ஒரு சந்தேகம்??

மோதும் மலைகளில் உப்பை கொட்டும்
மூடர்கள் என்ற வசனம் விஜய் டிவியில்
அருவி படத்திற்கு வருகிறது.

எனக்கு அர்த்தம் புரியவில்லை.
மழையா அல்லது மலையா?
இது பற்றி தெளிவான விளக்கம்
தேவை.

by **ரா.ரமேஷ்குமார்** Tue Mar 20, 2018 10:46 pm

ஐயா வீடியோ ஏதாவது உள்ளதா?? இது தொடர்பாக ..

by krishnanramadurai Tue Mar 20, 2018 11:01 pm

ஐயா இது படத்தில் எப்படி வருகிறதோ தெரியாது.
என் கற்பனை மட்டும்...(உங்கள் வரிகளை மட்டும் பார்த்து)
மூடர் இது முக்கியம்.
அவர் செய்யும் செயல் தவறாக முடிய வேண்டும்.
என்ன செய்கிறார் ? உப்பை கொட்டுகிறார்.
இதை உப்பிட்டார் என்று சொல்லாமல் போனதற்கு காரணம் அது தவறாக முடிந்ததால்.
ஏன் தவறாக முடிந்தது ?
மோதும் மலையில் கொட்டியதால்.
மோதும் மலை - கடும் பகை என கொள்ளலாம்.
யாரேனும் பகைவருக்கு உப்பிடுவாரா?
துரியோதனன் முயன்றிக்கிறானே .
சல்லியன் உப்பிட்டு தன் பக்கம் ஈர்க்கப்பட்டவன்.
துரியோதனாதிகள் மூடர்கள்தானே.
-----
அது மழையாக இருக்குமோ ? யோசித்து பார்க்கிறேன்.

by Guest Wed Mar 21, 2018 12:24 am

ஐயா எங்கே தவறு என்று தெரியவில்லை. விஜய் தொலைக்காடசி அறிவிப்பாளர் தவறாக சொல்லி இருக்கலாம் என்று தோன்றுகிறது.

ஒரு சந்தேகம்?? Ngday3wdTMibxcyDXS2z+aruvi

https://twitter.com/vijaytelevision/status/973217803674243074

by SK Wed Mar 21, 2018 12:02 pm

மோதும் அலையில் உப்பை கொட்டும்

அருமையான வரி

ஒரு சந்தேகம்?? 3838410834

by Guest Wed Mar 21, 2018 12:20 pm

இது பாரதிதாசன் கவிதையில் வரும் வரிகள்.

அன்புடையாளே
அருமைத்தோழி ;
என்னைப்பற்றி
நினைக்காதே!
உன்றன் கருத்தை
ஒப்பும் படி நீ
அறிவுரை ஏதும்
உரைக்காதே?
உயிரும் உணர்வும்
உள்ளத்துள்ளே
ஓங்கும் புயலாய்
அடிக்கிறது!
உயரும் காதல்
உணர்ச்சி நெருப்பாய்
ஓன்றையும் காணா
துயர்கிறது!

சாதி, குலம், மதம்,
சீலம், மானம்
சார்ந்த காதல தீயினிலே
வேதியனைப்போல்
விரகிட்டல்ல
காதல் தீயில்
எரித்திட்டேன்!
காதலை அறியாக்
கயவர் கூட்டம்
கண்டதையெல்லாம்
கத்தட்டும்!
மோதும் அலையில்
உப்பைக் கொட்டும்
மூடர்கள் ஏதும்
செய்யட்டும்!

இளமை என்னும்
அருவிப் பெண் நான்
இளைஞன் என்னும்
பேராற்றில்
உளங்கொண்டாடி
என்னை இழந்தேன்!
ஊராராம் நாய்
குலைக்கட்டும்.
உண்ணும் போதும்
உயிர்க்கும் போதும்
காதலை யன்றி
ஒன்றறியேன்!
பண்ணும் தொழிலில்
பாட்டிக் காதல்
மன்னவனன்றி
வேறு அறியேன்.

by SK Wed Mar 21, 2018 1:32 pm

அருமை மூர்த்தி

மூர்த்தி wrote:ஐயா எங்கே தவறு என்று தெரியவில்லை. விஜய் தொலைக்காடசி அறிவிப்பாளர் தவறாக சொல்லி இருக்கலாம் என்று தோன்றுகிறது.

https://twitter.com/vijaytelevision/status/973217803674243074

மேற்கோள் செய்த பதிவு: 1263242
நீங்கள் கூறியது போல் மோதும்
அலையில் உப்பை கொட்டும் மூடர்கள்
சரியாக சொன்னீர்கள்.
நன்றி...நன்றி..மூர்த்தி