சாலையைத் தோண்டி, தடுப்புகளை அகற்றி, மின்கம்பங்களை பிடுங்கி.. பெங்களூருக்கு என்ன ஆனது?

**பழ.முத்துராமலிங்கம்** · 27/09/2015

பெங்களூர்: பெங்களூருவில் முக்கிய சாலைகளில் பள்ளம் தோண்டி, வேகத் தடைகளை அகற்றி, மின் கம்பங்களைப் பிடுங்கி முன்னெச்சரிக்கை நடவடிக்கைகள் மேற்கொள்ளப்பட்டன.
அந்த பணிகள் இன்றும் தொடர்ந்து நடைபெறும் என்று அறிவிக்கப்பட்டுள்ளது.
இப்படியெல்லாம் செய்ய பெங்களூர் நகருக்கு என்னதான் ஆனது என்று கேட்கலாம்.. ஒன்றுமில்லை. உலகிலேயே மிக உயரமான அதாவது 66 அடி உயரமான, 750 டன் எடை கொண்ட ஹனுமன் சிலை முக்கியச் சாலை வழியாக கச்சரகனஹல்லி பகுதிக்கு டிரக் மூலமாகக் கொண்டு செல்லப்படுவதற்காகவே இந்த ஏற்பாடுகள். அது என்ன அவ்வளவு பெரியதா என்று கேட்பவர்களுக்கு ஒரே பதில்.. ஹனுமன் சிலையைக் கொண்டு செல்லப் பயன்படுத்துவது 300 டயர்களைக் கொண்ட டிரக் என்பதுதான்.
பெங்களூர் பகுதி நிர்வாகத்தின் அனுமதியோடுதான் இந்த ஏற்பாடுகள் செய்யப்பட்டுள்ளன.
நன்றி
தினமணி

**பழ.முத்துராமலிங்கம்** · 27/09/2015

இந்த சிலை அடுத்த ஆண்டு ஏப்ரல் மாதத்துக்குள் கச்சரகனஹல்லி பகுதியில் நிறுவப்பட உள்ளது. நேற்று இந்த சிலை டிரக்கில் வைத்துக் கொண்டு செல்லும் போது ஒரு முக்கியப் பிரச்னை ஏற்பட்டது. ஹென்னூர் முக்கிய சாலையில் இருந்த கெடலஹல்லி மேம்பாலம்தான் அது. மேம்பாலத்தை விட உயரமாக ஹனுமன் சிலை கிடத்தப்பட்டிருந்தது. உடனடியாக, மேம்பாலத்துக்குக் கீழே 2 அடி ஆழத்துக்கு சாலையில் பள்ளம் தோண்டப்பட்டு அவ்வழியாக சிலை பயணித்தது.
இந்த டிரக் செல்ல வசதியாக, சாலைகளைப் பிரிக்கும் தடுப்புச் சுவர்களும் இடித்து நொறுக்கப்பட்டு ஒன்றிணைக்கப்பட்டன. மின் கம்பங்கள் பிடுங்கப்பட்டன. திங்கட்கிழமை மாலை முதல் இப்பகுதியில் போக்குவரத்து நிறுத்தப்பட்டது. கூகுள் மேப்பில் கூட இந்த சாலையை தேர்வு செய்யும் வசதி நீக்கப்பட்டிருந்தது.
இது மட்டுமல்ல.. சாலைகளின் இடையே இருக்கும் பாதாள சாக்கடைகளின் மூடிகள் அகற்றப்பட்டு, முழுவதும் மணல் கொட்டி நிரப்பப்பட்டன. டிரக் டயர்கள் சாக்கடைகளின் மூடிகளை உடைத்து விபத்து நேரக் கூடாது என்பதற்காக இந்த முன்னெச்சரிக்கை எடுக்கப்பட்டுள்ளது.

**பழ.முத்துராமலிங்கம்** · 27/09/2015

ஸ்ரீ ராம சைதன்யா வர்தினி அறக்கட்டளை மூலம் உருவாக்கப்பட்ட இந்த சிலையை, சாலை மார்கமாகக் கொண்டு செல்ல மாவட்ட நிர்வாகத்திடம் அனுமதி கேட்கப்பட்டது. சாலைகளை தேவைக்கு ஏற்ற வகையில் திருத்தியமைத்து, பிறகு மீண்டும் செப்பனிட்டுக் கொடுப்பதாக ஒப்புதல் அளித்ததன் பேரில், அவர்களுக்கு அனுமதி கிடைத்துள்ளது.
இந்த சிலையை வடிவமைக்கும் பணி இன்னும் நிறைவடையவில்லை. கச்சரகனஹல்லிக்குக் கொண்டு சென்று அங்கும் 30க்கும் மேற்பட்ட சிற்பிகள் இந்த சிலையை வடிவமைத்து பிரதிஷ்டைப் பணிகளை மேற்கொள்ள உள்ளனர். பைராபுராவில் இருந்து கண்டெடுக்கப்பட்ட ஒரே கல்லினால் இந்த சிலை வடிவமைக்கப்பட்டுள்ளது. இந்த கல்லின் மொத்த எடை 1,450 டன்கள் என்பது குறிப்பிடத்தக்கது.

**ayyasamy ram** · **ayyasamy ram** Wed Apr 11, 2018 11:40 pm

சாமி விவகாரம்...
-
அய்யோ, நான் இல்லை

Sponsored content · Sponsored content

சாலையைத் தோண்டி, தடுப்புகளை அகற்றி, மின்கம்பங்களை பிடுங்கி.. பெங்களூருக்கு என்ன ஆனது?

சாலையைத் தோண்டி, தடுப்புகளை அகற்றி, மின்கம்பங்களை பிடுங்கி.. பெங்களூருக்கு என்ன ஆனது?

Re: சாலையைத் தோண்டி, தடுப்புகளை அகற்றி, மின்கம்பங்களை பிடுங்கி.. பெங்களூருக்கு என்ன ஆனது?

Re: சாலையைத் தோண்டி, தடுப்புகளை அகற்றி, மின்கம்பங்களை பிடுங்கி.. பெங்களூருக்கு என்ன ஆனது?

Re: சாலையைத் தோண்டி, தடுப்புகளை அகற்றி, மின்கம்பங்களை பிடுங்கி.. பெங்களூருக்கு என்ன ஆனது?

Re: சாலையைத் தோண்டி, தடுப்புகளை அகற்றி, மின்கம்பங்களை பிடுங்கி.. பெங்களூருக்கு என்ன ஆனது?

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக