சீக்கிய முதல் குருவின் வாழ்க்கை வரலாறு படத்திற்கு தடை விதிக்க சுப்ரீம் கோர்ட் மறுப்பு

**ayyasamy ram** · **ayyasamy ram** Mon Apr 16, 2018 5:34 pm

சீக்கியர்களின் முதல் குருவான குரு நானக் தேவ்வின்
வாழ்க்கை வரலாறு ‘நானக் ஷா ஃபாகிர்’ என்ற பெயரில்
திரைப்படமாக பஞ்சாப் தவிர மற்ற மாநிலங்களில்
சமீபத்தில் வெளியானது.

10 சீக்கிய குருக்களின் வாழ்க்கை குறித்த கதையை யாரும்
சித்தரிக்க கூடாது என 2003-ம் ஆண்டு தீர்மானம்
நிறைவேற்றியுள்ளதால் இந்த படத்தை வெளியிட கூடாது என
சிரோன்மனி குருத்வாரா பார்பந்தக் கமிட்டி என்ற அமைப்பு
சுப்ரீம் கோர்ட்டை நாடியது.

இந்த வழக்கை கடந்த வாரம் விசாரித்த தலைமை நீதிபதி
தீபக் மிஸ்ரா அமர்வு, சென்சார் போர்டு தணிக்கை செய்த
ஒரு படத்தை தடுப்பது சரியாக இருக்காது என கூறியிருந்தது.

இந்நிலையில், இன்று மீண்டும் இந்த வழக்கு விசாரணைக்கு
வந்தது. அப்போது, குரு நானக்கின் வாழ்க்கை சரியாக
சித்தரிக்கப்பட்டுள்ளதா என்பது அடிப்படை விவகாரமாக
உள்ளது என நீதிபதிகள் கருத்து தெரிவித்தனர்.

இந்த படத்தை திரையிட எந்த தடையும் விதிக்க முடியாது என
உத்தரவிட்ட நீதிபதிகள், வழக்கை அடுத்த மாதம் 8-ம் தேதிக்கு
ஒத்திவைத்து உத்தரவிட்டனர்.

அன்றைய தினம், தயாரிப்பாளர் தரப்பு மற்றும் சிரோன்மணி
குருத்வாரா கமிட்டி தரப்பினர் பதில் மனு தாக்கல் செய்ய
வேண்டும் என தெரிவித்தனர்.
-
---------------------------------
மாலைமலர்

SK · SK Tue Apr 17, 2018 10:47 am

எடபடியின் வாழ்கை வரலாறு புத்தகமாக வெளி வரும்போது

ஒரு மஹானின் வாழ்கை பட புத்தகத்தில் வருவது தவறில்லை

சமசீர் பட புத்தகத்தில் ஒரு குடும்பத்தை பற்றிய பாடம் இருந்ததை நாம் மறந்துவிட கூடாது

சீக்கிய முதல் குருவின் வாழ்க்கை வரலாறு படத்திற்கு தடை விதிக்க சுப்ரீம் கோர்ட் மறுப்பு

சீக்கிய முதல் குருவின் வாழ்க்கை வரலாறு படத்திற்கு தடை விதிக்க சுப்ரீம் கோர்ட் மறுப்பு

Re: சீக்கிய முதல் குருவின் வாழ்க்கை வரலாறு படத்திற்கு தடை விதிக்க சுப்ரீம் கோர்ட் மறுப்பு

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக