பொய் செய்தி உத்தரவு அதிரடி வாபஸ்

**ayyasamy ram** · **ayyasamy ram** Tue Apr 03, 2018 4:57 pm

மத்திய தகவல் மற்றும் ஒலிபரப்பு துறை அமைச்சராக
ஸ்மிருதி இரானி உள்ளார். இந்த அமைச்சகம் சார்பில்
நேற்று ஒரு உத்தரவு வெளியானது.

அதில், ' பத்திரிகை அல்லது 'டிவி' சேனலில் வெளியாகும்
பொய் செய்திக்கு காரணமான பத்திரிகையாளரின்
அங்கீகாரம் நிரந்தரமாக ரத்து செய்யப்படும்.

முதல் முறையாக இந்த தவறை செய்யும் பத்திரிகையாளரின்
அங்கீகாரம் ஆறு மாதத்திற்கு முடக்கி வைக்கப்படும்.

இரண்டாவது முறையாக தவறு செய்பவரின் அங்கீகாரம்
ஒரு ஆண்டுக்கு முடக்கி வைக்கப்படும்.

மூன்றாவது முறையாக தவறு செய்தால், நிரந்தரமாக
ரத்து செய்யப்படும்' என கூறப்பட்டு இருந்தது.

இந்த உத்தரவுக்கு நாடு முழுவதும் உள்ள
பத்திரிகையாளர்கள், காங்கிரஸ் மற்றும் இடது சாரி
கட்சியினர் கடும் எதிர்ப்பு தெரிவித்தனர். பத்திரிகை
சுதந்திரத்தை முடக்கும் முயற்சி இது என்று சுட்டிக் காட்டினர்.

பிரதமர் தலையீடு

இந்த சூழ்நிலையில், மத்திய அமைச்சகத்தால் புதிய உத்தரவு
வாபஸ் பெறப்பட்டுள்ளது. இந்த விஷயத்தில் பிரதமர் மோடி
தலையிட்ட பிறகு இந்த நடவடிக்கை எடுக்கப்பட்டுள்ளது.

பொய் செய்தி தொடர்பான விஷயங்களை, பிரஸ் கவுன்சில்
ஆப் இந்தியா மட்டுமே கவனிக்க வேண்டும் என பிரதமர்
அறிவுறுத்தியுள்ளார்.
-
------------------------------------------------
தினமலர்