கடல் சீற்றம்: குமரி, ராமநாதபுரம் மீனவர்களுக்கு எச்சரிக்கை

**ayyasamy ram** · **ayyasamy ram** Fri Apr 20, 2018 3:33 pm

-
சென்னை:

நாளை மற்றும் நாளை மறுநாள்(ஏப்.,21& 22) கன்னியாகுமரி
மற்றும் ராமநாதபுரம் பகுதியில் கடல் சீற்றத்துடன்
காணப்படும் எனவும், மீனவர்கள் மற்றும் கடலோர பகுதி
மக்கள் கவனத்துடன் இருக்க வேண்டும் என வருவாய்
நிர்வாக ஆணையர் சத்யகோபால் எச்சரிக்கை
விடுத்துள்ளார்.
-
இது தொடர்பாக சென்னையில், அவர் நிருபர்களிடம்
கூறுகையில், தென் தமிழகத்தின் கடற்கரை ஒட்டிய
பகுதிகளில் குறிப்பாக கன்னியாகுமரி, ராமநாதபுரம்
கடற்பகுதியில் ஏப்.,21 மற்றும் 22ம் தேதிகளில் வழக்கத்தை
விட இரண்டரை மீட்டர் உயரத்திற்கு கடல் அலையின்
சீற்றம் இருக்கும் என இந்திய கடல்சார் தகவல் மையம்
எச்சரிக்கை விடுத்துள்ளது.

நாளை காலை 8.30 மணி முதல் ஞாயிறு இரவு 11 மணி வரை
கடல் சீற்றம் காணப்படும். கடல் அலைகள் 2 .5 மீட்டர் முதல்
3.5 மீட்டர் வரை உயர வாய்ப்பு உள்ளது. 18 முதல்
22 விநாடிகள் இடைவெளியில் அலைகள் சீற்றத்துடன்
காணப்படும்.

தவிர்க்க வேண்டும்

இதனால், மீனவர்கள் கவனத்துடன் இருக்க வேண்டும்.
அந்த பகுதியில் வசிக்கும் மக்கள் பாதுகாப்பான இடத்திற்கு
செல்ல வேண்டும். அடுத்த 2 நாட்களுக்கு கடற்கரைக்கு
பொழுது போக்க செல்வதையும், குளிப்பதையும் தவிர்க்க
வேண்டும்.

கடலுக்குள் செல்வதையும் தவிர்க்க வேண்டும் .
இது தொடர்பாக சம்பந்தபட்ட மாவட்ட நிர்வாகங்களுக்கு
தகவல் தெரிவிக்கப்பட்டுள்ளது. கடலில் ஏற்படும் இயற்கை
மாற்றத்தால், அலையின் சீற்றம் அதிகமாக இருக்கும்.
இவ்வாறு அவர் கூறினார்.
-
------------------------------
தினமலர்

SK · SK Fri Apr 20, 2018 4:50 pm

ஓகி புயல் போல் இல்லாமல் முன்கூட்டியே தகவல் கொடிதார்களே இதுவே போதும்

கடல் சீற்றம்: குமரி, ராமநாதபுரம் மீனவர்களுக்கு எச்சரிக்கை

கடல் சீற்றம்: குமரி, ராமநாதபுரம் மீனவர்களுக்கு எச்சரிக்கை

Re: கடல் சீற்றம்: குமரி, ராமநாதபுரம் மீனவர்களுக்கு எச்சரிக்கை

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக