பாரம்பரிய உணவுகளுடன் தமிழ் புத்தாண்டை தொடங்குவோம்!

பாரம்பரியம் பற்றிய விழிப்புணர்வு தற்போது தமிழர்களுக்கு வந்துகொண்டிருக்கிறது. அதிலும் குறிப்பாக உணவு விஷயத்தில் நம்முடைய பாரம்பரிய சிறுதானியம் பற்றிய விழிப்புணர்வு அதிகரித்துள்ளதை காணமுடிகிறது. ஆனாலும், பண்டிகை என்றாலே கேசரி, பொங்கல், வடை இல்லாமல் நம்மால் நினைத்துக்கூட பார்க்க முடியாது. வட இந்திய இறக்குமதியான ரவையைத் தவிர்த்துவிட்டு, நம்ம ஊர் பனிவரகு, நாட்டு சர்க்கரை உள்ளிட்டவற்றைப் பயன்படுத்தி எளிய உணவுகளை செய்வது எப்படி என்று பார்ப்போம்.
பனிவரகு ரவை கேசரி
தேவையானவை: பனிவரகு ரவை - ஒரு கப், சர்க்கரை - இரண்டரை கப், தண்ணீர் - 4 கப், முந்திரி - 5, திராட்சை - 10, ஏலக்காய் - 2, நெய் - ஒரு டீஸ்பூன்.
செய்முறை: கடாயில் நெய் ஊற்றி, மிதமான தீயில் பனிவரகு ரவையை வறுக்கவும். பிறகு, கொதிக்கவைத்த நீரில் ரவையைக் கொட்டிக் கிளறவும். ரவை வெந்ததும், சர்க்கரையைச் சேர்த்துக் கிளறவும். நெய்யில் முந்திரி, திராட்சை, ஏலக்காயை வறுத்துச் சேர்த்து, கிளறி இறக்கவும்.
நன்றி
Newstm

பாரம்பரிய உணவுகளுடன் தமிழ் புத்தாண்டை தொடங்குவோம்! 8qzEx9ewTum86qbd3Jli+f6f5031d6389fb09e85eb994356b5d1e

அக்கார அடிசல்
தேவையானவை: பச்சரிசி - 250 கிராம், பால் - முக்கால் லிட்டர், நாட்டுச்சர்க்கரை - 400 கிராம், நெய் - 2 டேபிள்ஸ்பூன், பாசிப்பருப்பு - 200 கிராம், முந்திரி (பொடித்தது) - 5, கிஸ்மிஸ் (திராட்சை) -சிறிதளவு, ஏலக்காய்ப்பொடி - ஒரு டீஸ்பூன்
செய்முறை: நன்கு சுத்தம் செய்த பச்சரிசியை பாலில் வேக வைக்கவும் (பாலுடன் சிறிது தண்ணீரும் சேர்த்துக்கொள்ளலாம்). அரிசி வெந்தவுடன் பாசிப்பருப்பைச் சேர்த்து மீண்டும் குழைய வேகவைக்கவும். பொடித்த நாட்டுச்சர்க்கரையை இத்துடன் சேர்த்து நன்கு கிளறவும். வாணலியில் நெய் சேர்த்து முந்திரி, கிஸ்மிஸ் (திராட்சை), ஏலக்காய்ப்பொடியை வதக்கி, அதை வேக வைத்த அரிசியில் சேர்த்துக் கிளறவும். அக்கார அடிசிலை ருசித்துப் புசிக்கவும்.

பாரம்பரிய உணவுகளுடன் தமிழ் புத்தாண்டை தொடங்குவோம்! LOYquM9QACsKIY7kWdPy+7bacceae1731fde9a2770ef5403ff81d

நவதானிய அடை
தேவையானவை: (சூரியன்) கோதுமை, (சந்திரன்) அரிசி, (செவ்வாய்) துவரம் பருப்பு, (புதன்) பச்சைப்பயிறு, (வியாழன் – குரு) கொண்டைக்கடலை, (வெள்ளி – சுக்ரன்) மொச்சை, (சனி) எள்ளு, (ராகு) கறுப்பு உளுந்து, (கேது) கொள்ளு.
இந்த ஒன்பது தானியங்களும் தலா ஒரு கைப்பிடி, காய்ந்த மிளகாய் – 3 அல்லது 5, இஞ்சி – ஒரு பெரிய துண்டு, மிளகு, சீரகம் – தலா ஒரு டீஸ்பூன், கறிவேப்பிலை – 2 ஆர்க்கு, உப்பு, நல்லெண்ணெய் – தேவையான அளவு.
செய்முறை: முந்தைய நாள் இரவே நவ தானியங்களையும் ஊறவைக்கவும். ஊறவைத்த தானியங்களை, எண்ணெய் தவிர்த்து மற்ற பொருட்களோடு சேர்த்து, தண்ணீர் விட்டு கெட்டியாக அரைக்கவும். இந்த மாவை, தோசைக்கல்லில், அடையாக வார்த்து, இருபுறமும் நல்லெண்ணெய் ஊற்றி வேகவிடவும். அடையின் நடுவில் துவாரம் செய்து, அதில் சிறிது எண்ணெய் ஊற்றி, மொறுமொறுவென்று பொன்னிறமாக எடுக்கவும்.
இந்த அடைக்கு இஞ்சிச் சட்னி தொட்டுச் சாப்பிட்டால்… அருமையாக இருக்கும்.
பலன்கள்: புரதச்சத்து முதல் அத்தனைவித வைட்டமின்கள், தாது உப்புக்கள் நிறைந்த உணவு. அனைவருக்கும் ஏற்றது.

பாரம்பரிய உணவுகளுடன் தமிழ் புத்தாண்டை தொடங்குவோம்! SiA9xRkTdq5IdwSBYiUr+6a7c98ee33567cb3b029725c3571b8b5

முக்கனிப் பழக்கலவை
தேவையானவை: மாம்பழம் – 3, வாழைப்பழம் – 5, பலாச்சுளை – 10, தேன் – தேவையான அளவு.
செய்முறை: மாம்பழம், வாழைப்பழம், பலாப்பழம் ஆகிய மூன்றையும் நன்றாக மசித்துக்கொள்ள வேண்டும். பலாச்சுளை நன்கு பழுத்த பழமாக இருக்க வேண்டும். அதனுடன் தேன் சேர்த்து சாப்பிடும்போது மேலும் சுவையாக இருக்கும்.
பலன்கள்: வைட்டமின் ஏ, நார்ச்சத்து, கார்போஹைட்ரேட் என அத்தியாவசதிய ஊட்டச்சத்துக்கள் நிறைந்தது. அதிக கார்போஹைட்ரேட் உள்ளதால் குறைவாக எடுத்துக்கொள்ள வேண்டும். சர்க்கரை நோயாளிகள் மிகக் குறைவாக எடுத்துக்கொள்ளலாம். அதற்கு ஏற்றார்போல், அன்றைய தினத்தின் டயட்டில் சிறிது மாற்றம் செய்துகொள்வது நல்லது.

பாரம்பரிய உணவுகளுடன் தமிழ் புத்தாண்டை தொடங்குவோம்! G4FnmeHSQAyRFMXwktOI+09ce843d9bc57ec6d30448b8f3864ac9

கதம்பக்காய்க் கூட்டு
தேவையானவை: சுரைக்காய், பீர்க்கன், புடலை, மஞ்சள் பூசணி, வெள்ளைப் பூசணி, அவரைக்காய், தக்காளி, கொத்தவரை, காராமணி, சின்ன வெங்காயம் (நறுக்கியது) – 100 கிராம், பாசிப்பருப்பு – 200 கிராம், நல்லெண்ணெய் – 3 மேசைக்கரண்டி, கடுகு, உப்பு – சிறிது, உளுந்து, கடலைப் பருப்பு – 2 தேக்கரண்டி, பச்சைமிளகாய் – 5, மஞ்சள் தூள் – சிறிது, இஞ்சி, பூண்டு விழுது – இரண்டு மேசைக்கரண்டி, கல் உப்பு – தேவையான அளவு.
செய்முறை: எண்ணெயைச் சூடாக்கி, கடுகு, உளுந்து, கடலைப்பருப்பு இவற்றைத் தாளித்து, இஞ்சி, பூண்டு விழுது சேர்த்து வதக்கவும். சின்ன வெங்காயம், பச்சை மிளகாய், மஞ்சள் தூள், உப்பு, தக்காளி சேர்த்து நன்கு வதக்கவும். மற்ற காய்களைச் சேர்த்து வதக்கி, வெந்ததும், வேகவைத்த பாசிப்பருப்பைச் சேர்த்துப் பரிமாறவும்.
பலன்கள்: கோடைக்காலத்துக்கு ஏற்ற நீர்க்காய்கறிகள் கலவை. நீர்ச்சத்து, நார்ச்சத்து, புரதம் உள்ளிட்ட ஊட்டச்சத்துக்கள் நிறைந்தது. உடலுக்கு புத்துணர்வு தரும்.

by Sponsored content

பாரம்பரிய உணவுகளுடன் தமிழ் புத்தாண்டை தொடங்குவோம்!

பாரம்பரிய உணவுகளுடன் தமிழ் புத்தாண்டை தொடங்குவோம்!

Re: பாரம்பரிய உணவுகளுடன் தமிழ் புத்தாண்டை தொடங்குவோம்!

Re: பாரம்பரிய உணவுகளுடன் தமிழ் புத்தாண்டை தொடங்குவோம்!

Re: பாரம்பரிய உணவுகளுடன் தமிழ் புத்தாண்டை தொடங்குவோம்!

Re: பாரம்பரிய உணவுகளுடன் தமிழ் புத்தாண்டை தொடங்குவோம்!

Re: பாரம்பரிய உணவுகளுடன் தமிழ் புத்தாண்டை தொடங்குவோம்!