தமிழக அரசு பொதுக்கணக்காளர் அலுவலகத்தில் சி.பி.ஐ., ரெய்டு

**ayyasamy ram** · **ayyasamy ram** Fri 23 Mar 2018 - 21:46

சென்னை:
தேனாம்பேட்டையில் உள்ள ஏ.ஜி., அலுவலகத்தில் சி.பி.ஐ., ரெய்டு
நடத்தி வருகின்றனர். தமிழக அரசு பொதுக்கணக்காளர்
அலுவலகத்தில் அருண்கோயல் என்பவர் தலைமை அலுவலராக
உள்ளார்.

அரசு ஊழியர்களுக்கான ஓய்வூதிய தொகையை தணிக்கை
செய்வது இந்த அலுவலகத்தின் பணியாகும். இங்கு ஊழல்
நடப்பதாக எழுந்த புகாரின் பேரில் இந்த சோதனை நடப்பதாக
தகவல்கள் தெரிவிக்கின்றன.
-
------------------------------
தினமலர்

**ayyasamy ram** · **ayyasamy ram** Fri 23 Mar 2018 - 21:50

சென்னை:

சென்னை தேனாம்பேட்டையில் டி.எம்.எஸ். வளாகத்திற்கு
அருகில் பொது கணக்காளர் அலுவலகம் உள்ளது.
இன்று இந்த அலுவலகத்திற்கு வந்த சி.பி.ஐ. அதிகாரிகள்,
அலுவலகம் முழுக்க சோதனை செய்தனர்.

அதிகாரிகள் மீதான லஞ்ச ஊழல் புகாரையடுத்து இந்த
சோதனை நடத்தப்பட்டது.

இந்த சோதனையின்போது முக்கிய ஆவணங்களை
அதிகாரிகள் கைப்பற்றி ஆய்வு செய்தனர். காலையில்
தொடங்கிய சோதனை மாலையில் நிறைவடைந்தது.

இந்த சோதனையின் நிறைவில் பொது கணக்காளர்
அருண் கோயல் மற்றும் கணக்காளர் கஜேந்திரன்
ஆகியோரை சி.பி.ஐ. கைது செய்தது.

ரூ 5 லட்சம் லஞ்சம் பெற்ற புகாரில் கைது செய்யப்
பட்டிருப்பதாக தகவல் வெளியாகி உள்ளது.
-
---------------------------------
தினத்தந்தி

anikuttan · anikuttan Sat 24 Mar 2018 - 8:50

அய்யா எங்கு ரைடு என்ற ஒன்று நடந்தாலும் அதிகாரிகள் முக்கிய ஆவணங்களை கைப்பற்றினார்கள் என்று தான் செய்தி வருகிறது . ஆனால் அந்த கைப்பற்றிய முக்கிய ஆவன்னகளை வைத்து இன்றளவும் எதுவும் செய்யவில்லை அந்த ரைடு நடத்திய அதிகாரிகள் . இவர்களே லஞ்சத்தை பெற்றுகொண்டு அந்த ஆவணங்களை திரும்ப குடுத்துவிடுகிரார்கள் என்று தான் தோன்றுகிறது . கூடுதல் லஞ்சம் விளையாடுவது அங்கு தான் .