தென் கொரிய நாட்டின் ‘பதாரோ’ காவல்படை கப்பல் சென்னை வந்தது : இந்திய வீரர்கள், மாணவர்கள் உற்சாக வரவேற்பு

**ayyasamy ram** · **ayyasamy ram** Tue Apr 03, 2018 12:21 pm

-
சென்னை:
இந்தியா-தென் கொரியா நாடுகளுக்கிடையே நல்லுறவை
மேம்படுத்தும் வகையிலும், கடல் பாதுகாப்பு பணியில்
தங்கள் திறமையை மேலும் வலுப்படுத்தும் வகையிலும்
சென்னையில் கூட்டு பயிற்சி நடக்கிறது.

இதற்காக தென் கொரிய நாட்டின் கடலோர காவல்
படையினர், அந்நாட்டின் ‘பதாரோ’ என்ற கடலோர
காவல்படை கப்பலில் இன்று காலை சென்னை வந்தனர்.

இந்திய கடலோர காவல்படை கிழக்கு மண்டலம் சார்பில்,
தென்கொரியா வீரர்களுக்கு, இந்திய கடலோர காவல்படை
கிழக்கு மண்டல அதிகாரிகள் மற்றும் பள்ளி மாணவர்கள்,
கையசைத்து புன்னகையுடன் உற்சாக வரவேற்பு அளித்தனர்.

தென்கொரிய கடலோர காவல்படை கண்காணிப்பாளர்
தாயேக் தலைமையில் 88 வீரர்கள் பதாரோ கப்பலில்
சென்னை வந்துள்ளனர். இவர்கள் வரும் 5ம் தேதி வரை
சென்னையில் தங்கியிருந்து பல்வேறு நிகழ்ச்சிகளில்
ஈடுபடுகின்றனர்.

முதலில் நட்பு ரீதியாக, நம் நாட்டு வீரர்களுடன் இணைந்து
வாலிபால் போட்டி விளையாடுகிறார்கள். அதை தொடர்ந்து
பல்வேறு கலாச்சார நிகழ்ச்சியில் கலந்து கொள்கிறார்கள்.

இறுதியாக வரும் 5ம் தேதி வங்க கடலில், இந்திய வீரர்களுடன்
இணைந்து தென்கொரிய கடலோர காவல்படையினர்
கூட்டுப்பயிற்சி செய்கின்றனர்.

அப்போது, கடல் பாதுகாப்பு, கடல்சார் சட்ட விதிமுறைகள்,
மீட்பு பணிகள், கடற்கொள்ளையர்களை கண்காணிப்பது
உள்ளிட்டவை குறித்து இரு நாட்டு வீரர்களும்
ஒருவருக்கொருவர் தகவல் பரிமாற்றம் செய்வார்கள்.

அந்த நாட்டின் பாதுகாப்பு பணிகள் குறித்தும் கேட்டறிந்து
கொள்வார்கள்.
-
-------------------------------
தினகரன்

தென் கொரிய நாட்டின் ‘பதாரோ’ காவல்படை கப்பல் சென்னை வந்தது : இந்திய வீரர்கள், மாணவர்கள் உற்சாக வரவேற்பு

தென் கொரிய நாட்டின் ‘பதாரோ’ காவல்படை கப்பல் சென்னை வந்தது : இந்திய வீரர்கள், மாணவர்கள் உற்சாக வரவேற்பு

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக