காஷ்மீர் சிறுமி குறித்து கோவை சட்டக்கல்லூரி மாணவி பேசியது இதுதான்! #KathuaRapeCase

கோவை சட்டக் கல்லூரியில், முதலாம் ஆண்டு படித்துவரும் மாணவி ப்ரியா. கல்லூரியில் நேற்று ஒரு வகுப்பில் பாடம் எடுத்து முடித்த பிறகு, மாணவர்களுக்கு மேடை பயம் ( Stage fear) போக வேண்டும் என்பதற்காக, அவர்களை பொது விஷயம் பேசுமாறு பேராசிரியர் கூறினார்.

ஆனால், எந்த மாணவரும் முன்வரவில்லை. இதையடுத்து, மாணவி ப்ரியாவை அழைத்து பேசுமாறு அந்தப் பேராசிரியர் கூறியுள்ளார். அப்போது, காஷ்மீரில் பாலியல் வன்கொடுமை செய்து கொல்லப்பட்ட சிறுமி குறித்து ப்ரியா பேசியுள்ளார். இதைத்தொடர்ந்து, அந்த வகுப்புக்குச் சம்பந்தமே இல்லாத பேராசிரியர் அம்மு என்பவர், ப்ரியா மற்றும் அவரைப் பேச சொன்ன பேராசிரியரை திட்டியதாகக் கூறப்படுகிறது.
மேலும், சில மாணவர்களை அழைத்துக் கொண்டு, கல்லூரி முதல்வரிடம் ப்ரியா குறித்து புகார் அளித்துள்ளார். இதையடுத்து, மாணவி ப்ரியாவை, கல்லூரி முதல்வர் சஸ்பெண்ட செய்து உத்தரவிட்டார். இந்த விவகாரம் பெரும் சர்ச்சையைக் கிளப்பியுள்ளது.
மாணவி ப்ரியா, புரட்சிகர மாணவர் முன்னணி அமைப்பில் இருக்கிறார். இதனால், அனைத்து பிரச்னைகளுக்கும் ப்ரியாவின் குரல் முதலில் ஒலித்திருக்கிறது. இதை மனதில் வைத்தே, ப்ரியா சஸ்பெண்ட் செய்யப்பட்டிருப்பதாகத் தகவல்கள் வெளியாகியுள்ளன. உண்மையில் ப்ரியா பேசியது என்ன? அவரிடமே கேட்டோம், "இந்து ஆலயத்தில் வைத்தே சிறுமி வன்கொடுமை செய்து கொல்லப்பட்டுள்ளார். இதுபோன்ற சம்பவங்கள் நம் நாட்டில் தொடர்ந்து நடந்து கொண்டுதான் இருக்கின்றன. இது ஆணாதிக்கம் நிறைந்த சமூகம். பெண்கள் எப்போதும் காமத்துக்கான போதைப் பொருளாகத்தான் பார்க்கப்படுகிறார்கள். பெண்களின் உடைதான் இதற்குக் காரணம் என சிலர் கூறுகின்றனர். 8 வயது குழந்தை என்ன மாதிரி உடை அணியும்? எனவே, இதற்கு உடை காரணம் இல்லை. ஆணாதிக்க மனோபாவம்தான் காரணம். இதைத்தான் பேசினேன்" என்றார்.
உங்கள் கருத்தைப் பதிவு செய்யுங்கள்
நன்றி
விகடன்

சரியாக தான் பேசி இருக்கிறார் இவர் பேச்சில் RSS & BJP யை குறிப்பிடாதது தான் எனக்கு வருத்தம் அளிக்கிறது

SK wrote:சரியாக தான் பேசி இருக்கிறார் இவர் பேச்சில் RSS & BJP யை குறிப்பிடாதது தான் எனக்கு வருத்தம் அளிக்கிறது

மேற்கோள் செய்த பதிவு: 1266321
காஷ்மீரில் ஆசிபா ஊர் மக்கள் தனியார் லாட்ஜில் தங்க வைக்கப்பட்டுள்ளனர் இவர்களுக்கு பயந்து இந்த பெண்ணின் பாதுகாப்பை உறுதிப்படுத்த முடியாது.