'மனைவி பொருள் அல்ல!' சுப்ரீம் கோர்ட் கண்டனம்

**ayyasamy ram** · **ayyasamy ram** Mon Apr 09, 2018 5:45 am

புதுடில்லி :
'மனைவி, ஒரு பொருள் அல்ல; தன்னுடன் வாழும்படி,
மனைவியை கணவன் கட்டாயப்படுத்தக் கூடாது' என,
உச்ச நீதிமன்றம் கூறியுள்ளது.

தனக்கு விருப்பம் இல்லாத நிலையில், தன் கணவர்,
தன்னுடன் வாழும்படி கட்டாயப்படுத்துவதாகவும்,
கொடுமைப்படுத்துவதாகவும், கணவருக்கு எதிராக
மனைவி தொடர்ந்த வழக்கு, உச்ச நீதிமன்ற நீதிபதிகள்,
மதன் பி.லோகுர், தீபக் குப்தா அடங்கிய அமர்வு முன்,
விசாரணைக்கு வந்தது.

இந்த வழக்கை விசாரித்த நீதிபதிகள் கூறியதாவது:

மனைவி, ஒரு பொருள் அல்ல; மனைவிக்கு சேர்ந்து
வாழ விருப்பம் இல்லை எனில், கணவன் நிர்ப்பந்திக்கக்
கூடாது. விருப்பம் இல்லாத பட்சத்தில், மனைவியை,
தன்னுடன் சேர்ந்து வாழ வேண்டும் என, எப்படி
கட்டாயப்படுத்த முடியும்?

கணவருடன் சேர்ந்து வாழ முடியாது என்பதில், மனைவி
உறுதியாக உள்ளார். எனவே, இந்த வழக்கில் தொடர்புடைய
நபர், தன் முடிவை மறுபரிசீலனை செய்ய வேண்டும்.
இவ்வாறு நீதிபதிகள் கூறினர்.

இதையடுத்து, வழக்கில் தொடர்புடைய கணவரிடம்,
நீதிபதிகளின் கருத்தை எடுத்துக் கூறுவதாக, அவரது
வழக்கறிஞர்கள் தெரிவித்தனர்.

இதற்கிடையே, தன் கணவர் கொடுமைப்படுத்துவதால்,
அவரை விவாகரத்து செய்ய விரும்புவதாக, மனைவியின்
வழக்கறிஞர்கள், நீதிமன்றத்தில் தெரிவித்தனர்.

இந்த வழக்கு விசாரணை, ஆக., 8க்கு தள்ளி
வைக்கப்பட்டுள்ளது.
-
-------------------------------------------
தினமலர்

SK · SK Mon Apr 09, 2018 10:26 am

எங்களுக்கு பிடிக்காத முதல்வர் மற்றும் பிரதமரை என்ன என்ன செய்ய முடியும்

**M.Jagadeesan** · **M.Jagadeesan** Mon Apr 09, 2018 11:20 am

மனைவியைப் " பிறன்பொருள் " என்பார் வள்ளுவர்.

பிறன்பொருளான் பெட்டொழுகும் பேதைமை ஞாலத்து
அறம்பொருள் கண்டார்கண் இல் .

என்பது ஐயனின் வாக்கு .

தாம் பெற்ற குழைந்தைகளைத் " தம்பொருள் " என்பார் வள்ளுவர் .

தம்பொருள் என்பதம் மக்கள் அவர்பொருள்
தம்தம் வினையான் வரும் ,

என்பார் .

**T.N.Balasubramanian** · **T.N.Balasubramanian** Mon Apr 09, 2018 4:40 pm

M Jagadeesan wrote:மனைவியைப் " பிறன்பொருள் " என்பார் வள்ளுவர்.

வீட்டில் குழந்தை பிறந்த செய்தியை தகப்பனார் வெளியிடும் போது,
நண்பர்கள், "உனக்கு பிறந்ததா அல்லது ஊரானுக்கு பிறந்ததா " என விளையாட்டாக கேட்பார்கள்.ஊரானுக்கு பிறந்தது என்றால் பெண் குழந்தை என அர்த்தம். ஒரு நாள் மணம் முடித்து, வேறொருவர் வீடு போக கூடியவர் என அர்த்தமும்,தனக்கு பிறந்தது என்றால், ஆண் குழந்தை என்று பிற்காலத்தில் தன்னை பார்த்துக் கொள்ள பிறந்தது என அர்த்தம் ஆகுமாம் .

ரமணியன்

Sponsored content · Sponsored content

'மனைவி பொருள் அல்ல!' சுப்ரீம் கோர்ட் கண்டனம்

'மனைவி பொருள் அல்ல!' சுப்ரீம் கோர்ட் கண்டனம்

Re: 'மனைவி பொருள் அல்ல!' சுப்ரீம் கோர்ட் கண்டனம்

Re: 'மனைவி பொருள் அல்ல!' சுப்ரீம் கோர்ட் கண்டனம்

Re: 'மனைவி பொருள் அல்ல!' சுப்ரீம் கோர்ட் கண்டனம்

Re: 'மனைவி பொருள் அல்ல!' சுப்ரீம் கோர்ட் கண்டனம்

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக