தலைமை நீதிபதி மீது கண்டன தீர்மானம்: 7 கட்சி ஆதரவு

**ayyasamy ram** · **ayyasamy ram** Fri Apr 20, 2018 3:31 pm

புதுடில்லி:
சுப்ரீம் கோர்ட் தலைமை நீதிபதி தீபக் மிஸ்ராவுக்கு எதிராக
காங்கிரஸ், இடதுசாரிகள் உள்ளிட்ட 7 எதிர்க்கட்சிகள்
கண்டன தீர்மானம் கொண்டு வரக்கோரி துணை ஜனாதிபதி
வெங்கையா நாயுடுவிடம் மனு அளித்தனர்.

ஆலோசனை

சுப்ரீம் கோர்ட் தலைமை நீதிபதி தீபக் மிஸ்ராவுக்கு எதிராக,
4 நீதிபதிகள் போர்க்கொடி தூக்கியதை தொடர்ந்து,
அவர் மீது கண்டன தீர்மானம் கொண்டு வர முயற்சி நடந்தது.
ஆனால், தீர்மானம் கொண்டு வரப்படவில்லை.

இந்நிலையில், நீதிபதி லோயா மரணம் தொடர்பாக
விசாரணைக்கு உத்தரவிட சுப்ரீம் கோர்ட் மறுத்துவிட்ட
நிலையில், தலைமை நீதிபதிக்கு எதிராக 7 எதிர்க்கட்சிகள்,
கண்டன தீர்மானம் கொண்டு வரக்கோரி ராஜ்யசபா தலைவர்
வெங்கையா நாயுடுவிடம் மனு அளித்தனர்.

முன்னதாக குலாம் நபி ஆசாத், எதிர்க்கட்சி தலைவர்களுடன்
தீர்மானம் குறித்து ஆலோசனை நடத்தினார். இந்த
தீர்மானத்திற்கு ஆதரவாக காங்கிரஸ், இடதுசாரிகள்,
தேசியவாத காங்கிரஸ், சமாஜ்வாதி, பகுஜன் சமாஜ்,
முஸ்லிம் லீக் கட்சிகளை சேர்ந்த எம்.பி.,க்கள் கையெழுத்து
போட்டுள்ளனர்.

எதிர்பார்ப்பு

இந்த தீர்மானம் தொடர்பாக குலாம் நபி ஆசாத் கூறுகையில்,
தலைமை நீதிபதிக்கு எதிரான கண்டன தீர்மானம் கொண்டு
வரக்கோரும் மனு மீது 71 எம்.பி.,க்கள் கையெழுத்து
போட்டுள்ளனர். அவர்களில் 7 பேர் ஓய்வுபெற்றுவிட்டனர்.

இதனை வெங்கையாவிடம் அளித்துள்ளோம். தீர்மானம்
கொண்டு வருரவதற்கு தேவையான ஆதரவு உள்ளது என
அவரிடம் கூறியுள்ளோம். இதனை ஏற்பதும், நிராகரிப்பதும்
அவரின் முடிவு. நல்ல பதில் கிடைக்கும் என
எதிர்பார்க்கிறோம் என்றார்.

**ayyasamy ram** · **ayyasamy ram** Fri Apr 20, 2018 3:31 pm

கேள்வி

காங்கிரஸ் மூத்த தலைவர் கபில் சிபல் கூறுகையில்,
இந்த நாள் மீண்டும் வரக்கூடாது என எதிர்பார்க்கிறோம்.
நீதித்துறை சுதந்திரம் முக்கியமானது. நீதிபதிகள்,
நீதித்துறையின் மாண்பை நிலைநிறுத்த வேண்டும்.

தீபக் மிஸ்ரா தலைமை நீதிபதியாக நியமிக்கப்பட்ட போதே,
சில வழக்குகளை எவ்வாறு கையாள போகிறார் என்பது
குறித்த கேள்விகள் எழுந்தன.

ஜனநாயகத்தை காக்கவே தீர்மானம் கொண்டு வரப்படுகிறது.
தலைமை நீதிபதியின் தவறான நடவடிக்கைக்காகவும்
கொண்டு வரப்படுகிறது. இவ்வாறு அவர் கூறினார்.

விதிமுறை

* 100 லோக்சபா மற்றும் 50 ராஜ்யசபா எம்.பி.,க்கள்
கையெழுத்து போட வேண்டும்
* இதனை அவை தலைவர் ஏற்கலாம் அல்லது நிராகரிக்கலாம்
* ஏற்று கொள்ளப்பட்டால், விசாரணை நடத்த 3 பேர் கொண்ட
குழு அமைக்கப்படும்.
* விசாரணையில் நீதிபதி தவறு செய்திருந்தால்
நிருபிக்கப்பட்டால், தீர்மானம் கொண்டு வரப்படும்
* 3 ல் 2 பங்கு ஆதரவு கிடைத்தால் தீர்மானம் நிறைவேறும்
* தீர்மானம் நிறைவேற்றப்பட்டால், ஜனாதிபதிக்கு ஒப்புதலுக்கு
அனுப்பி வைக்கப்படும்.
* அவர் ஒப்புதல் அளித்தால் நீதிபதி பதவி பறிக்கப்படும்.
-
----------------------------
தினமலர்

தலைமை நீதிபதி மீது கண்டன தீர்மானம்: 7 கட்சி ஆதரவு

தலைமை நீதிபதி மீது கண்டன தீர்மானம்: 7 கட்சி ஆதரவு

Re: தலைமை நீதிபதி மீது கண்டன தீர்மானம்: 7 கட்சி ஆதரவு

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக