சிஎஸ்கே போட்டியை பார்க்க யாரும் போகாதீங்க: பிரபல இசையமைப்பாளர் வேண்டுகோள்

காவிரி பிரச்சனை தமிழகம் முழுவதும் பற்றி எரிந்து கொண்டிருக்கும் நிலையில் இந்த பிரச்சனை ஐந்து பைசா செலவில்லாமல் எந்த வித போராட்டமும் இன்றி ஒரே ஒரு சின்ன தியாகத்தின் மூலம் உலகின் கவனத்திற்கு ஒரே நாளில் கொண்டு செல்லலாம் என பிரபல இசையமைப்பாளர் ஜேம்ஸ் வசந்தன் கூறியுள்ளார். இதுகுறித்து அவர் தனது பிளாக்கில் கூறியுள்ளதாவது:
காவிரிப் பிரச்சனையில் நம் ஒற்றுமையை, எதிர்ப்புகளை பல விதங்களில், பல வழிகளில் காட்டிவருகிறோம். நான் ஒன்று சொல்கிறேன். சிலருக்கு சங்கடமாக இருக்கலாம். சிந்தித்து தீர்மானியுங்கள்.
ஏப்ரல் 10-ம் தேதி CSK-வின் முதல் மேட்ச் . 50,000 கொள்ளளவு கொண்ட இந்த சேப்பாக்கம் ஸ்டேடியம் காலியாகத் தெரிந்தால் சர்வதேச கவனத்தை ஈர்க்கலாம். இந்தப் போட்டியை உலகம் முழுக்க டி.வி.யில் காண்பவர்களுக்குக் காரணம் தெரியவரும். நம் போராட்ட நோக்கம் ஒரே நாளில் எல்லா இடங்களுக்கும் காசு செலவில்லாமல் – ஒரு சின்ன தியாகத்தால், சென்று சேர்ந்துவிடும்.

ஒவ்வொரு வருடமும் ஜூன் மாதம் 12-ம் தேதி மேட்டூர் அணை திறக்கப்படும். இன்னும் 2 மாதங்களே இருக்கின்றன. இருக்கிற அரசியல் சூழ்நிலையில் (நீர் அளவை வைத்துத் திறந்த காலங்கள் போய்விட்டன) திறக்கப்படுமா, இந்தப் பிரச்சனை சுமுகமாக தீருமா, சுயநல அரசியல்வாதிப் பேய்கள் இதைத் தீர்க்கவிடுவார்களா என்பதெல்லாம் கேள்விக்குறியாகிப் போனபின்பு, இது மக்கள் பிரச்சனை, நம் பிரச்சனையாகி விட்டது. நாம்தான் இதைக் கையிலெடுத்துப் போராடி, அவர்களை இதற்கு தீர்வுகாண நிந்திக்க வேண்டும்.
ஜல்லிக்கட்டுப் போராட்டம் நமக்கு முன்மாதிரி.. உத்வேகம்!
இந்த ஒரே ஒரு போட்டியை ஸ்டேடியத்துக்குச் சென்று காணாமல் இந்த வாழ்வுப் போராட்டத்தை வலுப்படுத்துவோம் என்றுதான் ஆலோசனை சொல்கிறேன்.
இது ஏதோ விவசாயிகளின் பிரச்சனை என நினைத்துவிடவேண்டாம். நம் அன்றாட வாழ்வின் உணவுப் பிரச்சனை. உணவு உற்பத்தியைப் பாதிக்கிறப் பிரச்சனை. அரிசி சாதத்தை நம்பி வாழ்ந்து கொண்டிருக்கிற தமிழ்நாட்டின் தலையாயப் பிரச்சனை!
இது தமிழர்களின் பிரச்சனை என்று இந்தத் தமிழ்நாட்டில் வாழ்ந்துகொண்டிருக்கிற பிறமொழியினர் தவறாகப் புரிந்துகொள்ள வேண்டாம். நீங்களும் இதில் ஒத்துழைக்க வேண்டும். இது மொழிப்பிரச்சனை அல்ல.. வாழ்வுப் பிரச்சனை! உங்கள் உணவையும் சேர்த்துத் தயாரிக்கிற அந்த விளைநிலங்களின் உயிர்ப்பிரச்சனை! போதிய நீர் இல்லாமல் இது உணவு உற்பத்தியைப் பாதிக்கும். அது வாழ்வாதாரத்தையும், கூடவே ஒட்டுமொத்த பொருளாதாரத்தையும் பாதிக்கும்.. உங்கள் தொழில்கள் உட்பட!
அந்த ஒரு நாள் ஸ்டேடியத்திற்கு செல்லவேண்டாம் என்பதுதான் வேண்டுகோள். வீட்டில் அமர்ந்து பாருங்கள். ஒரு 50,000 பேர் மட்டுமே செய்வது இந்தத் தியாகம். ஆனால் 7 கோடி பேருக்கு உதவும் என்பதை மறந்துவிடாதீர்கள்.
இதனால் மற்ற யாருக்கும் எந்தத் தொல்லையோ, நஷ்டமோ இல்லை என்பதையும் நினைவூட்டுகிறேன். நமது நட்சத்திர வீரர்களுக்கு அவர்களுடைய ஊதியத் தொகையில் எந்த பாதிப்போ, தொலைக்காட்சி வருமானத்திற்கோ, CSK-க்கு இழிவோ (மாறாக, அவர்களும் இதை மனதார ஆதரிப்பார்கள்) எதுவும் கிடையாது.
ஒட்டுமொத்த இந்தியாவின், மத்திய அரசின், உலக அரங்கின், நீதியரசர்களின் கவனத்தையும் இந்த ஒரே நாளில் ஈர்க்கலாம்.
ஜேம்ஸ் வசந்தனின் இந்த வேண்டுகோளை நமது சென்னை இளைஞர்கள் மனது வைத்தால் நிறைவேற்றலாம். செய்வார்களா?
நன்றி
வெப்துனியா

போட்டியை பார்க்க போய்
பேண்ட் ஸ்டெரிலைட்
பேண்ட் நியூட்ரினோ
பேண்ட் மீத்தேன்
பெங்களூரு கிவ் காவேரி
போன்ற வாசகங்களை காட்டினாள் கூட கவனத்தை ஈர்க்கலாம்

SK wrote:போட்டியை பார்க்க போய்
பேண்ட் ஸ்டெரிலைட்
பேண்ட் நியூட்ரினோ
பேண்ட் மீத்தேன்
பெங்களூரு கிவ் காவேரி
போன்ற வாசகங்களை காட்டினாள் கூட கவனத்தை ஈர்க்கலாம்

மேற்கோள் செய்த பதிவு: 1265058
அருமையான யோசனை அண்ணா .. ஏற்கனவே டிக்கெட்கள் அனைத்தும் விற்று தீர்ந்துவிட்டன என நினைக்கிறேன்... அமைதியான முறையில் பதாகைகளில் வாசகங்களை எழுதி நம் கருத்தை தெரிவிக்கலாம் ... மைதானத்திற்கும் ஆட்டத்திற்கும் கேடு விளைவிக்காமல்...தமிழ்நாடு கிரிக்கெட் ரசிகர்களின் மானமும் இதில் உள்ளது ...

ரா.ரமேஷ்குமார் wrote:அருமையான யோசனை அண்ணா .. ஏற்கனவே டிக்கெட்கள் அனைத்தும் விற்று தீர்ந்துவிட்டன என நினைக்கிறேன்... அமைதியான முறையில் பதாகைகளில் வாசகங்களை எழுதி நம் கருத்தை தெரிவிக்கலாம் ... மைதானத்திற்கும் ஆட்டத்திற்கும் கேடு விளைவிக்காமல்...தமிழ்நாடு கிரிக்கெட் ரசிகர்களின் மானமும் இதில் உள்ளது ...

அதெல்லாம் முழுமையா சோதனை செய்து தான் உள்ளேயே விடுவார்கள் , இந்த விஷயத்தில் நம்ம காவல்துறை சிறப்பா செயல்படும்

IPL தற்போது உலகம் முழுவதும் பார்க்கும் ஒரு விளையாட்டு தொடராக ஆகிவிட்டது , அதனால் பெருமளவில் மைதானத்திற்கு வெளியில் கூடி அறவழி போராட்டம் நடத்தினால் கண்டிப்பாக போட்டியை ஒளிபரப்பும் தொலைக்காட்ச்சி அவர்களின் TRP க்காக காட்டுவார்கள்

ராஜா wrote:

ரா.ரமேஷ்குமார் wrote:அருமையான யோசனை அண்ணா .. ஏற்கனவே டிக்கெட்கள் அனைத்தும் விற்று தீர்ந்துவிட்டன என நினைக்கிறேன்... அமைதியான முறையில் பதாகைகளில் வாசகங்களை எழுதி நம் கருத்தை தெரிவிக்கலாம் ... மைதானத்திற்கும் ஆட்டத்திற்கும் கேடு விளைவிக்காமல்...தமிழ்நாடு கிரிக்கெட் ரசிகர்களின் மானமும் இதில் உள்ளது ...

அதெல்லாம் முழுமையா சோதனை செய்து தான் உள்ளேயே விடுவார்கள் , இந்த விஷயத்தில் நம்ம காவல்துறை சிறப்பா செயல்படும்

IPL தற்போது உலகம் முழுவதும் பார்க்கும் ஒரு விளையாட்டு தொடராக ஆகிவிட்டது , அதனால் பெருமளவில் மைதானத்திற்கு வெளியில் கூடி அறவழி போராட்டம் நடத்தினால் கண்டிப்பாக போட்டியை ஒளிபரப்பும் தொலைக்காட்ச்சி அவர்களின் TRP க்காக காட்டுவார்கள்

மேற்கோள் செய்த பதிவு: 1265158
எப்படியாவது காவிரி மேலாண்மை
வாரியம் அமையும் வரை எதையாவது
செய்ய வேண்டிய சூழ்நிலை

ராஜா wrote:
அதெல்லாம் முழுமையா சோதனை செய்து தான் உள்ளேயே விடுவார்கள் , இந்த விஷயத்தில் நம்ம காவல்துறை சிறப்பா செயல்படும்

IPL தற்போது உலகம் முழுவதும் பார்க்கும் ஒரு விளையாட்டு தொடராக ஆகிவிட்டது , அதனால் பெருமளவில் மைதானத்திற்கு வெளியில் கூடி அறவழி போராட்டம் நடத்தினால் கண்டிப்பாக போட்டியை ஒளிபரப்பும் தொலைக்காட்ச்சி அவர்களின் TRP க்காக காட்டுவார்கள்

மேற்கோள் செய்த பதிவு: 1265158

நம் மண்ணின் மைந்தர்கள் நிச்சயம் சேப்பாக்கத்தில் உலகத்தை தன்பக்கம் ஈர்ப்பார்கள்