திருச்சி: போக்குவரத்து அதிகாரி வீட்டில் 223 சவரன் நகை பறிமுதல்

**ayyasamy ram** · **ayyasamy ram** Sun 25 Mar 2018 - 3:32

திருச்சி;
திருச்சியில் உள்ள அரசு போக்குவரத்துறை இணை ஆணையர்
வீட்டில், இன்று லஞ்ச ஒழிப்பு போலீசார் திடீர் சோதனை நடத்தினர்.

சென்னை, எழிலகத்தில் உள்ள தமிழ்நாடு அரசு போக்குவரத்து துறை
அலுவலகத்தில், நிர்வாகப்பிரிவில் இணை ஆணையராக பணிபுரிபவர்
முருகானந்தம்.

திருச்சி, மன்னார்புரத்தில் உள்ள இவரது வீட்டில், இன்று மாலை,
இன்ஸ்பெக்டர் சேவியர் தலைமையிலான லஞ்ச ஒழிப்பு போலீசார்
அதிரடி சோதனை நடத்தினர்.

சோதனை நடந்த போது, இணை ஆணையர் முருகானந்தம் வீட்டில்
இல்லை.

பதவியை பயன்படுத்தி, பல வழிகளில் பணம் வாங்கி, அதிக அளவில்
சொத்துக்கள் வாங்கியிருப்பதாக வந்த புகார்களின் அடிப்படையில்,
முருகானந்தம், அவரது மனைவி லீலாவதி ஆகியோர் மீது லஞ்ச
ஒழிப்பு போலீசார் வழக்கு பதிவு செய்துள்ளனர்.

தொடர்ந்து, கரூர் மாவட்டம், அரவக்குறிச்சியில் உள்ள
முருகானந்தத்தின் பூர்வீக வீடு, திருச்சி, மன்னார்புரத்தில் உள்ள வீடு
மற்றும் கோவையில் உள்ள கல்லூரியில் படிக்கும் இவரது மகன் த
ங்கியுள்ள வீட்டிலும், இன்று லஞ்ச ஒழிப்பு போலீசார் சோதனை
நடத்தியுள்ளனர்.

இதில், திருச்சி மன்னார்புரத்தில் உள்ள வீட்டில், 223 பவுன் நகை,
90 ஆயிரம் ரூபாய் ஆகியவை இருந்துள்ளது. லஞ்ச ஒழிப்பு போலீசார்,
அவற்றை பட்டிலிட்டு, ஆவணங்களை சரிபார்த்து வருகின்றனர்.
மாலை 4:30 மணிக்கு துவங்கிய சோதனை, இரவு, 8 மணி வரை
நீடித்தது.
-
----------------------------------------
தினமலர்