ஹரியானாவில் இளம்பெண்கள் மொபைல் பயன்படுத்த தடை

**ayyasamy ram** · **ayyasamy ram** Wed Apr 18, 2018 2:53 am

சோனிபட்:
ஹரியானா மாநில கிராமத்தில், மொபைல் போன் பயன்படுத்த,
இளம்பெண்களுக்கு விதிக்கப்பட்ட தடை, அமலுக்கு வந்து உள்ளது.

ஹரியானா மாநிலத்தில், முதல்வர் மனோகர்லால் கட்டார்
தலைமையிலான, பா.ஜ., ஆட்சி நடக்கிறது. இங்குள்ள
சோனிபட் மாவட்டம், இஷாபூர்கெரி கிராமத்தில், ஊராட்சித்
தலைவராக இருப்பவர், பிரேம்சிங்.

இவர், தங்கள் கிராமத்தைச் சேர்ந்த இளம்பெண்கள், இன்டர்நெட்
வசதி உள்ள மொபைல் போன் பயன்படுத்தவும், ஜீன்ஸ் உள்ளிட்ட
நாகரிக உடை அணியவும் தடை விதித்தார்.

இஷாபூருக்கு அருகில் உள்ள மற்ற சில ஊராட்சிகளும்,
இந்த தடை உத்தரவை வரவேற்றன. ஆனால், இஷாபூர் கிராமத்து
பெண்கள், இந்த உத்தரவுக்கு கட்டுப்படவில்லை.

இந்நிலையில், மொபைல் மற்றும் நாகரிக உடை ஆகியவற்றுக்கான
தடை, அமலுக்கு வந்து விட்டதாக, பிரேம்சிங் நேற்று தெரிவித்தார்.

இதுபற்றி, பிரேம்சிங் கூறியதாவது:

இன்டர்நெட் வசதி உள்ள மொபைல் போன் பயன்படுத்தும்
இளம்பெண்கள், இளைஞர்களுடன் தொடர்பு ஏற்பட்டு, காதல்
திருமணம் செய்கின்றனர். நாகரிக உடை அணிவதால், மற்ற
ஆண்களை எளிதில் கவர முடிகிறது.

பெற்றோருக்கு தெரியாமல், சில பெண்கள், காதலர்களுடன்
சென்று விட்டனர். அதனால் தான், இந்த நடவடிக்கை எடுத்துள்ளோம்.
சாதாரண மொபைல் போன் பயன்படுத்த தடை இல்லை.இவ்வாறு
அவர் கூறினார்.
-
-----------------------------------------
தினமலர்

SK · SK Wed Apr 18, 2018 9:41 am

செல்லூர் ராஜுவின் சித்தப்பா மகனாக இருப்பாரோ இவர்

முதல்வர் மனோகர்லால் கட்டார்
தலைமையிலான, பா.ஜ.,

ஏதோ ஒன்னு ரெண்டு பைத்தியம் நா சமாளிக்கலாம் ஒட்டுமொத்தமும் பைத்தியம் நா என்ன பண்றது

ஹரியானாவில் இளம்பெண்கள் மொபைல் பயன்படுத்த தடை

ஹரியானாவில் இளம்பெண்கள் மொபைல் பயன்படுத்த தடை

Re: ஹரியானாவில் இளம்பெண்கள் மொபைல் பயன்படுத்த தடை

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக