‘ஐஎன்எஸ் விக்ரமாதித்யா’ விமானம் தாங்கி கப்பலை அதிக விலைக்கு வாங்கியதற்கான காரணத்தை வெளியிட முடியாது: உயர் நீதிமன்றத்தில் மத்திய அரசு பதில்

புதுடெல்லி
: ‘ரஷ்யாவிடம் இருந்து ‘ஐஎன்எஸ் விக்ரமாதித்யா’ விமானம்
தாங்கி கப்பலுக்கு அதிக விலை கொடுத்து வாங்கியதற்கான
காரணத்தை தேசிய பாதுகாப்பு நலன் கருதி வெளியிட முடியாது’
என்று டெல்லி உயர் நீதிமன்றத்தில் மத்திய அரசு தெரிவித்துள்ளது.

ரஷ்யா பயன்படுத்தி வந்த ‘அட்மிரல் கோர்ஷ்கோவ்’ என்ற
விமானம் தாங்கி கப்பல் 30 ஆண்டுகள் பயன்படுத்தப்பட்ட
பிறகு, கடந்த 1996ல் ஓய்வு அளிக்கப்பட்டது.

இந்த கப்பலை வாங்குவதற்காக 2004ம் ஆண்டு ரஷ்யாவுடன்
இந்தியா ஒப்பந்தம் செய்தது. அப்போது, அதற்கு ரூ.5 ஆயிரம்
கோடி விலை நிர்ணயிக்கப்பட்டது.

ஆனால், 2010ல் இதன் விலையை ரஷ்யா ரூ.14,480 கோடியாக
உயர்த்தியது. இதை ஏற்றுக் கொண்ட இந்தியா, அந்த பணத்தை
செலுத்தி அதிநவீனமாக புதுப்பிக்கப்பட்ட கப்பலை
வாங்கியது.

இப்போது, ‘ஐஎன்எஸ் விக்ரமாதித்யா’ என்ற பெயரில்
இக்கப்பல் அதிநவீன வதிகளுடன் பயன்படுத்தப்பட்டு வருகிறது.

இந்நிலையில், இவ்வளவு விலை கொடுத்து கப்பலை
வாங்கியதற்கான காரணத்தை கேட்டு, சமூக ஆர்வலர்
சுபாஷ் அகர்வால் என்பவர் தகவல் உரிமை சட்டத்தின் கீழ்
கடந்தாண்டு கேட்டு விண்ணப்பித்தார்.

இதை விசாரித்த மத்திய தகவல் ஆணையம், அவர் கேட்ட
தகவல்களை வழங்கும்படி பாதுகாப்பு அமைச்சகத்துக்கு
உத்தரவிட்டது. ஆனால், அந்த தகவல்கள் ரகசியமானது என்றும்,
அதை வெளியிட முடியாது என்றும் பாதுகாப்பு அமைச்சகம்
பதில் அளித்தது.

இதை எதிர்த்து டெல்லி உயர் நீதிமன்றத்தில் சுபாஷ் அகர்வால்
வழக்கு தொடர்ந்துள்ளார். இவ்வழக்கில் மத்திய அரசு தாக்கல்
செய்துள்ள பதில் மனுவில், ‘கப்பல் புதுப்பிக்கப்பட்ட போது
அதில் பொருத்தப்பட்ட ஆயுதங்கள் உள்ளிட்ட அதிநவீன வசதிகள்
பற்றிய ரகசியத்தை வெளியிடக் கூடாது என ரஷ்யா நிபந்தனை
விதித்துள்ளது.

இது தொடர்பாக இருநாட்டு அரசுக்கும் இடையே ஒப்பந்தமும்
செய்யப்பட்டுள்ளது’ என்று கூறப்பட்டுள்ளது.

இந்த வழக்கை வரும் 5ம் தேதிக்கு உயர் நீதிமன்றம் ஒத்தி
வைத்துள்ளது. அன்றைய தினம் நேரில் ஆஜராகும்படி
அகர்வாலுக்கு நீதிமன்றம் உத்தரவிட்டுள்ளது.
-
-------------------------------------
தினகரன்

_________________

சொன்னால் தான் அதிசயம்

இதை விசாரித்த மத்திய தகவல் ஆணையம், அவர் கேட்ட தகவல்களை வழங்கும்படி பாதுகாப்பு அமைச்சகத்துக்கு உத்தரவிட்டது. ஆனால், அந்த தகவல்கள் ரகசியமானது என்றும்,அதை வெளியிட முடியாது என்றும் பாதுகாப்பு அமைச்சகம் பதில் அளித்தது

சரியான பதில் போல தான் தோன்றுகிறது ... ஊழல் செய்யாமல் இருந்தால் சரி ...