பந்த்திற்கு அழைப்பு: நாடு முழுவதும் பாதுகாப்பை பலப்படுத்த உத்தரவு

**ayyasamy ram** · **ayyasamy ram** Tue Apr 10, 2018 9:04 am

புதுடில்லி:

கல்வி, வேலைவாய்ப்பில் உரிய முன்னுரிமை கோரி
இன்று நாடு முழுவதும் போராட்டத்துக்கு சில அமைப்புகள்
அழைப்பு விடுத்துள்ளதால் அனைத்து மாநிலங்கள்,
யூனியன் பிரதேசங்களுக்கு பாதுகாப்பை பலப்படுத்துமாறு
மத்திய உள்துறை அமைச்சகம் உத்தரவிட்டுள்ளது.

கடந்த 2-ம் தேதி எஸ்.சி. எஸ்.டி. சட்டம் தொடர்பாக சுப்ரீம்
கோர்ட் பிறப்பித்த உத்தரவுக்கு கண்டனம் தெரிவித்து
நாடு முழுவதும் நடந்த போராட்டம் நடந்தது.

மத்திய பிரதேசத்தில் நடந்த வன்முறை சம்பவத்தில்
10-க்கும் மேற்பட்டோர் பலியாயினர். பொது சொத்துக்கள்
சேதமடைந்தன.

இந்த பரபரப்பான சூழ்நிலையில் எஸ்.சி. எஸ்,டி. பிரிவினருக்கு
கல்வி, வேலைவாய்ப்பில் முன்னுரிமை வழங்கிட கோரி இன்று
நாடு தழுவிய பந்த்திற்கு சமூக வலைதளங்கள் மூலம் அழைப்பு
விடுக்கப்பட்டதாக தகவல்கள் வெளியாகியுள்ளன.

இதனால் மத்திய அரசு பல்வேறு நடவடிக்கைகளை
மேற்கொண்டு வருகிறது. மீண்டும் வன்முறை நிகழாமல்
தடுத்திட வேண்டி அனைத்து மாநிலங்களுக்கும் ,யூனியன்
பிரதேசங்களுக்கும் பாதுகாப்பை பலப்படுத்திட மத்திய
உள்துறை அமைச்சகம் உத்தரவிட்டுள்ளது.

மத்திய உள்துறை அமைச்சகம் உத்தரவிட்டுள்ளதாவது:

மிகவும் பதட்டமான பகுதிகளில் தேவைப்பட்டால் ஊரடங்கு
உத்தரவு அமல்படுத்திக்கொள்ள வேண்டும்.உயிர்பலி
ஏற்படாதவாறு நகரின் முக்கிய பகுதிகளில் போலீசார் ரோந்து
பணியில் ஈடுபட வேண்டும்.இவ்வாறு அந்த உத்தரவில்
கூறப்பட்டுள்ளது.

**ayyasamy ram** · **ayyasamy ram** Tue Apr 10, 2018 9:04 am

இணைய சேவைகள் நிறுத்தம்

ராஜஸ்தான்:
ராஜஸ்தானில் பெருமளவு வன்முறை பாதிப்பு ஏற்படும்
என்பதால் ஜெயப்பூர், அல்வார், ஆகிய நகரங்களில்
144 தடை உத்தரவு பிறப்பிக்கப்பட்டுள்ளது.

மொபைல்போன் சேவை, இணையதள சேவைகள் முடக்கி
வைக்கப்பட்டுள்ளன.

உத்தரப்பிரதேசம்: ஏப்ரல் 10ம் (இன்று) தேதி பாரத் பந்த்
நடத்தப்படும் என்று சமூக ஊடகங்களில் சில குழுக்கள்
செய்திப் பரப்பி வருவதையடுத்து ஹபூர் மாவட்டத்தில்
இணைய சேவைகள் தற்காலிகமாக நிறுத்தி வைக்கப்
பட்டுள்ளன.

உத்தரப்பிரதேசம் மாநிலம் ஹபூர் மாவட்டத்தில் இன்று
மாலை 6 மணி முதல் நாளை மாலை 6 மணி வரை இணைய
சேவைகள் தற்காலிகமாக நிறுத்த வேண்டும் என்று மாவட்ட
நிர்வாகம் உத்தரவிட்டுள்ளது.

மத்திய பிரதேசம்: மத்திய பிரதேசத்தில் சமீபத்தில் நடந்த
வன்முறையில் 10 பலியாயினர். என்பதால் தலைநகர்
போபாலில் 144 தடை உத்தரவு பிறப்பிக்கப்பட்டுள்ளது.

இதே போன்று மஹாராஷ்டிரா, கேரளா ஆகிய
மாநிலங்களுக்கும் பாதுகாப்பு பலப்படுத்தப்பட்டுள்ளது.
-
-----------------------------
தினமலர்