காலவரையற்ற உண்ணாவிரதம் துவக்கினார் ஹசாரே

**ayyasamy ram** · **ayyasamy ram** Fri Mar 23, 2018 3:01 pm

-
புதுடில்லி:
லோக்பால் மற்றும் லோக் ஆயுக்தா அமைக்க வலியுறுத்தி
சமூக சேவகர் அன்னா ஹசாரே டில்லியில் காலவரையற்ற
உண்ணாவிரத போராட்டத்தை துவக்கினார்.

கடந்த 2011ம் ஆண்டு ஏப்ரலில் ஊழலற்ற இந்தியாவை
உருவாக்கும் வகையில் லோக்பால் அமைப்பை கொண்டுவர
வலியுறுத்தி டில்லி ராம்லீலா மைதானத்தில் அன்னா ஹசாரே
உண்ணாவிரதம் இருந்தார்.

மத்திய அரசு லோக்பாலுக்கு உறுதி அளித்ததையடுத்து அவர்
தனது போராட்டத்தை வாபஸ் பெற்றார்.

இந்நிலையில், மத்தியில் லோக்பால் மற்றும் மாநிலங்களில்
லோக் ஆயுக்தாவை உறுதியளித்தபடி மத்திய அரசு
அமைக்கவில்லை என ஹசாரே புகார் கூறியிருந்தார்.

இதனை அமைக்க வலியுறுத்தியும், விவசாயிகள் பிரச்னையை
தீர்ப்பதற்காக சுவாமிநாதன் குழு அளித்த பரிந்துரைகளை
நிறைவேற்ற கோரியும் காலவரையற்ற உண்ணாவிரத
போராட்டத்தை, டில்லியின் ராம்லீலா மைதானத்தில்
துவக்கினார்.

முன்னதாக, அவர் ராஜ்காட்டில் உள்ள மஹாத்மா காந்தி
சமாதியில், தனது ஆதரவாளர்களுடன் சென்று மலர் தூவி
மரியாதை செலுத்தினார். பின்னர், சுதந்திர போராட்ட வீரர்கள்
பகத் சிங், சுக்தேவ் மற்றும் ராஜ்குரு நினைவாக அமைக்கப்பட்ட
பூங்காவிற்கு சென்று அவர்களுக்கு மரியாதை செலுத்தினார்.

ஹசாரே போராட்டத்தை தொடர்ந்து. அந்த வழியாக செல்ல
வேண்டாம் என பொது மக்களுக்கு போலீசார்
அறிவுறுத்தியுள்ளனர்.
-
-------------------------------------
தினமலர்

SK · SK Fri Mar 23, 2018 3:28 pm

அருமையான நகைச்சுவை

காலவரையற்ற உண்ணாவிரதம் துவக்கினார் ஹசாரே

காலவரையற்ற உண்ணாவிரதம் துவக்கினார் ஹசாரே

Re: காலவரையற்ற உண்ணாவிரதம் துவக்கினார் ஹசாரே

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக