மூன்று மாவட்டங்களில் சதம் அடித்தது வெயில்

**ayyasamy ram** · **ayyasamy ram** Sat Mar 31, 2018 7:53 am

-
தமிழகத்தில், கோடைகாலம் துவங்கியுள்ள நிலையில்,
மூன்று மாவட்டங்களில் வெயிலின் அளவு, 100 டிகிரி பாரன்ஹீட்,
அதாவது, 37.7 டிகிரி செல்ஷியசை தாண்டியது.

நாடு முழுவதும், பருவமழை மற்றும் பனிக்காலம்,
ஒரு மாதத்திற்கு முன் முடிந்து, தற்போது, கோடைக்கால
வெப்பம் தீவிரமாகி உள்ளது. வழக்கத்தை விட, இந்த ஆண்டு,
3 டிகிரி செல்ஷியஸ் வரை, வெப்பநிலை அதிகரிக்கும் என,
வானிலை ஆய்வாளர்கள் கணித்துள்ளனர்.

கடந்த வாரம் வரை ஆங்காங்கே, லேசான மழை பெய்த நிலையில்,
சில தினங்களாக, வெயில் வாட்டத் துவங்கியுள்ளது.

கடலோர மாவட்டங்களில் மட்டும், காலை மற்றும் மாலை
நேரங்களில், கடற்காற்று வீசுகிறது. மற்ற மாவட்டங்களில், காலை
முதல் இரவு வரை, தொடர்ந்து உஷ்ணம் நிலவுகிறது.

நேற்று காலையுடன் முடிவடைந்த, 24 மணி நேரத்தில், மாநிலம்
முழுவதுமான வானிலை அளவில், திருச்சி, மதுரை மற்றும் கரூர்
மாவட்டங்களில், 39 டிகிரி செல்ஷியஸ் வெப்பம் நிலவியது.

இது, பாரன்ஹீட்டில், 102.2 டிகிரி. தமிழகத்தில் அதிகபட்சமாக,
இந்த மூன்று மாவட்டங்களில் வெயில் திடீரென அதிகரித்து உள்ளது.

அடுத்த நிலையில், சென்னை, கோவை, தர்மபுரி, பாளையங்கோட்டை,
சேலம், தஞ்சாவூர், திருத்தணி மற்றும் வேலுாரில், 37 டிகிரி செல்ஷியஸ்
வெப்பம் நிலவியது.

இது, பாரன்ஹீட்டில், 98.6 டிகிரி. 'அடுத்த, 24 மணி நேரத்தில், உள்
மாவட்டங்களின் சில இடங்களில் இன்று, லேசான மழைக்கு
வாய்ப்புள்ளது' என, வானிலை ஆய்வு மையம் தெரிவித்துள்ளது.

சென்னையில், அதிகபட்சம், 35 மற்றும் குறைந்தபட்சம், 27 டிகிரி
செல்ஷியஸ் வெப்பம் நிலவும் என, கணிக்கப்பட்டுள்ளது.

- நமது நிருபர் -
தினமலர்

மூன்று மாவட்டங்களில் சதம் அடித்தது வெயில்

மூன்று மாவட்டங்களில் சதம் அடித்தது வெயில்

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக