ஐ.பி.எல் -2018 !!

First topic message reminder :


-
மும்பை:
ஐ.பி.எல்., தொடரின் மும்பை அணிக்கு எதிரான முதல்
போட்டியில் சென்னை அணி, 1 விக்கெட் வித்தியாசத்தில்
வெற்றி பெற்றது.

இந்தியாவில் ஐ.பி.எல்., உள்ளூர் 'டுவென்டி-20' தொடரின்
11வது சீசன் துவங்கியது. மும்பை வான்கடே மைதானத்தில்
முதல் போட்டி நடந்தது.

மும்பை அணி, 20 ஓவரில், 4 விக்கெட்டுக்கு 165 ரன்கள் எடுத்தது.
அடுத்து களமிறங்கிய சென்னை அணி, 19.5 ஓவரில்
9 விக்கெட்டுக்கு, 169 ரன்கள் எடுத்து வெற்றி பெற்றது.
-
------------------------------
தினமலர்
-

புனே: ஐபிஎல் டி-20 கிரிக்கெட் போட்டித் தொடரின் 11வது சீசன் அதிரடியாக துவங்கியது. முதல் ஆட்டத்தின் கடைசி ஓவர்களில் பிராவோ காட்டிய அதிரடி இன்றும் மும்பையும் ஒலித்து கொண்டிருக்கிறது. அதுபோன்ற ஒரு ஆட்டத்துக்கு இரண்டாவது சேப்பாக்கமான புனே காத்திருக்கிறது. ஐபிஎல் டி-20 கிரிக்கெட் போட்டித் தொடரின் 11வது சீசன் நடந்து வருகிறது. மொத்தம் 60 ஆட்டங்கள் கொண்ட இந்த சீசனில் இதுவரை 26 ஆட்டங்கள் முடிந்துள்ளன. இதுவரை விளையாடிய 6 ஆட்டங்களில் 5ல் வெற்றி, ஒரு தோல்வியுடன், 10 புள்ளிகளைப் பெற்று, புள்ளிப் பட்டியலில் சென்னை சூப்பர் கிங்ஸ் முதலிடத்தில் உள்ளது. இந்தப் பட்டியலில் 6 ஆட்டங்களில் ஒரு வெற்றி, 5 தோல்வியுடன் நடப்பு சாம்பியன் மும்பை இந்தியன்ஸ் கடைசி இடத்தில் உள்ளது. சீசனின் 27வது ஆட்டத்தில் இவ்விரு அணிகளும் புனேயில் இன்று நடக்கும் ஆட்டத்தில் மோத உள்ளன. இரு அணிகளும் இரண்டாவது முறையாக இந்த சீசனில் சந்திக்கின்றன.

பிராவோ அதிரடி

சீசனின் முதல் ஆட்டத்தில் மும்பை 4 விக்கெட் இழப்புக்கு 165 ரன்கள் எடுத்தது. அடுத்து ஆடிய சிஎஸ்கே ஒரு கட்டத்தில் தோல்வியின் விளம்புக்கு சென்றது. அப்போது பிராவோ 30 பந்துகளில் 7 சிக்சர்களுடன் 68 ரன்கள் எடுத்து. சிஎஸ்கேவின் வெற்றியை உறுதி செய்தார்.


தோனிக்கு விசில் போடுங்க

அந்த ஆட்டத்தைப் போலவே, இதுவரை சிஎஸ்கே விளையாடிய 6 ஆட்டங்களிலும் பரபரப்புக்கு கொஞ்சமும் குறைவில்லாமல் இருந்தது. கேப்டனாக தோனி இன்று தனது 150வது ஆட்டத்தில் விளையாட உள்ளார். வழக்கமான கேப்டன் கூல், இந்த முறை அதிரடி ஆட்டத்தையும் கூலாக விளையாடி வருவது சிஎஸ்கேவுக்கு பலமாகும்.


புனேயில் இரண்டாவது ஆட்டம்

காவிரி மேலாண்மை வாரியம் போராட்டங்களால், சென்னை சேப்பாக்கத்தில் நடக்கவிருந்த ஆட்டங்கள் புனேவுக்கு மாற்றப்பட்டுள்ளது. புதிதாக தத்தெடுத்த சொந்த மைதானமான புனேவில் சிஎஸ்கேவுக்கு இது இரண்டாவது ஆட்டமாகும். முதல் ஆட்டத்தில் ராஜஸ்தானை வென்றது.


சிஎஸ்கே கொடி பறக்கும் புனே மைதானத்தில் இன்று இரவு 8 மணிக்கு துவங்கும் ஆட்டத்தில் மும்பையுடன் சிஎஸ்கே அணி இரண்டாவது முறையாக விளையாட உள்ளது. இந்த சீசனில் மிகவும் வலுவான மற்றும் வெற்றிகரமான அணியாக சிஎஸ்கே உள்ளது. அதே நேரத்தில் நடப்பு சாம்பியன் மும்பை, தொடர்ந்து தோல்விகளை சந்தித்து வருகிறது. முதல் ஆட்டத்தைப் போலவே, இன்றைய ஆட்டத்திலும் சிஎஸ்கேவின் கொடி பறக்கும் என்று கண்டிப்பாக எதிர்பார்க்கலாம்.

-தமிழ் ஒன் இந்தியா  

புனே: புனேயில் நடந்த ஐபிஎல் ஆட்டத்தில் ஷேன் வாட்சன், தோனியின் அதிரடி அரை சதங்களால் சென்னை சூப்பர் கிங்ஸ் அணி, 13 ரன்களில் மற்றொரு திரில் வெற்றியை பெற்றது. 212 ரன்கள் இலக்குடன் களமிறங்கிய டெல்லி டேர்டெவில்ஸ் அணி கடைசி வரை போராடியது. ஐபிஎல் டி-20 கிரிக்கெட் போட்டித் தொடரின் 11வது சீசன் நடந்து வருகிறது. இதுவரை 29 ஆட்டங்கள் முடிந்துள்ளன. இதில் சன்ரைசர்ஸ் ஹைதராபாத் 8 ஆட்டங்களில் 6 வெற்றியுடன் 12 புள்ளிகளைப் பெற்று புள்ளிப் பட்டியலில் முதலிடத்தில் உள்ளது. சென்னை சூப்பர் கிங்ஸ் அணி 7 ஆட்டங்களில் 5ல் வெற்றி பெற்று 10 புள்ளிகளுடன் இரண்டாவது இடத்தில் உள்ளது. இதுவரை 7 ஆட்டங்களில் 2ல் மட்டுமே வென்றுள்ள டெல்லி டேர்டெவில்ஸ் புள்ளிப் பட்டியலில் கடைசி இடத்தில் உள்ளது. தொடர்ந்து தோல்வி அடைந்து வந்ததால், டெல்லி அணியின் கேப்டன் பொறுப்பில் இருந்து கவுதம் கம்பீர் விலகினார். புதிய கேப்டனாக ஸ்ரேயாஸ் ஐயர் பொறுப்பேற்றுள்ளார்.


அசைக்க முடியாத கேப்டன்

மும்பைக்கு எதிராக நேற்று முன் தினம் நடந்த ஆட்டம் சிஎஸ்கே கேப்டன் தோனிக்கு, கேப்டனாக 150வது போட்டியாகும். அதே நேரத்தில் கொல்கத்தாவுக்கு எதிராக 27ம் தேதி நடந்த ஆட்டம், ஸ்ரேயாஸ் ஐயருக்கு கேப்டனாக முதல் ஆட்டமாகும்.


டெல்லி டாஸ் வென்றது

மீண்டும் வெற்றியின் பாதைக்கு திரும்புவதற்கு சிஎஸ்கே அணியும், மற்றொரு வெற்றிக்காக டெல்லி அணியும் இன்று மோதுகின்றன. புனேயில் நடக்கும் ஆட்டத்தில் டாஸை வென்ற டெல்லி பவுலிங்கை தேர்வு செய்தது.

புனேயில் சிக்சர் மழை

முதலில் பேட்டிங் செய்த சென்னை சூப்பர் கிங்ஸ் 20 ஓவர்களில் நான்கு விக்கெட் இழப்புக்கு 211 ரன்கள் குவித்துள்ளது. டுபிளாசி 33, ரெய்னா 1 ரன்னுக்கு ஆட்டமிழந்தனர். ஷேன் வாட்சன் 7 சிக்சர்களுடன் 78 ரன்களும், ராயுடு 41 ரன்களும் எடுத்தனர். தோனி 22 பந்துகளில் 5 சிக்சர்களுடன் 51 ரன்கள் எடுத்தார். இந்த ஆட்டத்தில் சிஎஸ்கே வீரர்கள் 14 சிக்சர்களை விளாசினர்.

வெற்றி யாருக்கு

20 ஓவர்களில் 212 ரன்கள் இலக்குடன் டெல்லி டேர்டெவில்ஸ் அணி களமிறங்கியது. காலின் முன்ரோ 26, பிருத்வி ஷா 9, ஸ்ரேயாஸ் ஐயர் 13, கிளென் மேக்ஸ்வெல் 6 ரன்களுக்கு ஆட்டமிழந்தனர். முக்கியமான கட்டத்தில் ரிஷப் பந்த் 45 பந்துகளில் 79 ரன்கள் எடுத்தார். விஜய் சங்கர் 31 பந்துகளில் ஆட்டமிழக்காமல் 54 ரன்கள் எடுத்து கடைசி வரை போராடினார். கடைசி ஓவரில் 28 ரன்கள் தேவை என்ற நிலை இருந்தது. லுங்கி நிகாடி வீசிய அந்த ஓவரில், 4 பந்துகளில் 20 ரன்கள், 3 பந்துகளில் 17 ரன்கள் என்று மாறியது. இறுதியில் 20 ஓவர்களில் 5 விக்கெட் இழப்புக்கு டெல்லி 198 ரன்கள் மட்டுமே எடுத்தது. சிஎஸ்கே 13 ரன்களில் வென்றது. இதன் மூலம் புள்ளிப் பட்டியலில் சிஎஸ்கே மீண்டும் முதலிடத்தைப் பிடித்தது.

- ஒன் இந்தியா  

rameshkumar wrote:புனே: புனேயில் நடந்த ஐபிஎல் ஆட்டத்தில் ஷேன் வாட்சன், தோனியின் அதிரடி அரை சதங்களால் சென்னை சூப்பர் கிங்ஸ் அணி, 13 ரன்களில் மற்றொரு திரில் வெற்றியை பெற்றது. 212 ரன்கள் இலக்குடன் களமிறங்கிய டெல்லி டேர்டெவில்ஸ் அணி கடைசி வரை போராடியது. ஐபிஎல் டி-20 கிரிக்கெட் போட்டித் தொடரின் 11வது சீசன் நடந்து வருகிறது. இதுவரை 29 ஆட்டங்கள் முடிந்துள்ளன. இதில் சன்ரைசர்ஸ் ஹைதராபாத் 8 ஆட்டங்களில் 6 வெற்றியுடன் 12 புள்ளிகளைப் பெற்று புள்ளிப் பட்டியலில் முதலிடத்தில் உள்ளது. சென்னை சூப்பர் கிங்ஸ் அணி 7 ஆட்டங்களில் 5ல் வெற்றி பெற்று 10 புள்ளிகளுடன் இரண்டாவது இடத்தில் உள்ளது

புனே யில் டெல்லியுடன் நடந்து முடிந்த போட்டியுடன்
CSK 8 க்கு 6 வெற்றி அடைந்து நெட் ரன் முறைப்படி
முதன்மையில் உள்ளதே ரமேஷ்குமார்.

ரமணியன்

ஐயா இது ஆட்டம் தொடங்கும் முன்பு இருந்த நிலையை குறிக்கிறது ... நானும் பார்த்தேன் ஐயா அதில் பாதி செய்திகள்கள் வரை கடந்த காலத்திலும் பாதி நிகழ் காலத்திலும் குறிப்பிடபட்டுள்ளது..

தற்போதைய புள்ளி விபரம் :

ஒன் இந்தியா செய்தியை படித்தேன்.
நிருபர் கற்றுகுட்டி போல் உள்ளது.
ஆரம்பத்தில் செய்தியை தவறாக கொடுத்து இருக்கிறார்.
அமைப்பு சரியில்லை.
( ரமேஷ்குமார் செய்தி தவறாக தரவில்லை)
ரமணியன்

சென்னை அணி பேட்டிங்-
--

கோல்கட்டா :
ஐ.பி.எல்., கிரிக்கெட் போட்டியின் இன்றைய லீக் ஆட்டத்தில்
சென்னை கோல்கட்டா அணிகள் மோதுகின்றன.

இதில் டாஸ் வென்ற கோல்கட்டா அணி கேப்டன் தினேஷ் கார்த்திக்
முதலில் பவுலிங் செய்ய தீர்மானித்தார்.

சென்னை அணியில் ஆடும் லெவனில் எந்த மாற்றமும்
செய்யப்படவில்லை.
-
---------------------------
தினமலர்

எப்போதும் கூல் என்று அறியப்பட்ட தோனி
ஜட்டு என்ற ஜடேஜா, சுனில் நாராயண் கேட்சை
தவறவிட்டபோது கோபம் கொப்பளிக்கும்
தோனியின் முகம் முதல் முறையாக கண்டேன்.

ரமணியன்

-
வெயிட்டு வெயிட்டு வெயிட்டு எங்க தல தோனி வெயிட்டு
என நேற்றைய கிரிக்கெட் போட்டி குறித்து பிரபலங்கள்
பாராட்டி உள்ளனர்
-
தினத்தந்தி

ஐபிஎல் டி20 லீக் : சென்னை அணியை 6 விக்கெட்டுகள் வித்தியாசத்தில் வென்றது கொல்கத்தா ரைடர்ஸ்
-



கொல்கத்தா:
ஐபிஎல் டி 20 தொடரில் நேற்றைய போட்டியில் கொல்கத்தா
நைட் ரைடர்ஸ் அபாரமாக ஆடி சென்னை சூப்பர் கிங்ஸ்
அணியை 6 விக்கெட் வித்தியாசத்தில் வீழ்த்தியது.

கொல்கத்தா ஈடன் கார்டன் மைதானத்தில் நேற்று இரவு நடந்த
இப்போட்டியில் டாஸ் வென்ற கொல்கத்தா அணி கேப்டன்
தினேஷ் கார்த்திக் பீல்டிங் தேர்வு செய்தார். அந்த அணியில்
காயம் காரணமாக நிதிஷ் ராணாவுக்கு பதிலாக ரின்கு
சேர்க்கப்பட்டார்.

சிஎஸ்கே அணியில் எந்த மாற்றமும் செய்யப்படவில்லை.
அணியின் துவக்க வீரர்களாக வாட்சன், டுபிளெஸ்சி
களமிறங்கினர். இந்த ஜோடி அற்புதமான தொடக்கத்தை தந்தது.

இருவரும் பவுண்டரிகள் விளாச ரன் வேகம் அதிகரித்தது.
5.1 ஓவரில் 48 ரன் சேர்க்கப்பட்ட நிலையில் டுபிளெஸ்சி
(27 ரன், 15 பந்து) பியூஸ் சாவ்லா சுழலில் கிளீன் போல்டானார்.

அடுத்து வந்த ரெய்னா, ரன் வேகம் குறையாமல் பார்த்துக்
கொண்டார். இதனால், சிஎஸ்கே அணி 10 ஓவரில் 90 ரன்களை
சேர்த்தது. அடுத்த ஓவரில் வாட்சன் (36 ரன், 25 பந்து) நரைன்
சுழலில் ஆட்டமிழக்க, ரன் வேகம் சரியத் தொடங்கியது.

ரெய்னா (31 ரன், 26 பந்து) குல்தீப் சுழலில் நடையை கட்டினார்.
அடுத்து வந்த அம்பாதி ராயுடு தன் பங்குக்கு 21 ரன் (17 பந்து)
எடுத்து நரைன் சுழலில் கிளீன் போல்டானார்.

இதனால், 14.4 ஓவரில் 119 ரன்னுக்கு 4 விக்கெட் என தடுமாற்றம்
ஏற்பட்ட நிலையில், ஸ்கோரை உயர்த்த வேண்டிய பாரம்
கேப்டன் டோனி தலையில் விழுந்தது.

வழக்கம் போல் தொடக்கத்தில் நிதானமாக ஆடிய டோனி,
16வது ஓவரில் சிக்சருடன் விளாசலைத் தொடங்கினார். ஜான்சன்
வீசிய அடுத்த ஓவரில் அவர் 2 சிக்சருடன் 15 ரன் விளாசினார்.

ஆனாலும், மறுமுனையில் சரியான ஒத்துழைப்பு தராத ஜடேஜா
(13 ரன், 12 பந்து) கடைசி ஓவரில் ஆட்டமிழந்தார். 20 ஓவரில்
சிஎஸ்கே அணி 5 விக்கெட் இழப்புக்கு 177 ரன் சேர்த்தது.

டோனி 25 பந்தில் 43 ரன்னுடன் (4 சிக்சர், 1 பவுண்டரி)
ஆட்டமிழக்காமல் இருந்தார்.
-
------------------------------------

தொடர்ச்சி...
-


கொல்கத்தா அணியில் பியூஸ் சாவ்லா, நரைன் தலா
2 விக்கெட், குல்தீப் யாதவ் 1 விக்கெட் கைப்பற்றினர்.

அடுத்ததாக 178 ரன் எடுத்தால் வெற்றி என்ற இலக்குடன்
கொல்கத்தா அணி களமிறங்கியது.தொடக்க ஆட்டக்காரர் களாக
களமிறங்கிய லின்- நரேன் ஆகியோர் ஓரளவுக்கு நல்ல
தொடக்கத்தை தந்தனர்.

திடீரென விக்கெட்டுகள் மளமளவென சரிந்தது. ஒரு கட்டத்தில்
கொல்கத்தா நைட் ரைடர்ஸ் அணி ஒரு கட்டத்தில் மூன்று
விக்கெட்டுகள் இழந்து தள்ளாடிய நிலையில் சுப்மன்கில்லுடன்
ஜோடி சேர்ந்தார் கேப்டன் தினேஷ்கார்த்திக்.

இதன் பின்னர் சென்னை சூப்பர் கிங்க்ஸ் அணியால்
கொல்கத்தாவின் ரன் மழையை கட்டுப்படுத்தவே முடியவில்லை.
இறுதியில் தினேஷ்கார்த்திக் 18 பந்துகளில் 45 ரன் குவித்தார்.

சொந்த மைதானம் என்பதால் ெகால்கத்தா நைட் ரைடர்ஸ்
அணிக்கு உள்ளூர் ரசிகர்களின் ஆதரவு அதிகமாகவே இருந்தது.
இதில் 7 பவுண்டரி, ஒரு சிக்சர் அடங்கும். கில் 36 பந்துகளில்
இரண்டு சிக்சர், 4 பவுண்டரி உள்பட 57 ரன் குவித்து இறுதிவரை
அவுட்டாகாமல் இருந்தார். வெற்றிக்கான ரன்னை பவுண்டரியுடன்
முடித்தார் தினேஷ்.

இதனால் 17,4 ஓவர்களில் 6 விக்கெட் வித்தியாசத்தில் கேகேஆர்
வெற்றியை ருசித்தது. இதனால் புள்ளி பட்டியலில் சன்ரைசர்ஸ்
ஐதராபாத் முதலிடத்துக்கு முன்னேறியது. சிஎஸ்கே இரண்டாவது
இடத்திலும் கேகேஆர் மூன்றாவது இடத்திலும் உள்ளது.  

ஆட்ட நாயகனாக சுனில் நரேன் தேர்வு ெசய்யப்பட்டார்.
-
-----------------------------
தினத்தந்தி