சில்லுகள்...

by Panavai Bala Tue Apr 24, 2018 3:27 pm

இங்கே சனநாயகம்
ஒரு வழுக்கு மரம்...
மாற்றமென்பது
மரத்தின் உச்சாணி கொம்பில்,
எட்டுவதற்குள்
வழுக்கி விடுகிறது
கையூட்டு...
வழுக்கி விழுபவன்
வாக்காளன்...
***************
தூக்கம் தொலைந்த
என் திண்ணை இரவுகளில்
தூக்கணாங்குருவி கூட்டின்
மின்மினி பூச்சிகளே
வெளிச்சமிடும்,
மின்மினி பூச்சிகளின்
வெளிச்சத்தை விழுங்கிவிட்டு,
கூடுகளை தூக்கிலிட்டு
இப்போது
"செல்"அரித்து கொண்டிருக்கிறது
என் தூக்கத்தையும்,
தூக்கணாங்குருவிகளையும்....
******************
"செல்" அழித்த குருவிகள்
வீடு திரும்பாதென்பதை
அறியாது
செல்லரித்த கூடுகள்...
******************

by SK Tue Apr 24, 2018 3:36 pm

http://www.eegarai.net/f1-forum

இங்கு சென்று உங்களை பற்றி அறிமுகம் செய்யுங்கள்

by **T.N.Balasubramanian** Tue Apr 24, 2018 4:36 pm

அறிமுகப்பகுதியில்
கவிதை பதிவு செய்துள்ளீர்.
சொந்த கவிதையா? ரசித்த கவிதையா?
கவிதை பகுதிக்கு மாற்றப்படுகிறது.
திரு SK கொடுத்த லிங்கில் உங்களை பற்றிய அறிமுக தகவல்களை
தெரியப்படுத்தவும்.

ரமணியன்

by Panavai Bala Wed Apr 25, 2018 3:10 pm

அய்யா... அறிமுக பகுதியில் கவிதை பதிவு செய்தமைக்கு மன்னிக்கவும்.தளத்திற்கு புதியவன் என்பதால் எப்பகுதியில் பதிவது என்று சற்றே குழப்பம்... மற்றபடி இந்த சில்லுகள் எனது மனச் சிறையிலிருந்து தெறித்து விழுந்தவைகள்தான்....

by **T.N.Balasubramanian** Wed Apr 25, 2018 4:20 pm

அதனால் என்ன ? எங்கு பதிவிட்டாலும்
சரியான பகுதிக்கு மாற்றிவிடுவதில் எங்களுக்கு கஷ்டமில்லை .
புதியவரான உங்களுக்கு தெரியப்படுத்துவது எங்கள் கடமை.
சொந்த கவிதை பகுதிக்கு மாற்றிவிடுகிறேன்.
மனச்சிறையில் இருந்து சில்லுகளை
தேவையான சமயங்களில் விடுதலை செய்யுங்கள்.
ரமணியன்

by Panavai Bala Wed Apr 25, 2018 8:53 pm

மிக்க நன்றி அய்யா...

தோழமைக்கு வணக்கம்.

அலைபேசி பயன்பாட்டினால் இன்றைக்கு நாம் இழந்து வருவது நம் ஆரோக்கியத்தை மட்டுமல்ல பிற உயிர்களையும் தான். சூழலியல் ஆர்வலர்கள் எச்சரித்துக் கொண்டே இருக்கின்றனர். இயற்கையின் சமநிலை பாதிக்கப்படும்போது பெரிய இழப்புகளை நாம் சந்திக்க வேண்டியிருக்கும். கதிர்வீச்சினால் பல பறவை இனங்களை இழந்து விட்டோம்.அதில் ஒன்றுதான் தூக்கணாங்குருவி .

கவிதை

:

முனைவர் ப.குணசுந்தரி wrote:தோழமைக்கு வணக்கம்.

அலைபேசி பயன்பாட்டினால் இன்றைக்கு நாம் இழந்து வருவது நம் ஆரோக்கியத்தை மட்டுமல்ல பிற உயிர்களையும் தான். சூழலியல் ஆர்வலர்கள் எச்சரித்துக் கொண்டே இருக்கின்றனர். இயற்கையின் சமநிலை பாதிக்கப்படும்போது பெரிய இழப்புகளை நாம் சந்திக்க வேண்டியிருக்கும். கதிர்வீச்சினால் பல பறவை இனங்களை இழந்து விட்டோம்.அதில் ஒன்றுதான் தூக்கணாங்குருவி .
கவிதை :

சிறு வயதில் இந்த தூக்கணாங்குருவிக் கூட்டத்தை அதன் சத்தத்தை அனுபவித்த
அனுபவம் அலாதி. தற்போது அந்த கூடுகளை காணவேயில்லை.
பெரிய சுற்றுச்சூழல் சீரழிவை பார்க்கிறோம்.