என் காதலும்....காத்திருப்பும்...

Panavai Bala · Panavai Bala Fri Apr 27, 2018 3:45 pm

ஒருபொழுதேனும்
என்னையும்,
என் காதலையும்
அவள் கண்டுகொண்டதேயில்லை...
என் காத்திருப்புக்களின்
வலியும்....சுகமும்....
அவள் அறிந்திருக்க வாய்ப்பில்லை....

கன்னியவள்
கடைக்கண் பார்வைக்காக,
காத்திருந்து... காத்திருந்து....
கால் கடுத்ததுதான் மிச்சம்,
அவளின் பார்வையில்
எதுவோ இட்டுபோன எச்சம்
நான்.....

என் நேசிப்பை
அவளிடம் வாசித்துவிட
முயலும் தருணங்களில்,
காற்றை மட்டுமே உமிழும்
ஊர்க்குழாய் போலாகிறது
குரல்வளை...

அவளுக்காக
காத்திருந்த பொழுதுகளை,
கருமமே கண்ணென
கடந்திருந்தால்,
காதல் நிரம்பிய
காகிதத்தை சுமந்த
என் சட்டை பை
கொஞ்சம் காசையும் சுமந்திருக்கும்....
ஏனோ,
சில ஆண்களின் காதல் மட்டும்
பெண்களுக்கு புரிவதேயில்லை....

என் காதலின் ஆழமும்...
காத்திருப்புகளின் வலியும்....
என்றாவது ஒருநாள்,
அவளுக்கு புரியுமென்று
காத்திருந்தேன் நம்பிக்கையோடு....
அந்த நம்பிக்கையோடே
இடம்பெயர்ந்தேன்,
என் காதலை மட்டும்
சுமந்து கொண்டு.....

காத்திருப்புகளின்
கடைநிலை விளிம்புவரை,
காத்திருந்தேன்...
என் காதல்
வேறொருவனிடம் பறிபோன
சேதி கேட்கும் வரை...

இங்கே
காத்திருப்புகளும்,
மௌனங்களும்,
காதலை சொல்வதில்லை....
காதலை மட்டுமே
சுமந்து கொண்டு காத்திருக்கும்,
என்போன்ற காளைகளுக்காக
பசுக்கள் இளகுவதுமில்லை....

**ரா.ரமேஷ்குமார்** · 23/01/2011

சிறப்போ சிறப்பு.. அருமையோ அருமை ... உண்மையோ உண்மை ...

அவளின் பார்வையில்
எதுவோ இட்டுபோன எச்சம்
நான்.....
.
.
இங்கே
காத்திருப்புகளும்,
மௌனங்களும்,
காதலை சொல்வதில்லை....
காதலை மட்டுமே
சுமந்து கொண்டு காத்திருக்கும்,
என்போன்ற காளைகளுக்காக
பசுக்கள் இளகுவதுமில்லை....

இது வேற லெவல்ங்க ... என் காதலும்....காத்திருப்பும்... 3838410834

Panavai Bala · Panavai Bala Fri Apr 27, 2018 3:59 pm

மிக்க நன்றி நண்பரே...

**T.N.Balasubramanian** · **T.N.Balasubramanian** Fri Apr 27, 2018 7:14 pm

ரசித்தேன்
பரிதாபப்பட்டேன்
மீண்டும் படித்து ரசித்தேன் அன்பு மலர்

ரமணியன்

tamiliyappan · tamiliyappan Sun Apr 29, 2018 8:24 pm

நல்ல கற்பனை
இன்னும் நேரம் ஒதுக்கி எழுதுங்கள்..
இன்னும் ஆழமான வரிகள் கிடைக்கும்..

கன்னியவள்
கடைக்கண் பார்வைக்காக,
காத்திருந்து... காத்திருந்து....
கால் கடுத்ததுதான் மிச்சம்,
அவளின் பார்வையில்
எதுவோ இட்டுபோன எச்சம்
நான்.....

கடைக்கண் பார்வைக்காக
காத்திருந்தேன்
காலம் கரைந்தது
கால்கள் தேய்ந்தது
கண்கள் ஓய்ந்தது..
அர்த்தம் புரியவில்லை
ஆனால் அழகாக இருந்தது
கடைக்கண் பார்வை

**ayyasamy ram** · **ayyasamy ram** Mon Apr 30, 2018 1:56 am

-

என் காதலும்....காத்திருப்பும்... U2NmR5nQSicFGdkVkXMr+E_1511844602

Sponsored content · Sponsored content

என் காதலும்....காத்திருப்பும்...

என் காதலும்....காத்திருப்பும்...

Re: என் காதலும்....காத்திருப்பும்...

Re: என் காதலும்....காத்திருப்பும்...

Re: என் காதலும்....காத்திருப்பும்...

Re: என் காதலும்....காத்திருப்பும்...

Re: என் காதலும்....காத்திருப்பும்...

Re: என் காதலும்....காத்திருப்பும்...

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக