கண்டது, கேட்டது - பார்த்தது...!!

**ayyasamy ram** · **ayyasamy ram** Sun Apr 15, 2018 3:36 pm

கண்டது
* (வடலூரில் ஒரு லாரியின் பின்புறத்தில்)
ஓடுறது தங்கம்
ஓட்டுறது சிங்கம்
-
வ.லெட்சுமிநாராயணன், வடலூர்.
-
----------------------------------

* (கீழ்பென்னாத்தூர் பேருந்துநிலைய சுவரில்)
காதல் மெய்
காதலி பொய்
-
ஆர்.முத்துமாணிக்கம், கீழ்பென்னாத்தூர்.
-
--------------------------------

* (திருநெல்வேலியில் ஆட்டோ ஒன்றில்)
வாழ நினைப்பவனுக்கு ஆயிரம் வழிகள்
சாக நினைப்பவனுக்கு முட்டுச்சந்து மட்டும்தான்.
-
க.சரவணகுமார், திருநெல்வேலி.
-
----------------------------------

* (பெரியகுளம் புது பேருந்துநிலையம் அருகே
உள்ள ஒரு சிறிய கடையில்)
இது பைசா கடை
ரூபாய்க் கடன் தாங்காது.
-
இரா.ரெங்கசாமி, வடுகபட்டி.
-
--------------------------------

**ayyasamy ram** · **ayyasamy ram** Sun Apr 15, 2018 3:36 pm

கேட்டது
-
• (நெய்வேலியில் காலையில் ஒரு வீட்டு வாசலில்)
"என்னங்க கண்ணு சிவந்திருக்கு''
"வாக்கிங் போகும்போது பூச்சி விழுந்திருச்சு''
-
"பக்கத்துல யாரையாவது கூப்பிட்டு எடுக்கச்
சொல்லலாம்ல?''
-
"ஆமா... நான் பெரிய சிவகார்த்திகேயன். பக்கத்துல
போகிற கீர்த்தி சுரேஷைக் கூப்பிட்டு எடுக்கச்
சொல்றதுக்கு... போவியா''
-
கி.ரவிக்குமார், நெய்வேலி.
-
--------------------------------------

• (தொண்டி பேருந்து நிறுத்தத்தில் இரு மாணவர்கள்)
-
"என்னடா உங்க தாத்தா எந்த வயசானவரைப்
பார்த்தாலும் இவர் என்னோட படிச்சவர்ன்னு
சொல்றார்?''

"அது என்னன்னா... இந்த ஒரு கூட்டம்தான் இன்னும்
எமனை ஏமாத்திக்கிட்டு சுத்திக்கிட்டு இருக்காங்க...
அதான்''
-
ஜா.ஜெமிமா, தொண்டி.
-
----------------------------------------

**ayyasamy ram** · **ayyasamy ram** Sun Apr 15, 2018 3:36 pm

எஸ்எம்எஸ்
-
இருக்குற காசிலே
மிச்சப்படுத்துறவன் சிக்கனவாதி.
இருக்குற காசையே
மிச்சப்படுத்துறவன் கஞ்சன்.
-
தீ.அசோகன், சென்னை-19.
-
-----------------------------------

யோசிக்கிறாங்கப்பா!
-
இரண்டு பேரு சண்டை போட்டுக்கிட்டா...
மூணாவதா ஒருத்தன் போய்
விலக்கிவிடுவான்.
இப்பவெல்லாம்
மூணாவது ஆளு வீடியோ
எடுக்குறான்.
-
ஜெ.சுவாமிநாதன்,
கொள்ளிடம்.
-
----------------------------------
பேல்பூரி - தினமணி கதிர்