36 மணி நேரம் சாகர் கவாச் பாதுகாப்பு ஒத்திகை தொடங்கியது: தமிழகம் முழுவதும் வெடி குண்டு, ஆயுதங்களுடன் 73 பேர் சிக்கினர்

by **ayyasamy ram** Fri Mar 23, 2018 8:32 am

சென்னை:
மும்பையில் கடந்த 2008ம் ஆண்டு நவம்பர் மாதம் கடல்
மார்க்கமாக ஊடுருவி தீவிரவாதிகள் தாக்குதல் நடத்தினர்.

இந்த தாக்குதலில் நூற்றுக்கும் மேற்பட்ட பொது மக்கள்
மற்றும் போலீசார் உயிரிழந்தனர். இதையடுத்து இந்திய
கடலோர பகுதிகளில் பாதுகாப்பை உறுதி ெசய்யும்
வகையில் 6 மாதங்களுக்கு ஒரு முறை பாதுகாப்பு ஒத்திகை
நடத்தப்பட்டு வருகிறது.

இதற்கு ஆபரேஷன் ஆம்லா, ஆபரேஷன் ரக்‌ஷக், சாகர் கவாச்
என்று பெயரிடப்பட்டுள்ளது.அதன்படி நேற்று காலை
6 மணிக்கு ‘சாகர் கவாச்’ பாதுகாப்பு ஒத்திகை தொடங்கியது.

36 மணி நேரம் நடைபெறும் இந்த ஒத்திகையில் இந்திய
கடற்படை, கடலோர காவல் படை, கடலோர பாதுகாப்பு குழுமம்
மற்றும் மத்திய, மாநில உளவுத்துறை போலீசார் உட்பட அனைத்து
பாதுகாப்பு துறையினரும் ஈடுபட்டுள்ளனர்.

அவர்கள் தீவிரவாதிகள் போல் வேடமிட்டு அவர்களுக்கு
அளிக்கப்பட்ட இலக்குகளை நோக்கி போலி வெடி குண்டுகள்,
துப்பாக்கிகளுடன் சென்றடைவார்கள்.

அவர்களை கண்டுபிடித்து தடுக்கும் பணியில் போலீசார்
ஈடுபட்டுள்ளனர்.

தமிழகத்தில் உள்ள திருவள்ளூர், ெசன்னை, காஞ்சிபுரம்,
விழுப்புரம், நாகை, தூத்துக்குடி, குமரி உட்பட 13 கடலோர
மாவட்டங்களில் துப்பாக்கி ஏந்திய போலீசார் ரோந்து
படகுகளில் பாதுகாப்பு ஒத்திகையில் ஈடுபட்டு உள்ளனர்.

இதனால் கடலோர பகுதிகளில் மீனவர்களின் படகுகளில் தீவிர
சோதனை நடத்தப்பட்டு வருகிறது.இந்த பாதுகாப்பு ஒத்துகையில்
நேற்று இரவு வரை தமிழகம் முழுவதும் 73 பேர் பிடிப்பட்டனர்.

அவர்களிடம் இருந்து டம்மி வெடி குண்டுகள் மற்றும் துப்பாக்கிகள்
பறிமுதல் செய்யப்பட்டது. சென்னையில் போலீஸ் கமிஷனர்
ஏ.கே.விஸ்வநாதன் உத்தரவின் பேரில் அனைத்து காவல் துறை
அதிகாரிகளும் இந்த பாதுகாப்பு ஒத்திகையில் ஈடுபட்டுள்ளனர்.

இதனால் ெசன்னையில் உள்ள சுற்றுலாதளங்கள், கோவில்கள்,
சலச்சுகள், மசூதிகள், வணிகவளாகங்கள், பூங்காக்கள், சென்ட்ரல்,
எழும்பூர் ரயில் நிலையங்கள் மற்றும் கோயம்பேடு பேருந்து
நிலையங்களில் பாதுகாப்பு பலப்படுத்தப்பட்டுள்ளது.

மேலும், காசிமேடு மீன் பிடி துறைமுகம், மெரினா, பெசன்ட் நகர்
கடற்கரை, கானாத்தூர் உள்ளிட்ட பகுதியில் தீவிர பாதுகாப்பு
ஒத்திகையில் போலீசார் ஈடுபட்டுள்ளனர்.

சென்னையில் நடந்த பாதுகாப்பு ஒத்திகையில் கோவளம்,
திருவான்மியூர், காசிமேடு உள்ளிட்ட இடங்களில் 19 பேர் சிக்கினர்.
அவர்களிடம் இருந்து 4 டம்மி வெடி குண்டுகள் பறிமுதல்
ெசய்யப்பட்டது. இந்த பாதுகாப்பு ஒத்திகை இன்று மாலை
6 மணிக்கு முடிவடைகிறது.
-
---------------------------------
தினகரன்

by SK Fri Mar 23, 2018 11:27 am

ஒத்திகையெல்லாம் நல்லாத்தான் பன்றாங்க ஆனால் செயல் நடிப்பாக தான் இருக்கு

by Sponsored content