அண்ணா பல்கலை., துணைவேந்தராக சூரப்பா நியமனம்

by **ayyasamy ram** Fri Apr 06, 2018 7:58 am

சென்னை :
அண்ணா பல்கலைக்கழக துணைவேந்தராக எம்.கே.சூரப்பாவை
நியமனம் செய்து கவர்னர் பன்வாரிலால் உத்தரவிட்டுள்ளார்.
3 ஆண்டுகளுக்கு சூரப்பா இப்பதவியில் இருப்பார்.

அண்ணா பல்கலை துணைவேந்தர் பதவி, 2016 மே முதல்
காலியாக உள்ளது. புதிய துணைவேந்தரை தேர்வு செய்ய,
மூன்று முறை தேடல் குழுக்கள் அமைக்கப்பட்டு,
துணைவேந்தர் தேர்வு பணிகள் நடந்து வந்தன.

இந்நிலையில் அண்ணா பல்கலைக்கழக துணை வேந்தராக
எம்.கே.சூரப்பா நியமனம் செய்யப்பட்டுள்ளார். இதற்கான
உத்தரவை கவர்னர் பன்வாரிலால் புரோஹித் பிறப்பித்துள்ளார்.

3 ஆண்டுகளுக்கு துணை வேந்தராக அவர் பதவியில் இருப்பார்.
சூரப்பா, இந்திய அறிவியல் மையத்தில் பேராசிரியராக
24 ஆண்டுகளும், ஐ.ஐ.டி., இயக்குனராக 6 ஆண்டுகளும்
பணியாற்றியவர்
-
-----------------------------------
தினமலர்

by **ayyasamy ram** Fri Apr 06, 2018 8:11 am

கர்நாடகாவை சேர்ந்த பேராசிரியரை,
நேர்முக தேர்வுக்கு அழைத்ததும், அவரை, துணை வேந்தராக
நியமித்ததும், திடீர் சர்ச்சையை ஏற்படுத்தி உள்ளது.

காவிரி போராட்டம் தீவிரமடைந்துள்ள நேரத்தில், தமிழகத்தை
சேர்ந்த முக்கியமான பல்கலையின், துணை வேந்தர் பதவிக்கு,
பெங்களூருவை சேர்ந்த பேராசிரியர், எம்.கே.சூரப்பா பெயரை
பரிந்துரைக்கலாமா என,பா.ம.க., உள்ளிட்டசில கட்சிகள்,
போர்க்கொடி துாக்கி உள்ளன.
-
தினமலர்

by **ayyasamy ram** Fri Apr 06, 2018 10:52 am

சென்னை :
அண்ணாபல்கலைக்கழக துணைவேந்தராக கர்நாடகாவை
சேர்ந்த சூரப்பா நியமிக்கப்பட்டதற்கு வைகோ கண்டனம்
தெரிவித்துள்ளார்.

தமிழகத்தில் போராட்டம் நடப்பதை பயன்படுத்தி நியமிக்கப்பட்ட
சூரப்பாவை திரும்பப்பெற அவர் வலியுறுத்தியுள்ளார்.
தமிழகத்தில் உள்ள பல்கலைக்கழகங்களுக்கு தமிழக
கல்வியாளர்களையே துணைவேந்தராக நியமிக்க வேண்டும்
வைகோ கூறியுள்ளார்.
-
தினகரன்

by **M.Jagadeesan** Fri Apr 06, 2018 12:54 pm

சூரப்பா வேண்டுமென யாரப்பா கேட்டார்கள்
பாரப்பா மோடியின் சூது .

by **T.N.Balasubramanian** Fri Apr 06, 2018 1:00 pm

துணைவேந்தர்கள் எல்லாம் துணைவேந்தர்களாக
இருந்திருந்தால் இது நடந்திருக்குமா?
படிப்பு தொழிலுக்கே களங்கம் விளைவிக்கும் கழிசடைகள்
இருந்தால் இதுவும் நடக்கும். அதற்கு மேலும் நடக்கும்.
ஒரு மாதத்திற்கு முன் ஊரே அல்லோகலப்பட்டதே .

ரமணியன்

by **M.Jagadeesan** Fri Apr 06, 2018 2:04 pm

நாம் பெற்ற பிள்ளைகளில் ஒன்று தறுதலையானால் , மற்றோர் பிள்ளையிடம் வீட்டை நிர்வாகம் செய்யும் பொறுப்பை ஒப்படைக்கலாம் . அதை விடுத்து நம்மிடம் வம்பு செய்யும் , எதிர் வீட்டுக்காரனுடைய பிள்ளையிடம் , நம் வீட்டு சாவியை ஒப்படைக்கலாமா ?

M.Jagadeesan wrote:சூரப்பா வேண்டுமென யாரப்பா கேட்டார்கள்
பாரப்பா மோடியின் சூது .

மேற்கோள் செய்த பதிவு: 1265365
இடுக்கன் வருங்கால் நகுக.
வேற என்ன செய்ய அடித்து கொண்டே இருக்க போகிறார்கள் நாம் சிரித்துக் கொண்டே
ஏற்றுக் கொள்வோம்.

by Guest Fri Apr 06, 2018 7:25 pm

தமிழன் சினிமா நடிகர்கள்/சாமியார்கள்/டாஸ்மாக் என போய் போராட்டங்களை கொச்சைப் படுத்தினால் எல்லாம் நடக்கும். முக நூலில் கடைக்காரர் என்ற பெயரில் கடைக்காரர் அல்லாத ஒருவர் விமர்சனம் செய்கிறார்.(ஒரிஜினல் FBபோஸ்ட்)

உடல் தன்னைக் காக்க போராடுகிறது,மனிதன் உடல் நோயை காக்க போராடுகிறான்,மனிதனைக் காக்க மருத்துவன் போராடுகிறான்.ஒரு நாள் கடையை மூடி ஓராயிரம் உன் சந்ததியைக் காக்க மாடடாயா? அரசியல்வாதிக்காக போராடாதே உனக்காகப் போராடு.தூற்றுபவனுக்காகவும் போராடு.போராடாதவன் பிணம்.

by **ராஜா** Fri Apr 06, 2018 9:47 pm

தமிழக மக்களை செருப்பால் அடிப்பது போல செயல்பட்டுள்ளனர்(இவரின் தகுதிக்கீடான ஒரு தமிழக கல்வியாளர் கூடவா இல்லை ?!) , இதற்கெல்லாம் எப்போ விடிவுகாலம் வருமோ தெரியவில்லை.

by **M.Jagadeesan** Fri Apr 06, 2018 10:02 pm

யாரைச் சொல்லி என்ன பயன் ?

சூடு சொரணையற்ற ஜென்மங்கள் கையில் அதிகாரம் சிக்கிக்கொண்டு தவிக்கிறது . எந்தப் பதவிக்கு யாரைப் போட்டாலும் இவர்களுக்குக் கவலையில்லை . பதவி இருந்தால்போதும் என்று இருக்கிறார்கள் .