, விருதுநகர், கிருஷ்ணகிரி ஆகிய 25 மாவட்டங்களில் நிலத்தடி நீர் மட்டம் குறைந்துள்ளது ஆய்வில் தெரியவந்துள்ளது.

நன்றி
செய்தி புனல்

**பழ.முத்துராமலிங்கம்** · 27/09/2015

தமிழகத்தில் 25 மாவட்டங்களுக்கு காத்திருக்கும் ஆபத்து! FU11T3xlRfibafb6ssDw+6b2f4f585ee24f2a970b5220cd63cbef

நிலத்தடி நீரின் பயன்பாடு அதிகரித்ததாலும், பருவமழை பொய்த்ததாலும், ஆறுகளில் உள்ள மணல்களை அள்ளிவிட்டதாலும் தமிழகத்தில் நிலத்தடி நீர் மட்டம் குறைந்து வருகிறது. இதனால் அந்த மாவட்டங்களில் குடிநீர் மற்றும் பாசனத்துக்கு தேவையான தண்ணீர் தட்டுப்பாடு ஏற்படும் ஆபத்து ஏற்பட்டுள்ளது. இதே நிலை நீடித்தால் அடுத்த சில மாதங்களில் நிலைமை தலைகீழாக மாறிவிடும் என தெரிவித்துள்ளனர்.
மேலும், தஞ்சாவூர், நாகை, பெரம்பலூர், புதுக்கோட்டை, தூத்துக்குடி, நெல்லை ஆகிய 6 மாவட்டங்களில் நிலத்தடி நீர்மட்டம் உயர்ந்துள்ளதாக அந்த ஆய்வில் தெரிவிக்கப்பட்டுள்ளது.
இதுகுறித்த உங்கள் கருத்துக்களை பதிவு செய்யுங்கள்.